Myen mungdan shanglawt lu ai hpang kawn daini ndai ten du hkra myen asuya a ntsa e maram dinglik yu yang Madu Uphkang ai mungdan lu la na matu gaw mai byin ai ladat hpan (3) sha nga ai hpe mu lu ai.
(1) Up hkang taw nga ai myen asuya ni shanhte nan tengman damlada ai tsaw ra myit majing rawng wa ai shani mai lu ai.
(2) Uphpung uphpawng hpung hte mungkan (UN) kaw nna (Pressure) jaw jawm tsun araw nna mai lu ai.
(3) Laknak hte dang hkra gasat nna mai lu ai.
Ndai hpan masun hta na (1) wa mahtang gaw tsepkawp nmai byin ai. Shaning hkying, mun, sen la dingda tim mai byin na nre. Ningsin kata kaw nyauchyang tam ai hpa sha re. Ndai gaw ngai hku nna tengtup tsun lu ai. Myen Asuya hpe Hkum kam shut dam. Ndai lang kam shut dat jang annau ni amyu mung mat mungdan mung mat mat na. Myen asuya gaw moi kaw nna dam lada ai tsaw ra myit majing galoi mung nrawng ai. Ga shadawn Aung San wa galaw da ai bungli Awng San wa si mat jang shi galaw da ai bungli mung hkan si mat ai. Nhkrung mat sai, Tara mung nshang mat sai. Dai majaw myen asuya gaw gara asuya mi galai lai, maren sha re.
Bai nna (2) uphpung uphpawng ngu ai hta UNFC mung maisau pa ntsa kaw na uphpung sha rai taw nga ai, ta tut mahtai shapraw ai hta, nru nra rai nna kadai mung kadai chye ai hku ka manawt taw nga ai hpe mu lu ai. UNFC hku nna myen asuya hpe tang shawn tawn ai hta gasat gala jahkring na matu langai hprai nrai ai sha kalang ta rau jahkring na matu hte asuya kaw nna mung tara shang kalang ta ndau shabra ra na rai yang hpa majaw ya gaw kadai mung kadai chye ai hku gap gasat jahkring ma ai kun? Ya gaw myen mungdan gata hta laknak lang rawt malan ai ni yawng hta annau ni KIO/KIA chyu sha gap noi taw nga ai hta n-ga kadai sa garum la ai.
Bai nna (3) gaw annau ni asan sha chye na chya nu re ngu kam ai. Laknak lang rawt malan ai gaw gap di la na matu re. Myu hte mungdan shanglawt lu na matu re. Tara shang saboi ntsa kaw du hkra gap shalun la ra ai. KIO/KIA gaw UNFC kawn hpaw da ai nre. KIO/KIA gaw annau ni a lagaw hta annau ni nan tsap ngang ra sai.
Sau Nan Du (sweden)
Sau Nan Du (sweden)
2 comments:
UNFC malawm laga amyu baw sang ni gaw lak nak n gun,hpyen n gun n law ai.shan hte a myu mung masha ni mung mung masa myit n rawng ai ni law ai.dai majaw myen sa wa hpe hkrit n na gap hkat jahkring ai re.myen sa wa mung la ga myu baw sang ni a gawng kya ai lam chye ai majaw hpa zawn n sawn ya ai re.amyu baw sang shagu a STATE (7) hpe FEDERAL hku jaw na nre.hpa majaw nga yang laga myu rawt malan hpung ni myen sa wa hpe gasat na n gun a tsam n nga sai.amyu baw sang yawng a matu an hte K.I.O,K.I.A,W.P myu sha ni shakut ga ngu ai gaw nmai byin na re.myen sawa gaw an hte W.P mung dan hpe majan sum n na dat kau tim ngam nga ai KAYAH STATE,KAYIN STATE,CHIN STATE,MON STATE,RAKHINE STATE,SHAN STATE n dai ni hpe gaw dat na n re.ti nang shara ti nang gap di la lu yang she mai sai.dai majaw ya aten KACHIN STATE ngu ai hpe myen sa wa lata kaw n na gap di la n htawm TI NANG A MUNG DAN,ASUYA,HPYEN DAP ngu ai KACHIN LAND ngu gaw gap la yang sha W.P myu sha yawng a matu k.k jaw ai mung dan kata ngwi pyaw sim sa nga lu nga mai na re ngu,,yawng hpe hkung ga jaw dat n ngai......
Hkau Sau Nan Du e,grai gaw myit npyaw ai,yawn hpa mung rai nga ai,jam jau ai mung dik mat sai.kadai shut ai nre...KIA ni shut hpang ai mahtai rai sai. mi moi na zawn Sam hpyen hpung,Karen Hpung,KIA ni yawng myit hkrum nga ai ten hta ya na zawn nbyin ai,KIA ni gap hkat chya hkring hpang dat ai kaw na ndai mabyin hpang wa sai.dai ten hta laga Sam hte Karen ni ya ten jinghpaw mung masha ni hkrum sha ai zawn byin lai wa sai re.........matut tsun na matu labau ding sa hpe alai ai lam sha re majaw n tsun saga i..........
Post a Comment