Slideshow Image 2

SINLUM PANGMU KBC NAWKU JAWNG MYEN NI JAHTEN

March (23) bat Manga,
Jinghpaw Wunpawng Hkalup Hpung (KBC) a labau shang masat Manmaw Ginwang Sinlum, Pangmu mare na Nawku Jawng kaba (Dr. Ola Hanson Masat Nawku Htingnu) hpe myen hpyen ni gaw March (13) ya shani jahten shaza ya lai wa sai lam shiga na chye lu ai. Nawku Jawng na Hpung Masha jahpan laika buk ni yawng hpe mung wannat kau ya lai wa ai lam, Sinlum Pangmu Duwa Rev. Lahpai Zau Tu aru arat ni a Lahpai Du Nta kata Dawdap kaw Myen Hpyenla ni ndai zawn ayai aya hpya kau nna arung aria ni hpe mung shaw la kau ya ma ai lam shiga na chye lu ai.

4 comments:

hkunman said...

Chyeju hte n-dai zawn re sumla ni hpe a-tsawm zing n-na,UN, USA, Singna mungdan de, mungkan de shabra dat mu,n-dai zawn re ni gaw sakse re,

Wunpawng Langchyi said...

N dai gaw kachyi mi mung n mai hkap la ai, anhte makam masham hpe roi ai hte makam masham ahkaw ahkang lam ni tawt lai hkrum ai lam rai nga ai. Dai majaw n dai lam hte seng nna Jinghpaw Wunpawng Hkalup Hpung Ginjaw (KBC) kaw nna n dai lam hpe tsep kawp n hkap la lu ai lam hpe statement shapru ra na re hte UN de n dai zawn re lam sawk sagawn ahkyak la ya na matu tang shawn ai lam ni hpe galaw yang kaja na re. Hpa majaw i nga yang KBC gaw tinang a n pu kaw nga ai buga hpung hte hpung masha, hpung labau ni hpe makawp maga ra ai lit nga ai majaw re, KBC gaw . Rai sa KBC hku nna n dai zawn galaw dat ai marang e Myen ni shaga jahkrit ai lam ni, mang hkang tam ai lam ni gaw nga wa chyalu rai nga ai. Dai hpe mung gaw n tsang ra na re hpa majaw i nga yang anhte kaw e anhte Kamsham ai Karai Kasang lawm ai hte hpung masha n law htum 400,000 ram nga ai. Dai majaw gaw KBC hku nna galoi mung tsun nga ai Hpung masa hte mung masa gaw kaga ga re ai wa mi nga tim ya gaw gin hka nga n mai na sai. Mung masa n ngwi pyaw yang hpung masa mung gra hku ngwi pyaw lu na n rai, Hpung masha ni yawn hkyen jam jau hkrum nga yang nawku hpung mung gara hku n galu kaba wa nga ai. Dai majaw gaw KBC hku nna Karai Kasang a Myi man hpung masha a myi man tau let gwi gwi galaw sa wa yang hpung masha ni gaw gwi gwi tsap nang na sha rai nga ai.

Unknown said...

ငါလုိးမသား ဗမာေတြ

Anonymous said...

How you react on unjustice is showing your identity.We ahve to learn something from Muslim.

Post a Comment