Slideshow Image 2

MALI HKA MADIM HPANG JAHTUM SHIGA

Mali-Nmai zup Tanghpre na mare masha ni hte Mama hpe 6-3-2012 ya shana de Myitkyina na balik ni sa rim la ai hte seng nna, hpang jahtum na lu ai shiga gaw, Mali-Nmai zup Tanghpre ginra e, nhtoi 10-3-2012 ya shani hpang jahtum masat nhtawm, kadai n nga lu na nga nna, aming shapraw ai lam, yawng hpe gau taw nga sai lam shiga na lu ai. Dai hte maren, Mali-Nmai zup madim dawm ai mi nga tim, Myen hte Miwa a mayun masing garai n dawm ai lam danleng nga ai. Rim woi mat wa ai masha ni hpe ga sadi lakmat htu shangun nna bai dat sai raitim, Hkalup Hpung na hpungtau langai hpe gaw bye dawyin tawn ai lam mung na lu ai. Ya ten Tanghpre mare htinghput e, Myen hpyenla hte balik ni hpring tup sin nna, mare masha ni hpe gau shabawn tik tik rai nga ai lam na lu ai.

Myitkyina sinpraw hkran Mali hka hpe garet nna Tanghpre de byawn waw tawn ai Miwa CPI ni a mayun mawdaw lam ntsa na Mahkaw Yang mare hta, wut bunghku grai tsaw hkra kum da ai nta kaba manga kru gap da ma ai. Dai shara ni hta hpa galaw ai lam n chye lu tim, buga masha ni tak ai gaw, nanghpam ya-ma jak rung rai na hpe sawn maram da nga ma ai.

Myen ni gaw KIO hte mungmasa bawngban zuphpawng galaw na hkyen nga tim, maga mi de hpyen n-gun htu ganaw ai lam n shayawm ai. Manmaw lam Gangdau Yang de mung mawdaw kaba 8 tup hte malu masha sa htaw sa da sai. KIA Dung (5) hpe Myen dap dung (3) ting jawm wang gasat ai majan hte seng nna, ya ten Myitkyina mare hta wunjichuk Lajawn Ngan Seng a kajan Lajawn Seng Tawng gaw, shanglawt ni 100 jan si nhtawm, Myen gaw 25 sha si ai, KIA hpyendap hpe mung zing la kau sai, nga shara shagu hkan tsun ndau shamawng (propaganda) hkawm nga ai lam shiga na lu ai.

13 comments:

Anonymous said...

Shiga gaw shiga sha rai nna, teng ai shut ai ngu tsun nna gaw aten naw lat ra nga ai. Raitim tau nau nna hkyen lajang lu nna matu mung shiga gaw madung ahkyak bai rai nga ai.
Lajawn Seng Tawng hku nna shiga jahpoi shamawng hkawm ai ngu ai mung teng jang teng na, shut jang mung shut na re. Raitimung lungSeng hpaga ga nna kan bau, sut su nga ai hpaga num langai hku nna gaw dai zawn nga nna ntsun hkawm na re ngu shadu ai.
LungSeng hpaga galaw ai ni gakai mung SHANGLAWT ASUYA nchye nna nmai galaw ai hpe yawng chye jalu re le.
Shiga gaw marai langai ngai hpe dah sang mara shagun ai zawn nrai jang grau kaja ai.

Anonymous said...

N dai ram roi rip ai gaw grai nan hpau la dik sai law.. ya galaw nga ai madim hte Tang Hpre lawu e galaw nga ding yang mahkrai ni hpe mung lawan kapaw kau ra sai.Shawng lawt bawm kade ram greng ai hpe lawan jai lang a tsam madun ra sai. N dai ni hpe gaw si mani ai hku galaw nga yang mai nan n mai sai.

Anonymous said...

Tang HPre kaw nga ai anhte myu sha ni kaw na marai langai ngai hka madin hte seng na sumla hte hkrak sagawn na masha nnga nni. Mungkang kaw gaw 'Da' ngu ai hte nmai ai. Shang Rawt ni mung dai ginra de ndu nni. Shanhte kaw na mung mai sagawn ya yang nmai nni. Ngai gaw chye na she san ai law.

Anonymous said...

dai tsunhkawm ai hpawmyi hpe katawng kau yang kaja dik nga ai lo,MKA na ramma ni lit rai re nga ai.

Anonymous said...

Ndaijan hpe katawng kau ra sai ga re nga ai.MKA na ramma ni lit re nga ai law.

Anonymous said...

Jinghpaw hte myen ni a majan gaw ya she hpang sana hku re,kdai mung zimsha nga lu sana nre ,mare kaba nga ai ni mung maja sanu myen ni gaw j.w ni yawng hpe shamyit namatu hpyen ngun hpe lagu bang tik re lammung na chye lu ai hugawng pa de mung myen hpyen la ni jut shagu shara la ngut da sai.

Anonymous said...

Lajawn Ngan Seng a kajan Lajawn Seng Tawng gaw shi a sai daw sai chyen ni 100 jan si mat ai wa mi grai gabu ai hku rai nga i?

Anonymous said...

ya mung simsa la she madun hku hkan jahta hkawm nga yang gaw an hte jinghpaw ni sak hkrung lam grai myit tsang ai, myen sa wa ni hpe yawng gawt kau na she jahta ai baw rai nga ai, ya jinghpaw rai na bung kyi naw ku ai lajawn ngan seng wa wa hpe mung sharin shaga n lu jang gaw mana tsi jaw sha kau mu, gaw n mai sat kau ai, jam jau shangung da ra ai..ganing rai me..madu myu hpe madu dut sha ai ni,, kaji kawa ni...ru sai gaw jet nga madai e..

Anonymous said...

WP mung dan shang lawt hpung KIO/KIA kaw na 10,3,2012 hta myen hpe mahtang tanghpre ma re hpe shang gap kau ga ..nau ladu lai wa sai n dai ni

Mau Jin mau Jin said...

Shanglawt ni hkrit ai goi, madu myu ni hpe dairam zingrut Htu sat nat taw ai pyi hpa n galaw Lu ma ai lajawng nlang Seng hte hpawk hpawk re ya an hte nan ta tut shakut Shanglawt la Ra sai. Kio Kia mung nmai kam sai rai.

Anonymous said...

lajawn ngan seng na ganau.. seng tawng nga ai jan gaw ..moi gaw ka ni!. ya jan tai n na. .ya gaw myenhpen du kaba jan bai tai nga ai re. dai majaw myen ni hpang de lawm di shaga ai ga re.

Anonymous said...

Nang kia.kio hpe nmai kam sai nga?dai rai jang nang hta atsam grai rawng re nga.nang nan lawan wa na !wa ning baw u lee.

Awm-dawm Salum said...

Shiga gaw shiga hku mai ka ai, raitim hkrak teng ai , sak se nga ai rai jang mai kam ai, jahtum daw na ga
"KIA Dung (5) hpe Myen dap dung (3) ting jawm wang gasat ai majan hte seng nna, ya ten Myitkyina mare hta wunjichuk Lajawn Ngan Seng a kajan Lajawn Seng Tawng gaw, shanglawt ni 100 jan si nhtawm, Myen gaw 25 sha si ai, KIA hpyendap hpe mung zing la kau sai, nga shara shagu hkan tsun ndau shamawng (propaganda) hkawm nga ai lam shiga na lu ai."
n'dai shiga gaw ja-shut re, ya ngai hpe n'teng n'man ai hku (propaganda) galaw ai, shiga shamawng hkawm ai, nga ai gaw sep kawp shut ai. Kadai raitim ngai hte myi man hkrum, shing n'rai Phone hte raitim san htai galaw n'na n'dai shiga hpe sang lang mai ai lam.... shawang myit kaba hte yawng hpe shaw shaga dat n'ngai.
Phone No:- 0692-6879730
Lajawn Seng Tawng
Myitkyina, Yuzana,
NO,(305)

Post a Comment