Slideshow Image 2

CHYAM YU SAGA

Magam bungli masing langai mi hpe masing jahkrat hkrang gran tawn nna lamang mahkyen hte galaw sa wa yu ai shaloi awng dang ai hkrat sum ai, jaw ai n'jaw ai hpe maram yu nna matut galaw mai ai n'mai hpe mu chye chyalu rai nga ga ai. Shaning 60 ning jan wa galaw yu hkam sha lai wa yu saga ai. Ya dai ni mung masa bawng ban na matu mung shakut wa yu saga ai.

1-Mung masa bawngban ai.
Mung masa bawngban sa wa na hpe mung ngai hku na ndai hku dinglun maram yu lai wa sai re, shawng lang anhte bawngban yu ra ai, shaloi she myen asuya a manaw hte mahkyen hpe mungkan hte mung shawa gaw asan pra mu chye wa lu nna myen gaw kade ram manai makai masu magaw nga ai hpe mungkan de grau grau htawng madun wa lu na re hte kaja ai mahkyen nga ai, n'nga ai hpe yawng asan pra grau chye lu na re zawn grai n'bawngban ai ten hte bawngban ai hpang na mabyin hpe ta tut grau maram mu chye wa lu na re ngu mu ai.

2-Bawngban n ra sai.
Moi mung lang hte lang bawngban yu sai, myen a masa mahkyen masing gaw laklai wa ai lam n'nga ai hta n'ga grau pyi she hpyen masa shaja wa ai, grau she wa nyem roi galaw wa ai, mung masa bawngban na tara shang rapdaw nga jang bawngban na re nga maw lanyet shaw wa sai ya rapdaw nga sai kara kaw ta? Myen hpe mai kam na, ya dai ni annau ni myit galu galang hte masu ai myu re chye nga tim n'ju ndawng ai myit hpe shingdu tawn kau nna, bawnu salum pusin kan nrut nra ni hta n'kaja ai chye nga ninglen manam tim sharai shading ai myit, hkristan myit jasat hte manam puk na hkyen wa saga ai, rai yang annau ni hpe dang sha ai myu re, u shoi kya ai myu re nga sawn shadu nna grau pyi she sat shamyit wa ai lu lawm ai lam shinggyin ahkaw ahkang n'yu ai, grau she zingrut htu wa nga sai. Kara kaw ta mung masa bawngban na mahkyen, dai manaw sha naw shapraw dat ai hte akawng amyin wa garang nna grau she dakak nga sai.

Bawngban yu nna shaning galu maran yu wa saga ai, ya dai ni hkyak hkyak mung bawng yu sai byin mung byin hkrum hkra yu saga ai. Dai majaw myen asuya hku nna kaja nan hpyen masa shayawm nna myit san seng lam teng nga ai shanhte hku nna bawngban shaga wa yang pyi lapran Slg tai ya na maigan rapdaw langai kaw na n'lawm yang gaw kade lang mi bawng tim lachyum pru na nre. Rapdaw gaw mung masa bawngban ga nga tim hpyen dap kaw na gaw gasat tik tik rai nga ai gaw lahkawng pawng tim langai sha re lachyum pru nga ai, rapdaw hte hpyen dap gaw hkum shan langai zawn rai nga ai, hpa majaw nga yang hpyen hpyi galai tawn ai hpyen du ni hte gawda ai rapdaw re. Ya hkyak hkyak shaning 60 jan kalang mung simsa lam n'la ga yu ai hpu nau Kayin (KNU) ni hte simsa lam la lu ai gaw mungkan hpe htawngdan na myen a mung masa amyat kaba re zawn annau ni hpe gasu kabrawng hpung re nga grau nna madi madun na n'gun manaw rai nga malu ai. Kade ram kaja lu na ta? KNU yu ni kade ram hkam jan lu na kun? Maram yu ga.

Madu a myit ra ahkaw ahkang dawdan mahkret pa gaw tinang a matu ahkyak dik ai zawn myu sha yawng a matu mung ahkyak dik ai re, hpa majaw tinang myu hpe sat sharu shamyit nga ai ni a matu naw galaw ya mayu nga myit ta? Sutgan yawng ginlut hkrum nna matsan mayan jamjau jamhkaw byin nga ai tinang saidaw saichyen ni hpe yu nna ja ja myit yu ga, nang hpunau wa tinang myu a matu kade ram lu galaw ya lu na ta? Chye nga ninglen naw chyam yu na kun? Na hpu dik ai ten hpe dai zawn re kaw jai lang kau na sai kun?

Rai sa hpu nauwa rapdaw kaw U HKA hpung kaba hta nang hpunau wa U TAWNG tai nna gade ram shatsawm jahtap sharai shading lu na ta? [Tara n-lang ai ni a bawng ai hku hta n-hkawm, Yu bak kap ai ni a lam e n'tsap, Jahpoi ai ni a hpawng hta n-dung lawm ai sha. 1Shak 1:1] ndai Chyum mungga hpe nang hpu nau wa alang lang hti yu sawn yu na nit dai. Nang bang dat ai na manu dan dik ai ahkaw ahkang pa gaw chyasam ni bungli kaw arang bang dat yang nang kade amyat lu na ta? Madu myu sha ni yup n'pyaw, sha n'mu, nga shara garen rai n'ji nmu, jam jau hkrum nna hkrap myipwi pru yawn madai nga ai ten hte madu saidaw sai chye ni asak law law ap nawng nna majan pa hta saihka galwi nga ai, mare kahtawng law law nat hkrum nga ai, roirip hkrum nga ga ai le. Dai hpe hpa hte shatai nna myit jasat na ta? Jaw sai kun?

Moi shawng de Shanglawt ningnan hpang ai ten kaw na ga sadi la sai hte maren Karai mung chye sai masha mung chye sai hte maren Awmdawm Shanglawt sha n'lu dingsa gasat na nga nna ga shaka tawn da nna dai ni du gasat rawt malan sa wa saga ai dai hpe dai ni shadik shatup ra ai. Karai Kasang hpe sadi n'hpyen ga, kaji kawoi ni hpe sadi dung ga, myu a matu du baw law law hte hkala n'ba hkrum nna hkum hkrang law law sak jaw ai ni hte jam jau law law arang bang nga sai hpe dum nna langai sha ngam tim gasat ga. Garan saga. Mungkan mungdan law law mung dai hpe myit mada nga ai re.
Shanglawt sha nlu dingsa gasat ga.

Baren Numraw

6 comments:

gawluyaku said...

she teng law ya na ten hta ngai mu mada ai mung dai hku sha re
shakut ga a tsam dat ga tinang ai ting geng myit n rawng ga
myu hpe tsaw ai rai yang annau ni
myit mang zai ladat jawm shaw let shakut sa wa ga law

w.p shadang said...

mai gan mung dan shara shagu kaw du nga ai w.p myu sha ni mung K.I.A hpyen dap de wa magam gun na a hkyak nga sai.mung dan shagu du nga ai w.p myu sha jahpan hpe hkring dat,mying hte hkrak yup tung jahpan hta yang kaja na re.bai hpyen magam wa gun na myu sha ni hpe ti nang du nga ai mung dan kaw na myit su salang ni wa lam hkrung lam a matu lit la hparan ya wa ra nga ai...myu sha marai 1 hta sinat 1 hpra rai ra sai..an hte myu sha ni yawng lak nak lang n gun madun majan shang wa ra sai.......

nnye la nau said...

Hpa ta.... Myen ni shaning 60 ning jan wa ting anhte hpe shara njaw ai.
Hpa ta.... Myen ni Shani shana anhte hpe sat shamyit na chyu hkyen ai.
Hpa ta.... Jinghpaw mungdaw kaw Jinghpaw shadang langai hku nna galu galaw sha na ahkang njaw ai.
Hpa ta.... Jawng ma ni Myit marai hte Hpaji nchye Jawng Ma law wa ai.
Hpa ta.... Simsa LAM hte Mung masa shaga ga nga na Myen Hpyen n-gun hte sinat kaba hkrai shani shana gap bun nga ai.
Hpa ta.... Jinghpaw myu sha ni Mung masa lam hte ahkawng ahkang lam hta Ga shaga nmai ai.
Hpa ta.... Office magam bungli shagu hta shara njaw na chyu shakut ai Myen ni.
Hpa ta.... Myu sha ni hpe Roi , Htawng , Sat Nat, Masu Lagu mya la nga ai.
Hpa ta.... Masu ai Mung masa ai lam hkrai woi Ga mung jahta nga ai.
Hpa ta.... Jinghpaw wunpawng sha ni a Sa sana Sara a Masat Nawku hting nu Nat jahten ai.
Hpa ta.... Jinghpaw Myu sha ni hpe masu shakut nga ai.
Annau ni ya na myit su hpu shawng hpu ba ni, ndai lam ni anhte a Kanau Kasha , kashu kasha ban prat hta nbyin lu hkra lam amyu myu hku nna Myen Government hpe Mungdan kata kaw na Gawt kau ga.

Unknown said...

USA mungdan shara shagu kaw du chyam hkawm nga ai wunpawng ramma ni,ndai lam hte seng na lam langai hpe jawm gyin shapraw let ta tut galaw sa wa ra sai ngu mu mada ai,

naw ja lataw said...

myen ni gaw "Machyu n rawng ai sanat,.matu n rawng ai ladat " ni hpe lang na masha shagu hpe jahkrit shama sha lai wa ai gaw grai na sai.. dai majaw ya dai ni an hte wunpawng myu sha ni yaw zen let,.. zai ladat jawm shaw let awng dang lam hpe jawm shakut sa wa saga .....

padang yesu said...

Dangdi lu ai,Sadi dung ai Ten ladaw hkrak nshai hkra Jaw ya Shalai ya nga ai MADU hta hpaji hpyi chyeju shakawn shawnglam de galaw sa wa ga.shaga na aten du sai anhte madi madun na law2 nga,Baren Numraw a gasi grai jaw ai.GAREN SAGA.Mungkan mungdan law2 W.P sai rum nanau ni nden ga dai ai hte shaga ra sai.mungkan mungdan kaw na mung,dan nga ga madat mayu garum na jin2 rai nga na re.hpa majaw nga yang myu hpan 1 hpe roi rip dip hkang sat nat ai ten prat nrai sai.

Post a Comment