Lani mi hta myutsaw salang masum gaw London mare, British Parliament kaw sa du ma ai shaloi, Panglong zuphpawng kaw lawm ai British salang marai 3 kaw na Mr. Stevenson n nga mat sai raitim House of Lord Bottomley hte House of Lord Lesto yan hpe hkrum shaga ma ai.
Ga san amyu myu a lapran kaw myu tsaw salang langai san ai gaw British ni Wunpawng Mungdan hpe uphkang nga ai ten hta mungmasha ni hpe hpaji hparat gara hku sharin ya ai lam san ai. Mahtai hpe dingtawk jaw na malai, Salang Bottomley hku nna, nanhte Wunpawng Myusha ni hkam la ai madang gaw grai naw hkalung nga madai, ngu ai lachyum hpe grai gawai ai hku mahtai jaw wa ai.
MAHTAI
American ni gaw hpaji rawng ma ai. Shanhte gaw 1776 July 4 ya shani British asuya a lata kaw na shanglawt lu wa ai shani shanhte myit hkrum ai gaw:- "Dai ni anhte shanglawt lu saga ai. Dai ni kaw nna anhte a mungdan hpe gadai mung nsa gasat lu na matu, anhte gaw hpaji rawng nna n-gun ja ra ga ai. Dai majaw anhte gaw hpaji rawng nna n-gun ja ai mungdan hte ganawn ra saga ai", nga nna dai shaloi jang British hpe nju na malai, British hte French hpe lata la nna ganawn wa ma ai rai yang, shanhte gaw mungkan kaw hpaji chye nna n-gun ja htum ai amyu ni byin tai wa lu masai.
Nanhte Kachin ni a hpaji lam tsun ga nga yang, nanhte a mungdan hpe anhte British ni rai n sa uphkang yang American missionary ni shawng du nna laika hpaji ni shalat ya nhtawm sharin ya nga sai majaw, British ni sa zing la ai shaloi hpaji lam hte hkamja lam hpe American missionary ni matut jum wa masai. British asuya gaw uphkang lam, shim lam, matut mahkai lam, sut masa lam zawn re ai hpe madung tawn nna uphkang wa ga ai, nga nna sang lang dan ai.
Sung sung myit yu ai shaloi Amerian, British, French ni gaw shada a lapran kaw chye na hkat ai lam tawn nhtawm mungkan hpe jawm garan uphkang wa masai. Shing re ai mabyin masa hpe maram chye nna, dai mungdan kaba ni a lapran kaw jahtuk ganawn chye ai ni chyawm gaw aten galu hta rawt jat galu kaba wa lu ma ai.
LA MA WA
La ma wa, 1946 September 15 ya shani Manhkring mare kaw Salang Stevenson hpaji jaw ai hpe Wunpawng Salang ni myit hkrang nna hkap hkalum ya ma ai rai yang, British asuya ni ka shapraw da ya ai KACHINLAND mungdan hkrang (map) hte maren prat chyanat grin sa wa lu na re. Kaja sha nga yang, hpaji amyu myu sharin la lu na matu gaw 5 ning sha n-ga, 20 ning daram sharin la lu ai rai yang gaw ngang kang ai hpaji npawt nhpang hpe sharin la lu na re. Ga shadawn, British gaw Hong Kong hpe 100 ning uphkang wa ai shaloi mungmasha ni hpaji kade hkum tsup wa lu ai hpe jawm mu wa saga ai.
SATAN GUNGLAU AI HPE KOI KAU LU RA
Satan gunglau ai kaw kataw hkrup nna pawt singdawng marawn ai salang langai a nsen hpe jawm na dat ai salang u-nawng u-wa gaw, Yehowa jaw da ya ai machye machyang hpe asung jashawn nna dinglik yu na malai, na la ai nsen kaw hkan marawn nang ai nga yang, Wunpawng myusha ni a shawng lam gaw hkye la she laja rai wa sai. N-gun ja ai wa a matu gaw, tara ai mi rai rai, n tara ai mi rai rai, shi yaw shada ai pandung kaw du lu na matu lam dingtawk hte aten kadun laman awngdang la mai nga ai. N-gun naw kya nga ai ni a matu chyawm gaw, tinang a yaw shada tawn ai pandung kaw du lu na matu atsang langai a hpang langai ra yang ra ai hku lapu zawn zai rawng nna hkru du zawn shingdi ai jasat hte jahtuk sa wa ra nga ai. Tinang marawn dat ai nsen gaw amyu hpe lam woi shawng ai awngpadang pahke nsen rai u ga.
Satan wa gaw na chying zai rawng ai rai nna, htap htuk ai hpu nau langai hpe gat lawk shatai nhtawm, Manhkring mare kaw Salang Stevenson hpe jawm marawn jahtaw dat ai kasi bai n lang wa na ngu n tsun lu ai. Anhte hta gawng kya ai lam amyu myu hta hkan nna satan wa gaw anhte hpe ambush amyu myu hte jahten sharun kau nga ai. Kaning re ai agung alau yawng hpe shagrawt kau lu ai wa gaw tsaw htum ai Karai Kasang sha re majaw anhte gaw shi hpe manoi manat kyu hpyi nhtawm, shi jaw da ya ai nyan hpaji n-gun atsam yawng hpe lang nna shakut sa wa nga ga ai majaw Wunpawng Myusha ni yaw shada tawn ai pandung de teng teng du wa lu na ga ai ngu kam let da ting sa wa ga law.
Pyilan
Ga san amyu myu a lapran kaw myu tsaw salang langai san ai gaw British ni Wunpawng Mungdan hpe uphkang nga ai ten hta mungmasha ni hpe hpaji hparat gara hku sharin ya ai lam san ai. Mahtai hpe dingtawk jaw na malai, Salang Bottomley hku nna, nanhte Wunpawng Myusha ni hkam la ai madang gaw grai naw hkalung nga madai, ngu ai lachyum hpe grai gawai ai hku mahtai jaw wa ai.
MAHTAI
American ni gaw hpaji rawng ma ai. Shanhte gaw 1776 July 4 ya shani British asuya a lata kaw na shanglawt lu wa ai shani shanhte myit hkrum ai gaw:- "Dai ni anhte shanglawt lu saga ai. Dai ni kaw nna anhte a mungdan hpe gadai mung nsa gasat lu na matu, anhte gaw hpaji rawng nna n-gun ja ra ga ai. Dai majaw anhte gaw hpaji rawng nna n-gun ja ai mungdan hte ganawn ra saga ai", nga nna dai shaloi jang British hpe nju na malai, British hte French hpe lata la nna ganawn wa ma ai rai yang, shanhte gaw mungkan kaw hpaji chye nna n-gun ja htum ai amyu ni byin tai wa lu masai.
Nanhte Kachin ni a hpaji lam tsun ga nga yang, nanhte a mungdan hpe anhte British ni rai n sa uphkang yang American missionary ni shawng du nna laika hpaji ni shalat ya nhtawm sharin ya nga sai majaw, British ni sa zing la ai shaloi hpaji lam hte hkamja lam hpe American missionary ni matut jum wa masai. British asuya gaw uphkang lam, shim lam, matut mahkai lam, sut masa lam zawn re ai hpe madung tawn nna uphkang wa ga ai, nga nna sang lang dan ai.
Sung sung myit yu ai shaloi Amerian, British, French ni gaw shada a lapran kaw chye na hkat ai lam tawn nhtawm mungkan hpe jawm garan uphkang wa masai. Shing re ai mabyin masa hpe maram chye nna, dai mungdan kaba ni a lapran kaw jahtuk ganawn chye ai ni chyawm gaw aten galu hta rawt jat galu kaba wa lu ma ai.
LA MA WA
La ma wa, 1946 September 15 ya shani Manhkring mare kaw Salang Stevenson hpaji jaw ai hpe Wunpawng Salang ni myit hkrang nna hkap hkalum ya ma ai rai yang, British asuya ni ka shapraw da ya ai KACHINLAND mungdan hkrang (map) hte maren prat chyanat grin sa wa lu na re. Kaja sha nga yang, hpaji amyu myu sharin la lu na matu gaw 5 ning sha n-ga, 20 ning daram sharin la lu ai rai yang gaw ngang kang ai hpaji npawt nhpang hpe sharin la lu na re. Ga shadawn, British gaw Hong Kong hpe 100 ning uphkang wa ai shaloi mungmasha ni hpaji kade hkum tsup wa lu ai hpe jawm mu wa saga ai.
SATAN GUNGLAU AI HPE KOI KAU LU RA
Satan gunglau ai kaw kataw hkrup nna pawt singdawng marawn ai salang langai a nsen hpe jawm na dat ai salang u-nawng u-wa gaw, Yehowa jaw da ya ai machye machyang hpe asung jashawn nna dinglik yu na malai, na la ai nsen kaw hkan marawn nang ai nga yang, Wunpawng myusha ni a shawng lam gaw hkye la she laja rai wa sai. N-gun ja ai wa a matu gaw, tara ai mi rai rai, n tara ai mi rai rai, shi yaw shada ai pandung kaw du lu na matu lam dingtawk hte aten kadun laman awngdang la mai nga ai. N-gun naw kya nga ai ni a matu chyawm gaw, tinang a yaw shada tawn ai pandung kaw du lu na matu atsang langai a hpang langai ra yang ra ai hku lapu zawn zai rawng nna hkru du zawn shingdi ai jasat hte jahtuk sa wa ra nga ai. Tinang marawn dat ai nsen gaw amyu hpe lam woi shawng ai awngpadang pahke nsen rai u ga.
Satan wa gaw na chying zai rawng ai rai nna, htap htuk ai hpu nau langai hpe gat lawk shatai nhtawm, Manhkring mare kaw Salang Stevenson hpe jawm marawn jahtaw dat ai kasi bai n lang wa na ngu n tsun lu ai. Anhte hta gawng kya ai lam amyu myu hta hkan nna satan wa gaw anhte hpe ambush amyu myu hte jahten sharun kau nga ai. Kaning re ai agung alau yawng hpe shagrawt kau lu ai wa gaw tsaw htum ai Karai Kasang sha re majaw anhte gaw shi hpe manoi manat kyu hpyi nhtawm, shi jaw da ya ai nyan hpaji n-gun atsam yawng hpe lang nna shakut sa wa nga ga ai majaw Wunpawng Myusha ni yaw shada tawn ai pandung de teng teng du wa lu na ga ai ngu kam let da ting sa wa ga law.
Pyilan
0 comments:
Post a Comment