KYU HPYI NINGHKRING

Majan nnan hkat ten kawn,
Matut manoi Kyu Hpyi awn;
Hkying hkum hkun m'li nsin nhtoi,
Nawku Jawng e shapra shachyoi;

Hpungmasha htaw htaw ya ya,
Nawku jawng de kyu hpyi sa;
Buga Hpung e lawk hte lawk,
San tawn da ai kyuhpyi gawk;

Kyuhpyi gawk galoi n man,
Gahti galai kyu hpyi an;
Hpungwoi ni hte Hpungtau ni,
Akyu hpyi nni n kri;

Manap sawmrawm mung kyu hpyi,
Magumjan shang ten mung hpyi;

Dai ten ap nawng Hpungmasha,
Ram ram shakut let du sa;
Kyuhpyi Lanak kaba ai,
Yehowa awng sharawng sai;
Kyuhpyi laknak n lawm yang,
Yehowa hte she tsan gang ;

Lusha gam ai gade lang,
L'muga magra kyu hpyi shang;
Yehowa jaw Lamuga,
Awmdawm hte rau lu la hkra;
Tai ni manai makai galaw,
Jahten sharun ai ningbaw;
Myenmung ting na hpungkyi yawng,
Sen matsat ting shangun tawn;

Munghpawm jahten ai Kachin,
Langai n ngam hkra shakrin;
Baw ja dik ai Kachin rai,
Hkrung tawn da yang n mai ai.

Lani mi lahkam mi htawt,
Kalang mi lahkam mi nawt;
Mang langai ntsa langai,
Kabye let htim lung na rai;

Ginjaw shara lu la hkra,
Hpyenla law law si hkam na;
M'sat nhtoi December htum,
Thein Sein tsun ai nhtoi chyum;

Kyuhpyi Ninghkring ahkyak ai,
Majoi mi hkum jahta chyai;
Majan chyinghkraw galu hkyen,
Tinggyeng myit kaba Tai Hpyen;

Tsadan hte K'rai gasat poi,
Tsadan shoichyum na nhtoi;
Lani hte lani ten du wa,
Anhte Awng Padang dip lu na.........

Shanglawt Tsing
(6/4/2012, 12:40AM)