9-3-2012, 1:40 a.m
Miwa Gumsan Mungdan, Saphkung Madu Uphkang Mungdaw, Shweli Mare, Jing Cheng Hotel e KIO hte Myen Asuya Kasa ni masum lang ngu na mungmasa bawngban zuphpawng hpe 8-3-2012 ya shani 12:15 p.m -to- 4:0 p.m lapran galaw lai wa sai lam na chye lu ai. Dai zuphpawng hta myit hkrum ai mahtai garai n lu, htuk manu ai sat lawat garai n mu ai re majaw, 9-3-2012 ya shani matut bawngban na re lam hpe mung na chye lu ai.
Myen Asuya Kasa ni tang madun ai hta, gasat gala jahkring nna, simsa lam lu jang gaw, majan a majaw hten za mat ai mare dum nta ni yawng bai galaw ya na ga ai. Hkrun lam ni mung yawng bai gram lajang ya na ga ai, nga ma ai. KIO Kasa ni chyawm gaw, mungmasa mahkrun hku shawng bawng jahkrup mat wa nhtawm, kam ging kam mai ai tsang du jang she gasat gala jahkring nhtawm, matut bawngban sa wa na hku tsun ma ai. Dai n rai yang, shawng de na mahkrum madup ni law law hte maren, masu hkalem ai sha bai hkrup sha na re hpe chye da nga ma ai.
Kaja wa mung 1947 ning kaw nna ban hte ban masu sha hkrum mat wa ai gaw, daini du htep rai nga ai. 17 ning gasat gala jahkring ai laman, mungmasa woi bawng ai lam n nga ai. "Nyi-la-hkan" zuphpawng woi galaw nna aten sharen ai mung nau wa hpyau mat sai. Dai nyi-la-hkan (N.C) hta mung, KIO ni myit galu kaba hte shang lawm lai wa sai. 2008 ning na Gaw Da Tara byin pru wa nna mungshawa madi shadaw lam (Referendum) galaw yang mung, jawm madi shadaw lawm sai. Demokresi asuya hkrang galai shai na matu mungmasa hpung party hpaw wa ai shaloi mung, KIO party kaw na asan sha pru nhtawm, KSPP party hpaw hpang sai. Gaja wa ra lata poi du wa jang she, KSPP hpe udi nhpye tawn hku tawn kabai kau sai. KIO salang tsawmra mi hpe lahpawt lama shatsu shakrang jahpu chyayat shatai kau ya sai.
Masha gaw kalang mi masu hkrum yang, masu ai wa a mara rai nga ai. Lahkawng lang masu hkrum yang mung, masu ai wa hta mara naw rai nga ai. Masum lang masu hkrum sayang gaw, masu hkrum sha ai wa a mara she rai nga sai. Daini Jinghpaw Wunpawng sha ni masu hkrum sha ai lang gaw, (3) lang hkum tsun, hkying mun lang pyi n-ga sai re majaw, Myen wa mahtang baw nu zen nna, Jinghpaw ni angawk ai lam ang wa sai.
Myen Asuya Kasa ni a maw lanyet mung n shayawm nga malu ai. Lai sai 17 ning na mabyin gaw, Hpyen Asuya ni a lakhtak she rai sai. Ya daini gaw Demokresi Asuya lu saga ai. Dai majaw, hkru nga ai wan hpe shawng sat jasim nna she, kaga ra ai lam bawngban mai ai, nga nna tsun hkalem wa sai lam na chye lu ai.
KIO Kasa ni bai tsun ai hta, shaning 60 jan na mat sai manghkang kaba re majaw, Panglung ga sadi a lam jahta nan jahta shalawm ra ai, nga ma ai. KIO hte Munghpawm Asuya a lapran na manghkang hparan na lam hta Myen Hpyendap hpe nhtung tawn ai lam gaw shut ai. Hpyendap ngu ai gaw asuya n re. Munghpawm Asuya gaw, hpyendap hpe mungmasa hpung a ntsa e tawn da myit ni? Nga nna san ma ai. Lawu ga na Tat-ma hpyen hpung kaba ni yan ganawng htim kaput lung wa ai gaw, anhte maigan hpyen ni n rai ga ai. Dai hpyen hpung wunawng hpe n htingnut la ai mi, gara hku mung gasat gala jahkring na lam n hku ai, nga ma ai. Ndai zawn munghpawm madang mungmasa mahkrun bawngban ga, nga nna jawm ginrat hkat nga ai ladaw laman e hkrai, KIO/KIA hpe majan masing kaba hte htim gasat ai 13 lang rai sai. Hkrum katut gasat gala hkat ai 62 lang rai sai. Ya hkyak hkyak daini na zuphpawng hpang wa na ntawn e sha (2) lang gasat gala byin lai wa sai, nga ma ai.
Mungshawa ni a mare dum nta ni bai gaw gap ya na nga ai ga mung kaman li la rai nga ai. Mare buga ni hta Hpyen ni sha anga nga yang, mare masha ni nhtang wa n gwi ma ai. "Hpyen" ngu ai gaw, KIA hpe ngu mayu ai n re sha, Myen Hpyen ni hpe tsun ai lam she rai nga ai. Amyu sha ni langai hte langai a myit hkrum myit ra lam mung lu la ra nga ai, nga ma ai.
Myen Asuya Kasa ni bai tsun ai hta, KIO ni myit mada ai amyu sha ni a pawnghpawm hpung UNFC ngu ai gaw, mying sha ngam sai. KIO hta lai nna ngam ai mahkra Asuya hte myit hkrum simsa lam lu ngut sai, nga ma ai. Shing n rai nanhte Kachin a kata na amyu bawsang ni hpe tsun mayu ai kun gaw n chye ai, nga ma ai. KIO ni htai tsun ai hta, amyu sha ni ngu ai gaw, Kachin bawsang hkrai n rai; Jinghpaw mung a kata e shanu nga pra ai, Myen, Sam, Miwa, Kala mahkra mung Hpyen Asuya wa e dip da hkrum sha nga ai hkrai rai ga ai, nga nna htan tsun ai lam chye lu ai.
Ndai zawn KIO hte Myen Asuya Kasa ni gaw, palam la gasat ai zawn tsun dangrang hkat taw nga sai. Tengman ai mahtai chyawm gaw, tengman ai Karai Kasang Yehowa kaw shamyet kamhpa ai ni hta dan pru na ra ai. Tengman dinghpring ai lam ngu ai gaw, masha wa kade lang masu hkalem tim, kade lang sha akam nga ai hpe tsun mayu ai n rai nga ai. Dai re majaw, hkrudu zawn sumnung nna lapu zawn zai rawng na lam Chyum Mungga hpe dum shai let, mungmasa bawngban ai lam hpe matut galaw mat wa ra nga ga ai lam shiga ni na chye lu ai rai.
Myen Asuya Kasa ni tang madun ai hta, gasat gala jahkring nna, simsa lam lu jang gaw, majan a majaw hten za mat ai mare dum nta ni yawng bai galaw ya na ga ai. Hkrun lam ni mung yawng bai gram lajang ya na ga ai, nga ma ai. KIO Kasa ni chyawm gaw, mungmasa mahkrun hku shawng bawng jahkrup mat wa nhtawm, kam ging kam mai ai tsang du jang she gasat gala jahkring nhtawm, matut bawngban sa wa na hku tsun ma ai. Dai n rai yang, shawng de na mahkrum madup ni law law hte maren, masu hkalem ai sha bai hkrup sha na re hpe chye da nga ma ai.
Kaja wa mung 1947 ning kaw nna ban hte ban masu sha hkrum mat wa ai gaw, daini du htep rai nga ai. 17 ning gasat gala jahkring ai laman, mungmasa woi bawng ai lam n nga ai. "Nyi-la-hkan" zuphpawng woi galaw nna aten sharen ai mung nau wa hpyau mat sai. Dai nyi-la-hkan (N.C) hta mung, KIO ni myit galu kaba hte shang lawm lai wa sai. 2008 ning na Gaw Da Tara byin pru wa nna mungshawa madi shadaw lam (Referendum) galaw yang mung, jawm madi shadaw lawm sai. Demokresi asuya hkrang galai shai na matu mungmasa hpung party hpaw wa ai shaloi mung, KIO party kaw na asan sha pru nhtawm, KSPP party hpaw hpang sai. Gaja wa ra lata poi du wa jang she, KSPP hpe udi nhpye tawn hku tawn kabai kau sai. KIO salang tsawmra mi hpe lahpawt lama shatsu shakrang jahpu chyayat shatai kau ya sai.
Masha gaw kalang mi masu hkrum yang, masu ai wa a mara rai nga ai. Lahkawng lang masu hkrum yang mung, masu ai wa hta mara naw rai nga ai. Masum lang masu hkrum sayang gaw, masu hkrum sha ai wa a mara she rai nga sai. Daini Jinghpaw Wunpawng sha ni masu hkrum sha ai lang gaw, (3) lang hkum tsun, hkying mun lang pyi n-ga sai re majaw, Myen wa mahtang baw nu zen nna, Jinghpaw ni angawk ai lam ang wa sai.
Myen Asuya Kasa ni a maw lanyet mung n shayawm nga malu ai. Lai sai 17 ning na mabyin gaw, Hpyen Asuya ni a lakhtak she rai sai. Ya daini gaw Demokresi Asuya lu saga ai. Dai majaw, hkru nga ai wan hpe shawng sat jasim nna she, kaga ra ai lam bawngban mai ai, nga nna tsun hkalem wa sai lam na chye lu ai.
KIO Kasa ni bai tsun ai hta, shaning 60 jan na mat sai manghkang kaba re majaw, Panglung ga sadi a lam jahta nan jahta shalawm ra ai, nga ma ai. KIO hte Munghpawm Asuya a lapran na manghkang hparan na lam hta Myen Hpyendap hpe nhtung tawn ai lam gaw shut ai. Hpyendap ngu ai gaw asuya n re. Munghpawm Asuya gaw, hpyendap hpe mungmasa hpung a ntsa e tawn da myit ni? Nga nna san ma ai. Lawu ga na Tat-ma hpyen hpung kaba ni yan ganawng htim kaput lung wa ai gaw, anhte maigan hpyen ni n rai ga ai. Dai hpyen hpung wunawng hpe n htingnut la ai mi, gara hku mung gasat gala jahkring na lam n hku ai, nga ma ai. Ndai zawn munghpawm madang mungmasa mahkrun bawngban ga, nga nna jawm ginrat hkat nga ai ladaw laman e hkrai, KIO/KIA hpe majan masing kaba hte htim gasat ai 13 lang rai sai. Hkrum katut gasat gala hkat ai 62 lang rai sai. Ya hkyak hkyak daini na zuphpawng hpang wa na ntawn e sha (2) lang gasat gala byin lai wa sai, nga ma ai.
Mungshawa ni a mare dum nta ni bai gaw gap ya na nga ai ga mung kaman li la rai nga ai. Mare buga ni hta Hpyen ni sha anga nga yang, mare masha ni nhtang wa n gwi ma ai. "Hpyen" ngu ai gaw, KIA hpe ngu mayu ai n re sha, Myen Hpyen ni hpe tsun ai lam she rai nga ai. Amyu sha ni langai hte langai a myit hkrum myit ra lam mung lu la ra nga ai, nga ma ai.
Myen Asuya Kasa ni bai tsun ai hta, KIO ni myit mada ai amyu sha ni a pawnghpawm hpung UNFC ngu ai gaw, mying sha ngam sai. KIO hta lai nna ngam ai mahkra Asuya hte myit hkrum simsa lam lu ngut sai, nga ma ai. Shing n rai nanhte Kachin a kata na amyu bawsang ni hpe tsun mayu ai kun gaw n chye ai, nga ma ai. KIO ni htai tsun ai hta, amyu sha ni ngu ai gaw, Kachin bawsang hkrai n rai; Jinghpaw mung a kata e shanu nga pra ai, Myen, Sam, Miwa, Kala mahkra mung Hpyen Asuya wa e dip da hkrum sha nga ai hkrai rai ga ai, nga nna htan tsun ai lam chye lu ai.
Ndai zawn KIO hte Myen Asuya Kasa ni gaw, palam la gasat ai zawn tsun dangrang hkat taw nga sai. Tengman ai mahtai chyawm gaw, tengman ai Karai Kasang Yehowa kaw shamyet kamhpa ai ni hta dan pru na ra ai. Tengman dinghpring ai lam ngu ai gaw, masha wa kade lang masu hkalem tim, kade lang sha akam nga ai hpe tsun mayu ai n rai nga ai. Dai re majaw, hkrudu zawn sumnung nna lapu zawn zai rawng na lam Chyum Mungga hpe dum shai let, mungmasa bawngban ai lam hpe matut galaw mat wa ra nga ga ai lam shiga ni na chye lu ai rai.
12 comments:
matut nna bawngban shara n'nga sai law,KIO myit su slg ni e,myen hte tsun bawngban ai gaw ten shama she re.madu tinang hta ngang ngang dung nna myen hpe kara hku lu gasat shamyit na myit hpaji daw ai she grau kaja na re.myen hpe gaw dang gamyet kau lu ai shani she ntsa kaw na amying jahkrat saga.n'dai myen hte gaw ten shama bawngban nga nmai sai.matut nna gasat ga.myen hte matut nna bawngban yang anhte sari grau n'nga na lam sha nga sai.matut gasat ga.
Hpyen yan tsin yam masha ni hpe garum ya na,nta ni bai gap ya na,buga ni bai gaw gap ya na, hte lam ni hpe bai gram lajang ya na nga ai gaw majoi tsun ai ga she re na re. Ya hkyat hkyat e bin nga ai Mali-Nmai zup Tang Hpyre mare masha ni hpe tsep kawp nmai gin htang wa nga ai lam "hkayai Mu" gaw mare masha yawng hpe shahkrit shama let sen htu sha ngun lam hpe she lakap nna myit yu yang shan hte myen asuya ni gara hku masu hkalen ai lam adan sha dan len nga ai.Dai majaw KIO/KIA du salang ni e Karai wa kaw kyu hpyi ap da let mahtai tam ga.
Hpyen yen ni a matu hpa n tsang ra ai ,,ya ngai KK jaw ai a tsam hte ,,Hoongkong ,,hta tham 10 ram re ga law la na re ,,dai hte seng na hkum tsang nga mu
Myen gaw galoi mung masu na re hpe dum ra ai. Ya mung UNFC ngu ai gaw mying sha ngam sai ngu wa sai. Dai gaw anhte a weak point hpe tam madun ai lam sha n-ga anhte KIO/KIA ni hpe myit masa majan gasat ai lam re. Nanghte (KIO/KIA) maga de kadai nlawm sai ngu lachyum tsun mayu ai re. Dai re majaw myen gaw shanhte ra ai de nyawng yang gaw hpajaw na nre. Anhte mung n shayawm na ahkyak ai. Myit nkaji ga. Mare gawgap ai lam, Development galaw ai lam ni gaw anhte ma lu galaw ai, chye galaw ai re. Anhte myit mada da ai bangdung du yang gaw ndai lam ni hpe chyawm gaw gap galaw mat na re.Anhte gaw Development a matu bawngban hpawng galaw ai nre ai lam hpe myen ni chye ra ai. Anhte mung masa lam sha jahta ai hpe galoi mung dum ra nga na re. Myu tsaw share shagan ni yawng hpe Karai Kasang shaman ya u ga.
KIO/ KIA a road map hpe kachi mi mung n mai shayawm sai. Jaw dik re.Naw da ting nna ja ja rai ga jaw ding man ai lam gaw dang na re.
KIO/KIA gaw ya na zawn mung masa hku tsun shaga nga tim hpyen laknak n gun hpe mung ding yang shagreng nga ra nga ai law. Plan A, B, C hte longtime plan ni hpe ding yang jahkrat let rai nga ga.
Myu sha myit rum ni yawng hte e .. K K hta jaja wa kyu hpyi ya ga law..
wp mungdan ndau na she gap di la sa ga law. nkam yu sai dai myen jatsu ni hpe grai myit htum ai. dai ni hpe she myit mada nga yang gaw aten sha htum mat na ra ai. tsun yang na ai law bai bai ya ya jang she ndau dat yu ga le
. manaw manang ni myit hkrum ai nrai.......???
ndai laika kaw lawm ai ga yan :(" Ndai zawn KIO hte Myen Asuya Kasa ni gaw, palam la gasat ai zawn tsun dangrang hkat taw nga sai " :) hpe grai ra sha mat sai wa re... thz
Hkang Htan Myang Bya ngu ai wa gaw shinggyim masha kaw na masu chye ai salang langai sha re. Raitim mungkan e zen dik ai masha ni hpe apyaw sha masu sha kau lu wa sai. Satan gaw Karai Kasang hpe pyi daru magam zing la hkyen ai Lucifer a darat daroi ni rai nga ai majaw masu magaw lam hta Salang Mangbya hta madang grau tsaw ai re. Shanhte kade tsaw timung yawng hta tsaw htum ai Karai Kasang kaw manoi manat kam hpa let shi jaw da ya ai machye machyang hte n-gun atsam hpe lang jang yawng OK awngdang wa na hpe dum ga.
Mang Bya a kashu
Umm, mau sa!!! Hpa rai nna myen a n gup kaw na mahtai hpe na mayu ai kun?? N gup gaw bawlaw ta gaw lagyaw re ai amyu ni a ga hpe hpabaw matu naw na mayu ai kun? Myen ni " KIO/A ni e,Mungmasa jahta ga" nga tsun na hpe grai na mayu marit nga ai kun? Sakse Video sumla dem da na mtu sha kun??...
Myen hte tawn da ai gasadi gaw kaman li la re. Sakse lekmat masat laika pa rai timung, namdum (Hkyi Katsut)mai sau pa sha re.
Lawan dumhprang n na, myen datkasa ni hpe miwa ga jarit lai ai hte rau rim kau na shakut ga. Gumlang hprawng ai ni hpe sat shamyit kau ga! Myen hte jahta chyai ai ten, ja gumhpraw arang nau shama kau sai.Myen du kaba dik ni hpe law law lu rim da, lu sat kau ai mahtang anhte Kachin ni a matu lawan dik mahtai kaja rai na re.
Karai Wa KIO/A, Pawngyawng datkasa ni hpe hpaji atsam jaw ya u ga. Asak wenyi hpe bau sin makawp maga ya u ga law.
Kadai n garum la tim K.K gaw anhte myu sha ni hpe garum la na re. palam la gasat hkat ai zawn gasat ngut jang teng man ai maga de Tsaw Htum ai K.K gaw bungli galaw wa na re. dai majaw anhte ni myu sha ni yawng myit hkrum mang rum let akyu hpyi shaja nga ga..shawng ndangrang hkat ai sha gasat chyu gasat yang mung nkaja ai, dai majaw dangrang hkat nna bai gasat di nga yang lam amyu myu hku K.K lam hpaw ya wa na re. K.K gaw anhte maga de lawm nga sai,,,anhte kata kaw mung naw san seng ra nga ga ai,
Yaw shada ai pandung de du wa lu na matu Yehowa gaw shinggyim masha ni hpe hkrudu zawn shingdi nna lapu zawn zai rawng na matu hkang da sai, nga nna ja chyum mungga hpe manoi manat nga ai salang langai tsun wa sai. Satan gaw shinggyim masha hta grau zen ai rai nna Yehowa hkang da ai tara hpe satan wa shawng lang nga sai. Shing rai British salang gaw Wunpawng myusha ni hpe mai kaja ai hpaji jaw ai rai yang,salang langai gaw sindawng ai myit hte marawn dat ai hpe na dat ai kaga salang ni mung hkan marawn nang ai marang e,Wunpawng myusha ni gaw shanhte a mungmasa shawng lam hpe shanhte nan ambush galaw kau ma ai majaw dai ni du hkra sum machyi wa saga ai. Dai ni na KIO hte Myen asuya ni hkrum bawng ai hta amyu a matu awngdang lam lu wa u ga, shingdu kaw nna n-gun jaw ai hpu nau ni hte mungmasa hpyen man kaw ta tut gasat sa wa nga ai ni yawng gaw Yehowa hkang da ai tara a shangwang kata kaw rai ra na re, nga ai.
Post a Comment