ANA KAP MAT AI

Kap chye ana grai hkrit ra,
Ana ahkya sha n-ga;
N shawp n kap kyang lai len,
Kap chye ana hte maren;

N shawp n kap ana grau,
Shinggyim myit hpe grau shalau;
Yahte na manghkang kaba,
Npawt gawn yang hkren rai nga;

17. ning Myen hte kanawn,
Sutmasa lam jawm gumhpawn;
Amyen kyang lailen wunkat,
I sharin hkamla jahpat;

Tinggyeng subject madung tai,
Tinggyeng myit hpaji hkrai hkrai;
Gumhpraw mu jang myi she lau,
Hpa-awn shagu sumbu hpyau;

Shani shagu sumbu tit,
Mungdan gumhpraw grit she grit ;
Hpa-awn k'ba lagut kaba,
Hpa-awn k'ji lagut kasha;

Hpa-awn ni wutdek shachyaw,
Modo ayi ala law;
Ya gaw lagut wunkat awng,
Majanpa de naushawng shawng;

Dr. Janmau kyang shapraw,
Wunpawng shada manghkang taw;
Kaga hpunau lawm wa jang,
Myen kyang lailen sam n nang;

Wunpawng shada chye na hkat,
Htingbuwa gaw n chye na mat;
Tinggyeng hpaji sanpoi awng,
Kaya ndum kaba lawng;

Myen hte kanawn ten galu,
Ana kaba kap sai mu!
Myen gaw Iya Sayagyi,
Kyang n shawp ana tsahti;

Kap la ana grau tsi yak,
Nadu masha she dabak;
Yehowa n rawn ai lai,
Hpan hte hpan shadum nga sai;

Clean People byin sh'ngun mayu,
Oso hte nan hkrut sai lu!
Tinggyeng myit tawn kau shaja,
Lau lau San Seng mat saga....ngu.

Shanglawt Tsing
20/4/2012