Slideshow Image 2

BAREN DINGHKUNG NTSA NA MANAU SHADUNG

Laiza na Manau Shadung hte Nbapa na Manau shadung hpe htunghkring de na myitsut salang ni n dai ram tsun dinglun nga jang gaw jun hkrup sai salang ni du kaba ni gaw myit yu ai ngu hta lai nna tatut sharai galaw ra tsang de du nga sai. Laika ka ai slg ni slgj ni rai nga ai Bum Kawyeng, Duwa Bawmwang Ja Yaw, Nhpan Ja Ra ni gaw Baren Dinghkun Ntsa e Manau Shadung jun ai gaw shut ai ngu dinglun nga ma ai, dai sha n ga dingnye lu ai ngu mung tsun nga ma ai, shanhte tsun ai hpe ngai langai hku nna mung madi shadaw ai.

Ngai myen mung shinggyim ahkaw ahkang galai shai wa na matu shakut ai uhpung langai kaw shatkan shalet bungli galaw ai, dai rung a baw kaw Jinghpaw W.P sha ni a manau shadung kasha (plastic jahtat hte galaw da ai shadung sumlam kasha) hpe atsawm sha hkungga lara hte mara da ai hpe mu mu ai, dai shadung kasha gaw ngai dai rung kaw n galaw shi ai kawn nga sam sai, ngai lani mi dai shadung hpe sa yu hkrup ai nye myit hta um n dai rung na ni Jinghpaw ni a kumla hpe grai ahkyak da ma ai ngu ngai hkrai lagu sawn la kau dat sai, raitim atsawm yu yu yang dai shadung sumla kasha wa Baren Dinghkung kaw Jun da ai Manau Shadung sumlam kasha rai taw ai, nye myit hta gaw um ndai shadung gaw shut taw nga ai ngu sawn la kau sai.

Kanoi laning mi na ai hpang ngai dai shara de bai shang yu yang dai sadung sumla kasha gaw n nga taw sai, shi a shara hta Aung San Suu Kyi hte Shi a kasha ginrun kayat da ai sumlam she dai shara kaw atsawm sha rai nga taw ai hpe mu mu ai. Ngai dai shadung sumla hpe gara de rai sai kun ngu bai tam yu yang, le jut kaw computer a shingdu kaw she tawn da ai hpe sa mu tam hkrup ai. Mi na shara kaja kaw shi hpe tawn da na n gring ai majaw rai nga sai. N dai lam ni gaw lamik kumla ni hte gaw n seng na re rai tim ngai hkrum katut ai hpe hti dan ai sha re.

Chyum laika ninghkring ni tsun ai hku nga yang Karai Kasang gaw lamu kasa Lucifer hpe grai tsawra ai majaw lamu kasa ni mahkra a shawng e shi hpe shawng hpan ai, dai hpang she Lamu Kasa Mihka ni kaga ni hpe bai matut hpan shachyaw mat ai. Shi gaw karai kasang a lawu hprut atsam rawng ai, n gun ja ai. Raitim shi (Lucifer) a myit hta Karai Kasang hpe shingjawng na shi a myit hta lagu rawng ai hpe karai kasang chye kau ai majaw, Karai kasang gaw lamu kasa Lucifer hpe shi a tingyang kawn kasat shale kau na rai sai, dai majaw Karai Kasang a Lamu kasa Mihka gaw shi a hpyen luksuk hte lamu kasa Lucifer (Satan tai mat na wa) hpe majan hkat sai, chyum laika ninghkring ni tsun ai Lamu kasa Lucifer gaw Lamu kasa Mihka a shingkang hpe n dang hkam ai majaw majan sum nna dinghta ga de yu hkrat mat sai. Kaja nga yang lamu kasa Lucifer gaw lamu kasa Mihka htan power grau ja ai wa re karai kasang shi hpe n nan hpan ai ten hta, raitim shi karai hpe ninghkap ai kawn shi a shingkang shingwang ni hpe karai kasang shayawm kau sam sai, rai nna lamu kasa Mihka hpe shingkang rawng dik lamu kasa hku bai hpan dat sam sai.

N dai zawn lamu kasa Lucifer gaw jahtum e Satan tai mat nna dinghta ga e hkrat mat ai ten hta Baren Numraw hku nna yu hkat mat sai nga chyum laika hta mung dai hku rawng nga ai.

E n dai zawn dai ni na Christian part hta Baren ngu ai gaw Satan re ngu lachyum htai la ai ten hta Baren Numraw dinghkung hta Jinghpaw W.P sha ni manu shadan dik ai htunghkring manau shadung hpe mara da ai ngu ai gaw, anhte gaw Baren hpe kanu kawa shatai ai lachyum gale mat nga sai, Laiza na Nbapa na shadung hpe jun hpang ai ni gara hku mi lachyum hta la tim dai hku lachyum gale wa nga sai. Shut mat sai ngu ai hpe hkrak rai atawng apa mi nlu hta madun tim ya na mungmasa laru ni, anhte hkrum sha nga ai lam ni hpe shingdaw dinglik yu yang shut mat ai lam gaw grai nan dan leng taw nga sai. Laisai ten na shut kau ai lam ni grai law nna dai ni hpe mara raw kyuhpyi la pi n ngut shi yang ya bai htunghkring hku nna Karai hpe shut jang gaw anhte gaw yubak hta yuben ra rai nga sai.

W.P sha ni gaw karai hpe kam ai amyu karai a amyu tai mat sai majaw hpa mi galaw law Baren hpe nawku dawjau ai kumla kaji pi n mai shapraw sai, karai hpe sha nawku kamsham ra sai. Laiwa sai ten hkan na Laiza manau Nbapa manau ni galaw wa tim kyuhpyi nna she manau poi hpaw hpang na re ngu kam ai, raitim dai shadung kaw Satan hpe shadung da let kyuhpyi manau hpaw yang gaw karai gaw lawm na n shadu ai.

N dai laman hta Myen Asuya hpe madi shadaw ai rawtmalan galaw masu ni mung Laiza hpe gaw asuyadap gaw jahkring sha luzing ai, KIO salang ni she gaphkat n kam jahkring ai KIA hpyenla ni gaw gaphkat jahkring mayu ai ngu amyu mayu ahtu shalau nna KIA dap hten hkra galaw mayu ai Myen ni mung nga nga ai. Jinghpaw W.P ni hpe manawn ai ni nga nga ai.

W.P myu sha ni hpe woi shalawt na re ngu ai ni shanu nga ai shara kaw nan she Baren Shadung Jun nna majan baw ai gaw n jaw nga sai. Laiza na shadung Nbapa na shadun hpe lawan run kau manu, mara raw kyuhpyi mu, dai jang she karai kasang hte rau bai rai na ra ai. Shut ai hpe gwi gwi hkamla gwi ai gaw myitsu sumnung ai hpe madun lu nga ai.

Nhpaw Mungban
11/4/2012

3 comments:

sanyawhan said...

rai nga ai. ngai na ning mu mung n dai hku rai nga ai. moi mat mat na hken ai kaw na karai kasang lamwoi madunwa ai hpe malap kau na karai kasang hte n htan shai ai she bai woi galaw wa nga ai. isheila myu ni hpe e gatu mung na karai kasang woi wa yang na zawn rai nga ai. chyeju shakawn na gaw n chye ai kachyi mi yakhkak hkrum yang karai kasang hpe pawn rai karai kasang n ra ai shi hpan da ai dum su sum la ni hpe naw ku rai grai shyut lai wa sai dai hte bung nga ai. dai ni ah hte W.P myu sha ni karai hpe chye lai ka lu ai pi rai nna shi yang moi na nan jaw ai de bai sa mayu ai dai de chyu dum taw ai dai zawn re ni hpe gaw galai sharai ra nga ai. Baren ding hku kaw manau shadung jun ai mung dai zawn rai nga ai ngai gaw dai hku mu ai. madu yesu ngu ai n-lung kaw sha jun ai rai yang ah hte W.P myu sha ni mung kan hta myi man lu ai ni karai kasang grau shaman chye ju jaw ai ni rai na re ngu kam n ngai............a tang myit su(bangkok)

msw langji said...

Um ndai hpaji jaw laika gaw grai jaw ai law,Gwi gwi yin la nhtawm K.K kaw tawn ban let lau lau baw kau ga.Satan hpe n dum shamyi shawkawn hkrup ai majaw asak hkrung ai K.K myiman gayin kau na tsang ra dik re.Chyum laika labau hpe yu yang myu sha langai hpe woi awn ai ningbaw ningla ni gaw grai ahkyak nga ai lam mu lu na ra ai,ningbaw ni namdat jang mung masha yawng hpe sharin shaga hkrum nga ai hpe mung chyeju hte tau myit ya marit law k.I.O/K.I.A ni e nan hte gaw myusha ningbaw ningla ni nan re nga sai re majaw re.

hkunman said...

USA,Mung dan na, WITH HOUSE. hte kaga a-hkyak ai, n-ta ni hpe gap hpang wa yang, a-ga kata de chyum laika na Mungga ni hpe lup hpang n-na she gawda ma ai da,

Post a Comment