Zai Awng hpyen yen dabang kaw nga ai ramma la marai 8, Miwa mungdan Kunming mare kaba jut shara mi kaw nga ai namhpun (fertilizer) galaw ai jak rung langai de dut sha kau hkrum ai ngu nna shanhte hpe shalawt na matu garum ya nga ai Nbwi Htu Mai kawn shana wa ai. Hpyen yen ramma 8 hte hpawn dai Miwa namhpun jak rung kaw kaga ramma la marai 4 hte num marai 1 mung lawm ai. Zai Awng hpyen yen dabang na marai 8 gaw Ga Ra Yang mare na re. Marai 2 gaw Moeguk, marai 1 gaw Moemeik, hte marai 1 gaw Gala kasha re (buga mare n chye). Yawng 13 re.
Ya aten marai 5 bai lawt wa sai. Marai 4 gaw Zai Awng hpyen yen dabang na re. Ya Kunming kaw na Ying Jiang de bai wa ai hkrun lam kaw re. Laiza de wa na re. Laiza kaw na seng ang ai salang ni bai lajang nna kanu kawa ni hpang de bai sa ya na lam chye lu ai. Num kasha gaw Manmaw kaw na re. Bungli galaw ai ni a matu shat shadu ya ra ai re. Ya num kasha hpe mung n-ta wa shangun sai ngu chye lu ai.
Lai wa sai November shata, Ga Ra Yang mare kaw na hpyen yen let Zai Awng hpyen yen dabang kaw shingbyi nga yang, Miwa mung kaw shata myi Yuan 2500 lu ai bungli jaw na nga nna masha langai wa shaga ai majaw hkan nang mat ai kawn, ndai zawn dut sha kau hkrum ai re lam Nbwi Htu Mai kawn chye lu ai. Dut sha kau hkrum ai ma ni a kanu kawa ni hkan sagawn nga ai lam chye ai majaw, Kunming kaw du nga ai Nbwi Htu Mai kawn tsaw ra shawang myit hte hkan sagawn ai shaloi, Kunming mare kaba jut shara mi hta mying pyi n kap ai namhpun galaw jak rung kaw ya na zawn ramma 13 hpe wa mu tam ai re. Jak rung madu ni hpe dai ramma ni hpe dat ya na matu tsun yang, ndai ramma ni a hka garai n wa shi ai ngu tsun ma ai. Shanhte hpe wa sa da ai wa hpe mung n mu sai ngu tsun ai. Nbwi Htu Mai gaw seng ang ai salang ni hte matut mahkai nna dai ramma ni hpe shalawt na matu shakut lai wa sai. Ya aten marai 5 hpe gaw jak rung madu ni n-ta bai wa shangun sai. Matut nna ngam nga ai marai 8 hpe naw shalawt na matu yawng jawm shakut ra na rai.
Shana ai.
Kareng Awng
Laiza
Ya aten marai 5 bai lawt wa sai. Marai 4 gaw Zai Awng hpyen yen dabang na re. Ya Kunming kaw na Ying Jiang de bai wa ai hkrun lam kaw re. Laiza de wa na re. Laiza kaw na seng ang ai salang ni bai lajang nna kanu kawa ni hpang de bai sa ya na lam chye lu ai. Num kasha gaw Manmaw kaw na re. Bungli galaw ai ni a matu shat shadu ya ra ai re. Ya num kasha hpe mung n-ta wa shangun sai ngu chye lu ai.
Lai wa sai November shata, Ga Ra Yang mare kaw na hpyen yen let Zai Awng hpyen yen dabang kaw shingbyi nga yang, Miwa mung kaw shata myi Yuan 2500 lu ai bungli jaw na nga nna masha langai wa shaga ai majaw hkan nang mat ai kawn, ndai zawn dut sha kau hkrum ai re lam Nbwi Htu Mai kawn chye lu ai. Dut sha kau hkrum ai ma ni a kanu kawa ni hkan sagawn nga ai lam chye ai majaw, Kunming kaw du nga ai Nbwi Htu Mai kawn tsaw ra shawang myit hte hkan sagawn ai shaloi, Kunming mare kaba jut shara mi hta mying pyi n kap ai namhpun galaw jak rung kaw ya na zawn ramma 13 hpe wa mu tam ai re. Jak rung madu ni hpe dai ramma ni hpe dat ya na matu tsun yang, ndai ramma ni a hka garai n wa shi ai ngu tsun ma ai. Shanhte hpe wa sa da ai wa hpe mung n mu sai ngu tsun ai. Nbwi Htu Mai gaw seng ang ai salang ni hte matut mahkai nna dai ramma ni hpe shalawt na matu shakut lai wa sai. Ya aten marai 5 hpe gaw jak rung madu ni n-ta bai wa shangun sai. Matut nna ngam nga ai marai 8 hpe naw shalawt na matu yawng jawm shakut ra na rai.
Shana ai.
Kareng Awng
Laiza
0 comments:
Post a Comment