Slideshow Image 2

SLG. JAN BAWK JA (NDF) HPE MARA TAM

Ya ten Srm. Bawk Ja gaw America e manu mana shagrau sha-a hkrum nga ai lam hpe, Jinghpaw Mungdaw wungyichuke Lajawn Ngan Seng gaw wa she makrim hkra manawn taw nga ai lam shiga na chye lu ai, Dai sha n-ga, Srm. Bawk Ja du wa jang, hkap rim na masing mung hkyen da nga ai lam chye lu ai. Buga de na myitsu langai tsun wa ai hta, Lai sai KSPP register n lu mat ai mung, Lajawn Ngan Seng hte Hkyet Hting Nan a majaw re lam asan sha mu lu ai hku re. Dai ten hta KIA Dapba (2) B.C Du Kaba Nwanghkang Awng Seng La gaw, Hugawng Danai ginra na KSPP kasa hku ra lata poi shang na hkyen ai re. Lajawn Ngan Seng mung Hugawng Danai ginra na hkanghkyi hku shingjawng na hkyen sai re. Du Kaba Awng Seng La hpe gara hku mung dang na masa n nga ai hpe chye jang, KSPP hpe register n hkrat hkra dingbai dingna jaw kau sai re.

Srm Bawk Ja mung, du na ra lata poi hta Hpakant hku shang shingjawng yang dang na sha re. Dang nna Wungyi byin wa jang, Lajawn Ngan Seng a matu hkrit hpa ju shingna tai wa sana re. Dai majaw, hka nam de na sagu kasha hpe, hka hku de na chyahkyawn gaw, hka hkanu ya ai ngu hka jun ai maumwi zawn tai wa sai re. Srm. Bawk Ja hpe rim na mara gaw, mungmasa mara hpa n nga ai. Moi Srm. Bawk Ja mungmasa garai n galaw ai ten hta, Hugawng Nambyu e tsi seng langai hpaw lai wa sai. Mare kaba hte tsan ai maw ginra re majaw, machyi masha ni hpe tsi mung htu ya sai lam chye lu ai. Masha langai mi gaw, Srm. Bawk Ja tsi htu dat ai hpang, nhtoi tsawmra na ai shaloi, kaga lam lama ma a majaw, si mat sai. Dai hpe Srm. Bawk Ja tsi htu sat ai, ngu ai hku mara rim na hkyen da ai lam chye lu ai. Ndai gaw mala la hpyang ai jasat nan re. Lajawn Ngan Seng hte ni kahtep ai Jinghpaw salang ni law law wa, dai zawn maw mawn nga ai lam hpe dawm kau na matu ram ram hpaji jaw shadum ai shiga mung na lu ai. Dai hku galaw dat yang, Srm. Bawk Ja gaw hpa n byin nna, Lajawn wa mahtang mying hten kaya hkrum na re, ngu nna shadum dingyang gaw rai nga ai lam chye lu ai. Ganawng hkrum ai wa gaw n kadang ai sha, ganawng ai wa mahtang kadang na ra ai, ngu sadi jaw nga ai shiga mung na lu ai. Hpa mi rai tim, Srm. Bawk Ja hku nna mung, ju shingna hpe tau nau mu mada let tsun shaga htai hparan na ladat tam shajin da lu yang kaja na hpe sawn mu ya ai, nga nna Jinghpaw Kasa de tsun shana lai wa ai.

13 comments:

Anonymous said...

n.tara ai wa gaw n.ta ai hku ya tsan kau hkrum na mara ai...

Anonymous said...

Myen mung dan gaw .(num) hpe hkrit ai labau nga ai hpe n mai malap ai.

Anonymous said...

Lajawn wa mung kam ai nga nna ja ai she rai na re. ShangLawt hpyen dap kaw mung shi hte hpaga bawng da ai ni nga ma ai. Bai nna, sinna ginwang sut masa lit hkam wa mung shi a gahkau majing nan rai lu ai. Dai majaw sut masa, mung masa hta ja dum ai rai na re.

Anonymous said...

Jing hpaw ma na ni ya prat ga loi prat du hkra sha da naw ,,a chyaw hkat nga na ma ai ta ,baw nu hta hkyi hkum bang da mu ,

Bum len brang said...

Tinang hkum kata kaw rawng ai ju shing na hpe pi, twi machyi makram wa yang gaw machyi hkam n na shaw kau ra ai re. Lajawn Ngan Seng hte kahpu kanau ni hpe mung shadum, sharin la n mai ai baw rai yang gaw Pawngyawng myu sha ni a matu ju tai nga yang gaw, lawan a krawk, kawan shaw kau ra ai baw rai sai. Jinghku ga hpu nau ga hte kaji kawa ni ga hpe n kam madat sai rai yang gaw lawan tsan kau tawk kau sa ga law..
Hpu nau ni , hkau ni e ...

Shanghtin said...

an hte jinghpaw ni mang hkang gaw dai re law ! gadai anhte hpe n jahten ai an hte shada nang myit n hkrum shara galaw mayu, byin dum, chye dum, re jasat ni majaw galoi ten du hkra jam jau nga na ta? na myit ru n ngai shi ga n dai zawng nag na jang...kaja sha...

Anonymous said...

Bum len brang ,zawn baw nu hta hkyi rawng ai law ai majaw ,myen ma nai ,gatut nga ga ai ,
Baw kaw na hkyi shaw kau mu

Anonymous said...

W P sai rum annau ni gumrawng gumtawng nmai ai.shinggyim masha tai pra nga ai,anhte hkap la kasham ai K K hpe chyeju shakawn ga.arawng aya hpaji chye nra dai ni annau ni teng man ai myu sha lam yan hta gwi2 tsap nga ai shayi shadang sha yawng hpe sharau chye ga.ting gyeng myit jasat hte galaw hkawm sa nga ai wa hpe myi man ntau ai sha ja2 ning hkap ga.hkau,Nan Seng e na a ya lu tawn ai aya ni nlu shi yang W P myu sha matu kade ram teng man ai hta hkawsa na nga shingran nnga sai kun?masha hkum dek shagu masha wa hpe kade ram daw jau lu ai,kade ram tsawra myit lu madun ai,myit pyaw lam hpe
kade ram lu jaw ai,tinang a majaw shi kade ram pyaw ai myit dik ai lu la ai kun?kade ram masha wa hpe lu garum ai,masha wa hkam kaja lu sut lu su nga mu nga mai u ga nga nang kade ram kyu hpyi ya lu ai nga ai 2012 sha ning she rai sai..
W P SAI RUM ni

Anonymous said...

Tinang a ma tu hpe kau da n na JP yawng a ma tu n myit ai rai jang la bau hta prat tup ka da ka tut na law.

nyo win said...

ndai shi ga hpe ka ai ni mung loi myit yu nna she shawa de mara dat ga ngu tsun mayu ai..jen yu ai lam nnga yang madang nnga ai shiga dap rai wa ai ngu hpe hpa ji jaw mayu ai..ngai mung jinghpaw shayi langai re..myu hpe tsaw ga ai.tinang amyu shada machyai chyai ai baw gaw kadai n-galaw ai.myen e maw ai pyi ram sai.myen a shara kaw mung anhte w.p ni dung ra ai le.anhte masha,anhte sai ndung nna kaga myen wa dung jang gaw ndai hta grau yak na ngu mu ai..manawn nna shiga shalai dat ai hpe kam na lam hpa mung nnga ai.lut daw amat langai hpe majoi nmai rim ai hpe shanhte chye chyalu re.k.k anhte hte rau rai nga ai.ahkaw ahkang lu jang bawk ja mung wun ji hta n-ga thamada mung tai wa na re..k.k a yaw shada ai lam n-nga yang nang kade ram u ga.hpa ntai ai hpe tsun mayu nngai.w.p sha ni shada kara kaw ma tsap tim kabu lawm ga.shanhte a matu kyu hpyi ya ga.

Anonymous said...

shada da pawn ba ra ai. Garan ginhka na lam ni hpe hkun tsun. Lahkawng maga jahkrup na galaw mu. Nrai yang myen ni grai kabu taw na. Myen ni tsun ai ndai ni hpe lama ma (shn) power kaji mi jaw dat yang mai ginhka ai lam. Ya Asuya kaw lawm taw ai myu sha ni sadi mu. Nanhte hpe lang na shada dip na matu maw nga ai hpe dum mu law.

Anonymous said...

Lajawn Ngan Seng hte Hkyet Hting Nan gaw mung masha ni lata san da ai Wungyi Choke hte Amat ni nre, Myen ni lata tawn da ai Myen a masha she re majaw Jinghpaw ni a matu hpa n galaw ai mau hpa nnga ai. Mau hpa gaw Ngan Seng gaw Du kaba Gun Maw hte ya du hkra hpaga pawng na Hkyet Hting Nan gaw Du Kaba Nban La a jinghku rai nga ai. Kahpu Dr Hkyet Aung gaw Aung San Kaw hpe bai aba taw re ai lam ni gaw myit yu hpa rai nga ai.

Anonymous said...

Jing hpaw ni ,moi na jiwa ni ,bawnu n rawng ai galaw wa ai zawn ,ya mung hkum mana nga mu ,,hkum a ngawk nga mu,

Post a Comment