Hka hkanu nga yang Nga hkwi, sharaw wan hkru yang n'bung garum ngu ai hpa shabrai n'law sha ai, wan nlu ai, lamu ga zing ai manghkang myen mungdan mare kaba shagu hta byin nga ai ten ninghkap n'gun madun nga ai ten annau ni mung shawng lam mahkyen hpe myit marai ningnan, myi kaba hpaw , Na latsun kaba su nna ja ja sit htawt sa ra nga saga ai.
Hpyen Du kaba ni bungli kaw na hkring na grai law hkra laika shawn ai, hpyen ma ni shabrai n'law sha ai, matsan ai majan n'kam gasat ai manghkang kaba ni byin nga ai re hta n'ga, rapdaw hta mung Party law law kaw na tang shawn ai hpe ahkyak n'la ai, Chyan Hput Paty kaw nna tang madun ai hpe sha ahkyak la dawdan hparan ai lam ,htinggrum kata kaw shatan garu nga ai. Shatan sha ni zuphpawng nga ai, bai mung shawa a ra awng sharawng ai hte ra lata me pa hte rapdaw Slg byin wa ai nre sha hpyen dap kaw nna ading tawk shatsam hkrum ai hpyen du ni a manghkang hte Democracy ra ai myit kya ai, myit ja ai hpung 2 a n'gun mayun chyam hkat ai gaw myen asuya a rapdaw kata kaw mawru zawn n nang nawn zawn ashun shamu wa nga ai. N'dai ten ahkyak hta pausi di n'byin hkra myit hpe sadi dung, maja na ten kaba rai nga sai.
Hpyen Du kaba ni bungli kaw na hkring na grai law hkra laika shawn ai, hpyen ma ni shabrai n'law sha ai, matsan ai majan n'kam gasat ai manghkang kaba ni byin nga ai re hta n'ga, rapdaw hta mung Party law law kaw na tang shawn ai hpe ahkyak n'la ai, Chyan Hput Paty kaw nna tang madun ai hpe sha ahkyak la dawdan hparan ai lam ,htinggrum kata kaw shatan garu nga ai. Shatan sha ni zuphpawng nga ai, bai mung shawa a ra awng sharawng ai hte ra lata me pa hte rapdaw Slg byin wa ai nre sha hpyen dap kaw nna ading tawk shatsam hkrum ai hpyen du ni a manghkang hte Democracy ra ai myit kya ai, myit ja ai hpung 2 a n'gun mayun chyam hkat ai gaw myen asuya a rapdaw kata kaw mawru zawn n nang nawn zawn ashun shamu wa nga ai. N'dai ten ahkyak hta pausi di n'byin hkra myit hpe sadi dung, maja na ten kaba rai nga sai.
Mung chying shawa a akyu ara a matu, mung shawa a ra ai lam hta tsun shaga makawp maga ya na matu, n'hkrit ntsang sak jaw ap nawng nna tsun shaga hparan ya lu na matu mung masa la ni hpe lata na malai, mung masa galaw sha ai, mung shawa hpe ung ang lam shadam nna tinang ahkaw ahkang a matu sha tam ai ni Rapdaw Slg galaw nga ai gaw myen mung a mung masa gaw hkrang sha rai nna ru n'nga ai, pawt n jung ai hte bung nga ai. Mungkan ting she kajai nga sai munghkang hpe hparan ya ai lam n'nga ai gaw Democracy tara hte sa nga ai asuya re kun? Tinang hpyen gumshem tara hte naw sa nga ai masa kun ngu ai gaw atsawm maram yu yang chye mai nga ai.
Mungdan shanglawt lu na hte tinang hkum shanglawt lu na gara grau ahkyak nga a ta? Nang ngai shanglawt lu ai myit jasat, magam myit, madu myit, shawa myit, jet ai myu tsaw myit n'rawng a yang gaw shanglawt lu tim hpa di na ta? Mungdan hte shanglawt gaw lu chyalu re nang ngai shanglawt ai myit jasat hte atsam htum shakut sa na grau ahkyak dik nga ai. Annau ni n'mai rawt hkra, dip matsut dip shama hkrum ai a marang e mtsan dik saga ai, jamjau duhka hkrum ai mung shaning grai galu wa saga ai, hkam jan lu ai atsam ni mung yawm wa chye nga ga ai. N'hkun kaba hkrat nna myit mada shara tam ai zawn ung ang gajam kalam re pandung n'mu ai, myit mada shara n'nga hkra n'hkam jan hkra, annau ni hpe Jinghpaw Wunpawng Sha ni hpe mungkan na mat mat hkra galaw hkrum saga ai. Hpaji atsawm n'lu sharin ai, manghkang n'nga ai hpe shani chying tung wan shanan kaba lang nna dasang manghkang jahte tam nga ai ni hte n'dai ram annau ni hpe galaw sat shamyit sai myu ni hte naw ganawn yang kaja na kun?
A-Shanglawt na hta malu masha shawng jaw marit.
B-Shanglawt na hta buhpun palawng shawng jaw marit.
C-Shanglawt na hta simsa lam shawng jaw marit nga pandung du hkrak grai nmu ai ni, pandung tawn nna bungli masam n'myit tawn ai ni, myit mada dating tawn ai lam n'nga ai ni, madu hkum madu lit n'la gwi ai ni, sadi n'dung ai ni a myit hta rawng chye ai myit jasat ni, n'bung loi ahtu hkra yang shamu chye ai ni, hpun lap shamu shagu myit htuk htak shagri kaji chye ai ni, gajam kalam myit matu n'ding ai ni hta rawng chye ai myit jasat ni, nsin kata kaw pyaw nga ai ni, Dip sha hkrum ai hpe yup mang zawn shalai nga ai ni, shanglawt nam chyim hpe n'chye hkam sha ai ni yawng sharai gabai kau nna galoi mung asum n'mai jaw ai myit n'gun hte shanglawt lu hkra gasat saga. Makau grup yin a jahten ai ga hpe nra tsan ai gaw awa, aga tsan ai gaw na nga ai hte maren ja ja shen yu nna shawng de gwi gwi she sit ga. Dai ni shanglawt lu yang dai ni jang ngwi pyaw simsa shimlum rawt jat sutsu nga mu ai myu tai na re. Shanglawt na matu she myit makun tawn ga.
2007 ning hpungkyi ni woi awn n'gun kaba madun ai hpang kaw na myen gaw manu mana si manyi katsi dik ai masa hte annau ni hpe yet yet shadip manai ka-up apyet manai di kau lu na htinggrum kata n'gun kaba mayun dat shapraw nga sai. Gasat nna laknak hte jahkrit nna myu shamyit ai tinang myu kaba masing gaw awngdang na n're hpe chye wa sai majaw, kata lam annau ni hpe nkam mani tim sharang mani, n'tsaw ra tim tsaw ra masu rai, rapdaw hta she mung masa bawngban shangut nna madu up hkang mungdan a matu hparan la ga, ya ahkyak gawda ai tara naw chyawm lajang ga nga lagat n'tsin chya shakap tawn masu ai n'ten n'gup hte tsun ai. Sung dik ai n'hkun kaba htu hpang sai.
Punwi kaba a shan mayu ai ladat kaba hte gaungwi n'sa salu gawut shamawng bun, hkyusau gawut bun, kahtawk tsi, mawng n'sa shakap ya ai masa zawn annau ni sumbu kata na, lusu ai hpe n'sin kata kaw shapoi bang la nna, annau ni a ja lungseng n'hprang rai maisak, mailing ga sau, lusu ai hpe n'dum shami yup mang zawn manaw shawn la nna annau ni a matu arang kaba shaw ya nga ai zawn bai jahpai masu nna ahkaw ahkang lu ai zawn masu nna yet yet sha sai, garan sum prat kaba mayun dawk, yup shamwi ai ten gaungwi mayu marun gaungwi ma-aut maya shamyit shakre kau na n'gun htum atsam htum bawnu shachyai nna myu kaba ladat myu shamyit masing kaba hpe prat tup n'mai shamu hkra, n'mai rawt hkra, 2008 gawda ai tara hte mayu garin kau na n'gup kaba hpaw mahka tawn nna aja awa hkyen lajang tawn ai hte annau ni hkam la ai tara hte annau ni hpe bai sat lu hkra, kachyi mi mung n'mai shamu hkra 2008 a gawda ai tara kanu hte gyit tawn lu hkra ladat shaw sai. Tara masing 338 hta myen mung hta hpyen hpung langai sha nga na hpe ka shagrin tawn sai re.
Annau ni hpe shawng ahkyak kaba rai nga ai kawng kaba, n'rung, lamying, amyi ana, n'gun yawng manai agrawp kau lu hkra n'shawp dik ai manai dik magaw dik ai masing galaw sai. 2008 a gawda ai tara malawng hpe n'ra sharawng ai marang e annau ni mawng salu marawp hkrup ai kaw na, Punwi kaba mayu marun sha kau na kaw na gyit tawn sai kaw na tsam mari amya mahkyit chye pru lu sai gaw shaman chyeju rai nga ai.
BGF jarit sin dap.
Madat dat yu yang pyaw na zawn madat chyai na zawn zawn nga nga ai. si manyi dik ai punwi kaba a pahkam kaw na annau lawt pru lu ai jaw, myen ni htinggrum kata mau kajawng dik sai hte hkrit tsang kaba hkrum nga sai re. Annau ni a myit mada tawn ai shaning galu shingran ai arang kaba bang tawn ai hpe mu dik na zawn sha mayu dik na zawn ningsam tsawm dik ai hku shadu tawn ai shat ku hkyen tawn, n'tsa lam yu yang tsawm ai zawn simai hta gungtsi bang tawn nna yup mang hta kalang ta htan si na mahkyen shapraw sai, maga mi de mayun kumhpa shagrau na, ja bum madun na, nkau mi hpe ahkaw ahkang arawng aya madun nna hkalem shalen lau la lu hkra, maga mi de gaw hpai hka madi tawn nna aming hte jahkrit shama ai, sai kaji ai ni shagri kaji ai ni, atsawm myit grai n'kung shi ai ni, nammak lawhpa ai ni sung sung n'myit yu ai ni kadawng bang hkra, nam magap tawn ai n'hkun kaw hkrat si na hku lajang taw ai. Kaja nga yang myen gaw annau ni hte bawsang ni hpe sat shakre kau mayu dik sai, mayun manai agrawp sha kau na daram ka-un taw nga ai zawn, maga mi de mung shanhte hkrit hkungga dik ai annau ni re, shanhte myit ai nmai awng dang ai mung annau ni re hpe asan chye ai. Dai majaw mungkan hta myu jahpan mat hkra shakut nga ai re hte maren makam n'bung ai galaw lu galaw sha ngasat ngasa htunghking laili laika, ga n'bung ai, bum nga masha re majaw myit ja ai magrau grang ai shagri kaba ai n'chye hkrit ai, sadi dung ai, makru masum jung ai myu re myit hkrum gahkyin n'gun kaba ai, myu rusai galu ai, teng man ding hpring ai shinggyin naina myit rawng ai, kahpu kanau mayu dama nga makyit ngang ai.
Moi simsa lam grai n'la shi yang myen hpyen gaw annau ni hpe hkrit hkungga dik ai hte, n ju hkrit hkrit dik ai re, ngang gayut si manyi dik ai hte masawp shalen n'lu ai, hkalem n'lu ai myu re majaw annau ni hpe hkrit tsang dik nga ai jaw, dip shamyit kau lu na tara masing mung masa tara hpe mu mazut, kabu yawn byin hkra shakut nga ai re, annau ni hpe n'htu n'shan ntsa hkawm na matu n'htu n'tsa gumhpraw arawng aya mara tawn nna BGF laika mara jaw sai. La jang mung sat na n la jang mung sat na kumla lachyum shapraw dat sai re. 2008 a gawda ai Punwi kaba a n'gup kaba kaw na mung tsam mari lawt pru lu saga ai, ya kalang bai BGF jarit sin dap nga atsang kaji dik ai yu kaji dik ai masa hte n'la yang mung sat sharu shamyit na, la yang mung sat sharu shamyit na, shanhte a moi Awng San prat kaw na mayun bawng jahkrup ngut tawn sai myu kaba ladat, myen myu sha up hkang masha tai lu na, bawsang shamyit shamat masing hpe tara jahkat ta tut aming ja ja jahkrit nna galaw nan galaw sai re.
Ya jang nang hpe n'tsa lam luna shana bu hpun palawng jaw sai, simsa lam mung lu sai tim htani htana masha npu naw taw na masha a gang gayin sha ai naw hkrum na, madu lu lawm ai hte wanglu wanglang mu mu mai mai nmai galaw sha ai. Shata jan kaw lam hkawm ai zawn naw nga ra na rai yang hpa di na ta? Htani htana ngwi pyaw shimlum simsa ai madang dip lu hkra she sa ra sai, pandung du wa mahka, yi ngam hprak wa mahka, bungli ngut wa mahka, loi sha ra sai hpe myit makru shaja nna naw sharang shalai kau lu yang teng shanglawt gaw annau ni hpe hkap nga sai re. Hpang de ndai zawn re bai nhkrum hkra ndai lang gaw yi ngam shangut ai de, padang dip ai de htani htana shimlum simsa shanglawt ai de she dating saga. 2 lang yawn hkyen myi prwi n'gatsut nu ga Chyurum ai hpunau ni e. Chyihkring mi sha pyaw nna prat tup shu mashi du mayam byin na hpe myit sum ru yu nna ndai lang sha gaw duhka hkam shalai kau ga, naw sharang shalai kau ga. Naw dating ga hkrap let wa pu shup tim, madai let n'tsin lu tim kahtet na re, myi pwi pru let shat sha ra na re raitim htani htana simsa lam shanglawt na de she chyawm dating shakut ga ngu mayu ai.
Madat dat yu yang pyaw na zawn madat chyai na zawn zawn nga nga ai. si manyi dik ai punwi kaba a pahkam kaw na annau lawt pru lu ai jaw, myen ni htinggrum kata mau kajawng dik sai hte hkrit tsang kaba hkrum nga sai re. Annau ni a myit mada tawn ai shaning galu shingran ai arang kaba bang tawn ai hpe mu dik na zawn sha mayu dik na zawn ningsam tsawm dik ai hku shadu tawn ai shat ku hkyen tawn, n'tsa lam yu yang tsawm ai zawn simai hta gungtsi bang tawn nna yup mang hta kalang ta htan si na mahkyen shapraw sai, maga mi de mayun kumhpa shagrau na, ja bum madun na, nkau mi hpe ahkaw ahkang arawng aya madun nna hkalem shalen lau la lu hkra, maga mi de gaw hpai hka madi tawn nna aming hte jahkrit shama ai, sai kaji ai ni shagri kaji ai ni, atsawm myit grai n'kung shi ai ni, nammak lawhpa ai ni sung sung n'myit yu ai ni kadawng bang hkra, nam magap tawn ai n'hkun kaw hkrat si na hku lajang taw ai. Kaja nga yang myen gaw annau ni hte bawsang ni hpe sat shakre kau mayu dik sai, mayun manai agrawp sha kau na daram ka-un taw nga ai zawn, maga mi de mung shanhte hkrit hkungga dik ai annau ni re, shanhte myit ai nmai awng dang ai mung annau ni re hpe asan chye ai. Dai majaw mungkan hta myu jahpan mat hkra shakut nga ai re hte maren makam n'bung ai galaw lu galaw sha ngasat ngasa htunghking laili laika, ga n'bung ai, bum nga masha re majaw myit ja ai magrau grang ai shagri kaba ai n'chye hkrit ai, sadi dung ai, makru masum jung ai myu re myit hkrum gahkyin n'gun kaba ai, myu rusai galu ai, teng man ding hpring ai shinggyin naina myit rawng ai, kahpu kanau mayu dama nga makyit ngang ai.
Moi simsa lam grai n'la shi yang myen hpyen gaw annau ni hpe hkrit hkungga dik ai hte, n ju hkrit hkrit dik ai re, ngang gayut si manyi dik ai hte masawp shalen n'lu ai, hkalem n'lu ai myu re majaw annau ni hpe hkrit tsang dik nga ai jaw, dip shamyit kau lu na tara masing mung masa tara hpe mu mazut, kabu yawn byin hkra shakut nga ai re, annau ni hpe n'htu n'shan ntsa hkawm na matu n'htu n'tsa gumhpraw arawng aya mara tawn nna BGF laika mara jaw sai. La jang mung sat na n la jang mung sat na kumla lachyum shapraw dat sai re. 2008 a gawda ai Punwi kaba a n'gup kaba kaw na mung tsam mari lawt pru lu saga ai, ya kalang bai BGF jarit sin dap nga atsang kaji dik ai yu kaji dik ai masa hte n'la yang mung sat sharu shamyit na, la yang mung sat sharu shamyit na, shanhte a moi Awng San prat kaw na mayun bawng jahkrup ngut tawn sai myu kaba ladat, myen myu sha up hkang masha tai lu na, bawsang shamyit shamat masing hpe tara jahkat ta tut aming ja ja jahkrit nna galaw nan galaw sai re.
Ya jang nang hpe n'tsa lam luna shana bu hpun palawng jaw sai, simsa lam mung lu sai tim htani htana masha npu naw taw na masha a gang gayin sha ai naw hkrum na, madu lu lawm ai hte wanglu wanglang mu mu mai mai nmai galaw sha ai. Shata jan kaw lam hkawm ai zawn naw nga ra na rai yang hpa di na ta? Htani htana ngwi pyaw shimlum simsa ai madang dip lu hkra she sa ra sai, pandung du wa mahka, yi ngam hprak wa mahka, bungli ngut wa mahka, loi sha ra sai hpe myit makru shaja nna naw sharang shalai kau lu yang teng shanglawt gaw annau ni hpe hkap nga sai re. Hpang de ndai zawn re bai nhkrum hkra ndai lang gaw yi ngam shangut ai de, padang dip ai de htani htana shimlum simsa shanglawt ai de she dating saga. 2 lang yawn hkyen myi prwi n'gatsut nu ga Chyurum ai hpunau ni e. Chyihkring mi sha pyaw nna prat tup shu mashi du mayam byin na hpe myit sum ru yu nna ndai lang sha gaw duhka hkam shalai kau ga, naw sharang shalai kau ga. Naw dating ga hkrap let wa pu shup tim, madai let n'tsin lu tim kahtet na re, myi pwi pru let shat sha ra na re raitim htani htana simsa lam shanglawt na de she chyawm dating shakut ga ngu mayu ai.
Yahte kalang bai htai mung hta bawngban ai kaw U Awng Min tsun ai ndai lang anhte hte simsa lam n'lu la sayang gaw grau nna shaja gasat na ngu ai lachyum gaw teng simsa ra ai, teng annau ni hpe mungdaw mungdan up hkang lam jaw mayu ai mung masa bawngban mayu ai manaw n're, ya mung wa nyem u nyem roi re n'gup manaw sha naw shapraw nga yang gaw teng man ai myit masa nre. KNO ningbaw kaba tsun ai hpe ngai grai madi shadaw ai shanglawt lu hkra gasat di la ga ngu ai hpe madi shadaw dik ai. Teng gasat nan gasat di la ra sai, annau ni nan annau ni a gam maka tara hpe gawde la yang chyu kaja dik shanglawt na re. Madu up hkang lu na masa npru yang simsa lam gara hku mung n'mai la ai. Laika ngau nau kalu mat sai.matu nna BGF, annau ni hta majan byin hpang ai, bai ya dai ni annau ni a hkam sha ai hkrum katut ai shawng lam kara hku galaw yang mai ngu ai hpe matut nna naw la hti ga.
Ya hkyak hkyak RCSS/SSA ni hte munghpawm simsa lam la tawn sai. Ta masat kaba mung htu tawn ngut sai raitim hpa majaw bai gasat nga ma ta? Democracy hku sa nga ai rapdaw n'dai ram mungkan she garu gumhkawng hkra ninghkap n'gun madun nga ai hpe hpa majaw ahkyak tawn nna lit la n'salang ya ai. Mung masa galaw sha nga ai ni kun?
Ma ni hpe yu nna n'gun la, dating matut gasat ga.
Ya hkyak hkyak RCSS/SSA ni hte munghpawm simsa lam la tawn sai. Ta masat kaba mung htu tawn ngut sai raitim hpa majaw bai gasat nga ma ta? Democracy hku sa nga ai rapdaw n'dai ram mungkan she garu gumhkawng hkra ninghkap n'gun madun nga ai hpe hpa majaw ahkyak tawn nna lit la n'salang ya ai. Mung masa galaw sha nga ai ni kun?
Ma ni hpe yu nna n'gun la, dating matut gasat ga.
Baren Numraw
0 comments:
Post a Comment