Slideshow Image 2

KIO/KIA HTE KNO NINGBAW NINGLA NI HPANG DE

Dai ni anhte Jinghpaw Wunpawng amyu sha ni a shawng lam hte anhte a ahkaw hkang a matu KIO/KIA ningbaw ningla ni woi awn let anhte a myu  tsaw share shagan ni asak ap nawng let lam amyu myu hku shakut shaja let amyu sha ni a sari sadang hpe makawp maga nga ai majaw ndang tsun hkra chyeju dum nngai law.

Dai hte maren KNO hku nna mung maigan mungdan shara shagu hta e anhte Jinghpaw Wunpawng amyu sha ni a roi rip hkrum sha nga ai lam hte amyu sha ni a lawt lu lam hta e maigan asuya ni, UN hte EU ni hte matut mahkai nna mung, maigan du amyu sha ni hpe zinlum nna mung KIO/KIA hpe madi shadaw na matu hte tsinyam hkrum nga ai amyu sha ni hpe garum shingtau ai lam hta shakut nga ai hpe mu lu ai majaw chyeju dum, n’gun lu nngai.

Shing re KIO/KIA hku nna kanu Wunpawng Mungdan kata kaw shakut nga ai zawn KNO hku nna mung maigan mungdan shara shagu hta e lu ai atsam hte shakut nga ai ten hta e maigan de du nga ai J.W amyu sha nkau mi gaw gara kaw mung nshang lawm ai sha nga shalai ai hpe mu lu ai majaw mung myit hta grai npyaw ai.

Ya ngai tang shawn mayu ai lam gaw, amyu sha ni a mung masa lawt lu lam hta shang lawm mayu tim, KIO/KIA hte KNO a lapran ung-ang nga ai maigan du J.W amyu sha ni mang hkang rai nga ai. Europe mungdan ni, Asia mungdan ni, Australia hte America ni hkan e KNO hku nna woi awn let kanu mungdan hte amyu sha ni a lawt lu lam hta e shakut shaja nga ai zawn KIO/KIA hpe tsepkawp madi shadaw na matu myit jasu let woi awn nga ai hpe anhte ni yawng mung mu chye na sai. Maigan mungdan ni hta e anhte J.W amyu sha ni a gawng malai tai let mung masa lam hpe KNO daram shakut shaja nga ai kaga J.W mung masa uhpung mung nnga na re. Rai tim mungdan nkau mi hta e (grau nna America, Malaysia hte Singapore) ni hta e KIO hte KNO a lapran nchye na ai majaw nshang lawm ai ni nga ai zawn, KNO hta e shang lawm yang KIO hpe nmadi shadaw ai hku mu nna nshang lawm ai ni mung nga nga ai hpe mu lu ai. Shingre ai lam hpe jahpai nna lapran hta gara kaw mung nshang lawm ai ni hpe mung mu lu nga ai.

Ngai chye na ai gaw, KNO ngu ai gaw anhte Jinghpaw Wunpawng sha ni a lawt lu lam hpe KIO/KIA hku nna kanu Wunpawng mungdan kata kaw Myen Asuya hte gap hkat jahkring nna mung masa lam hpe shakut nga ai zawn, maigan du Jinghpaw Wunpawng sha ni hpe zunlum let maigan mungdan ni hte matut mahkai nna amyu sha ni lawt lu lam hpe shakut na matu maigan du J.W du salang ni hte KIO/KIA ningbaw ningla ni jawm jahkrup nna KNO hpe hpaw ninghtan da ai re ngu chye lu nngai. KNO ningbaw ni hku nna mung KIO hte KNO gaw amyu sha lawt lu lam hta langai sha re lam hpe lang hte lang tsun sang lang nna migan du amyu sha ni hpe woi zinlum nga ai hpe mu lu nga ai. Rai tim nkau mi gaw dai hku nmu ai sha uhpung kaga ga re hku mu lu nna KNO a woi awn shamu shamawt ai lam hta e shang lawm na matu ung-ang nga ai hpe mung mu lu ai.  Bai nna nkau mi gaw KIO/KIA hku nna “anhte KIO hte KNO gaw langai sha re nna amu garan galaw ai lam she re” ngu nna ndau dat yang gaw anhte maigan du J.W sha ni yawng KNO hta n’gun langai tai let shakut shaja nna shang lawm na re nga nna tsun ai ni mung nga nga ma ai.

Dai majaw ya na zawn ahkyak ai ten hta amyu sha ni yawng a matu n’gun langai tai myit hkrum mangrum let kanu mungdan kata, shinggan lam amyu myu hku lu shakut na matu KIO/A hte KNO ningbaw ningla ni hku nna bawngban let amu rau jawm galaw na ladat hpe shaw let mung shawa masha yawng hpe chye na hkra ndau shana ya yang kaja na re ngu tang shawn dat nngai law…. 

Amyu sha lawt lu lam hta            

My Tsaw Ningli

17 comments:

tutsawm said...

Anhte myu sha ni marai hkum dep anhte lu ai kaw na shata mi rai rai kalang KIA/KIO hpe warfun (shin) garum gunhpraw bang yang mai kaja na re.

Unknown said...

De,

Tsaw ra hkung ga let,

Lahta na laika hte seng n'na hkau myit su wa a shagun laika snr mu mada hkam sha ai lam hpe mu hti la lu sa ga ai. Ya ten anhte ni myit hkrum mang rum ra ai ten mung rai nga ai. Yawng ni myit hkrum mang rum let shakut nga ai hpe mung mu lu n'na grai n gun lu n'ngai.

KIO/KIA, KNO,sha n ga na lu ai atsawm du ai shara kaw na Wp amyu sha ni yawng shakut nga ai hpe mu lu ai.N'kau hku na gaw dai lam ni hta myit n shang sha ai madaw she rai na re. KIO hte KNO hpe gaw laga ung-ang na lam gaw hpa n nga ai. KNO mung shi lu ai atsawm hte shi du nga ai shara kaw na shakut nga ai Wuhpung 1 re hpe mu lu ga ai. Grai ma chyeju dum n'ngai.Raitim Wp amyu sha hkum ding dek KNO de shang lawm ra ai ngu ai gaw nau n jaw na re. Hpa majaw nga yang KNO gaw mungkan ting na Wp amyu sha ni hku n'na snr KIO hku na hpaw ning htan da ai wuhpung n re ai hpe mung yawng chye na re.

Laga a lak mi ndau mung n ra na ngu na mu mada ai. Raitim KNO hte rau du nga ai shara kaw na ANHTE A AWNG PADANG HKRUN LAM HTA shang lawm garum hkak na sha a kyat nga ai. Amyu sha lawt lam hta KIO,KNO,KAA,KWAT,OKA,KAF,NDAK,KDA,AMYU SHA Ni hte laga n dang hti lu ai wuhpung wuhpawng ni grai shakut nga ai re.

Ngai hku na chye na ai gaw yawng ni tinang a wuhpung wuhpawng snr lu ai atsawm, ang ai magam, du ai shara kaw na waw ra le ra n ngu ai sha jawm shakut yang sha AWNG PADANG dip la lu na re.

shaman said...

Intelligence planning , means knowing you enemy . Let see who is my enemy , oh oh i see my enemy is burmese military and political groups . Tinang a hyphen gaw ntashawng kawdu nga sai tinanghpe garum ai maigan hpe pi taladawn hpyi nga ai aten nndai ga gaw myityu sha ga ra ai ten re ngu mulunngai.

Ta Tut said...

KNO should be dismiss in my opinion. Coz they do have a small army and they have some different ideology with KIO. I am saying KNO is bad but must be one to be independence. We r still fight for freedom and we can't be split. Working under one name and be as a department is more effective and won't look like we are some kind of fraut.

Unknown said...

KIO hpe madi shadaw ai zawn gaw rai, maigan ga internet sha lang rai nna, maigan asuya ni, amyu a matu shamu shamawt woi nga ai KNO a lata tut bungli ni hta gaw n shang lawm rai lapran tsap [ achyawng hku ] nga ai Jinghpaw ni hpe lawan ladat jawm tam magra bang la ra sai. KIO hpe madi shadaw kun ngu yang loi mi pi n garum, shinggan de KNO galaw woi nga ai amyu sha lawt la hta hkan nga kun ngu maram yu yang mung dinglum nna makau kaw tsap taw ai ni kadai rai kun? Manang wa hpe dinglun ai lam n galaw shi yang dai wa a lam shawng chye hkra hka ja ra nga ai.

Laika ngau ka ai wa ai good intention myit hpe mu ai majaw, na a dam lada ai myu tsaw myit hpe chye na ai hte na kabu ai. Negative hku dinglun nna makau kaw tsap nna [a-chyawng hku] gara de mung n jau jau re ni myit yu gring sai, Jinghpaw sai gaw re kun?

hkrumzup Lung Hkrung said...

KIO/KIA hte KNO gaw Pandung bung ai mung masa lam yan ntsa hta hkawm ngai ai wu hpung ni hku mu ai. Anhte moi Shanglawt rawt malan nnan hpang wa ai kaw nna lang wa ai " Ninggawn Mung masa lam yan" hpe sha KNO wuhpung mung tatut hkrang shapraw galaw hkawm sa nga ai hpe mu ai. KNO wuhpung a mung masa pan dung rai nga ai "Awmdawm shanglawt" gaw KIO a moi kaw nna masat ka tawn da ai" Ninggawn mung masa pan dung" mung re hpe chye na ai, kaga pan dung shaje nre hpe mung asan sha mu lu ai. Ya aten hta gaw Jinghpaw wunpawng Sha ni lapran hta shada dinglun nga na aten nrai na sai. Tinang a Tai hpyen madung gaw kadai re hpe atsawm sha chye ging hka kau ra na re ngu mu ai. Madu gaw nta npu de, Gwi gaw nta ntsa de nnga mat, ndu nga na matu hkyak hkyak jawm myit sawn nna, ladat shaw grau shakut ra ai aten majing re hpe kam ai. Tai hpyen myen asuya hte pyi, shaning law law wa hku lu, hkau lu nga yang me, anhte shada gaw hpa rai nchye na, nhku hkau lu na. Shada mara tam, jahpoi asawng ai gaw, grit nem ai amyu sha ni a myit jasat, magam myit nrawng ai ni a myit jasat nan re hku mu ai. Anhte Jinghpaw Wunpawng Amyu Sha ni gaw, Du magam myit rawng ai amyu ni rai nga ai. Dai majaw, dai ni ndai aten kaw nna gaw, nang ngai kadai, tinang a tai hpyen madung gaw kadai, nang gaw gara lam hta madi shadaw nna, shang lawm garum mat na, gara mung masa lam yan hta hkan lu na ngu ai hpe asan sha dawdan masat nna ang ai shara kaw atsam dat shakut sa mat wa ga ngu ndai hte mi tsun jahpra dan mayu nngai.

Hkrum Zup Lung hkrung

dumsi gam said...

Yaten hta dai KIO/KIA/KNO ngu wuhpung lam jahta na aten n're WUNPAWNG sha rai yang yawng langai sha re, tinang du ai shara kaw na lu ai atsam hte lu ai laknak hte hpyen wa hpe jawm ninghkap ga.

JawBum Shadang said...
This comment has been removed by the author.
JingHpaw said...

Maigan du ai ni hpe KNO ni zinlum ai da aw? Mau sa. Mang hkang kaba KNO ni myit su saga yaw. KIA/KIO ningbaw shagu hte mang hkang byin ai Bawm Wang La mung n,dai majan kawn myit su wa ai hpe mulu ai majaw grai gabu ya ai yaw. Keep going man. KIO/KIA hte shingjawng mayu ai myit ni tawn da sanu. ShangLawt dap kaw mang hkang bai hkum sa galaw sanu re lu.

JawBum Shadang said...

No one will ever put great efforts if they do not have their own future interests. What I am saying is KNO is the seperate group that will occupy and invade KIA/KIO at anytime when they have strong power. They are doing great jobs in foreign country because they want power when Kachin land gets own Federalism. Believe me Or Not. This is how they are planning to put so much efforts for freedom in aborad. Classify your plans to fully supports whether KIA Or KNO. Bawng Wan La Raw has been warned to death penalty by KIA, because he tried to invade KIA for several times in last decades. Gun San ( President of KNO U.S) is trying his best for freedom dealing with State government because he got huge plan to involve or get some power in Kachin state after we got federalism. That Man Bawng Wan La Raw is so Sneaky in doing for kachin people. Which group is more sacrificing their lives for Freedom in this time KIA or KNO ? So people know your destiny being in KNO or KIA full supporters.

JingHpaw said...

Maigan de KNO ni zin lum ai n,mu ga ai, mang hkang woi galaw ai sha na lu ai yaw. Mana zawn hkum nga mu. KIO/KIA hte KNO gaw maren da aw? Bawm Wang LaRaw gaw shanglaw dap kaw mang hkang chyu sa galaw law re ai nanhte n,chye ai i?. KNO jahkri hpe KIA hte hkum shadawn mu. KIA/KIO gaw JingHpaw WunPawng yawng a masin salum re. Dai gui si LaRaw na KNO yat bat manam ai shaning grai na sai. n,dai majan kawn LaRaw wa myit su wa ai mulu ai majaw gabu ya ai, rai time n,kam ai yaw.

Myit Hkrum Ga said...

Umm... Yawng myit hkrum n'gun langai tai na matu lam tam ra ai ten hta amyu myu jahpoi asawng tsun taw nga ai Ta Tut, Jinghpaw, Jawbum ni kaja wa ta tut gaw galaw nga ai kun? Jinghpaw myit gaw rawng nga ai kun? Jaw Bum gaw du ga ai kun? Kata lam nchye ai sha majoi jahpyak asawng ai amu gaw amyu tsaw ai nre sha, amyu hpe daw hka shangun ai sha rai nga ai. Shing re amyu shad da daw hkan na matu tsun, jahpoi asawng ai bungli gaw Myen hpyen wa hte shi a masha ni galaw nga ai amu rai nga ai. Dai majaw tinang ka dat tsun dat ai gaw amyu a matu akyu rawng ai kun myit yu ga...

Unknown said...

KIO ni simsa lam la nga ai aten, KNO nnga yang yawng Myen kata de dai ni NDAK zawn rai mat na rai nga sai. Dai hku nbyin hkra tsan tsan de mu mada ai KIO Ginjaw salang ni, KNO hpe hpaw na matu myithkrum bawngban nna hpaw da ai re. N'chye yang san mu.

Karai Kasang gaw n sin hte n htoi hpe balance byin nga na matu hpan da ai zawn, anhte amyu ni a bandung de du lu hkra balance galaw sa mat wa ra ai.

Comment hkan sha hkan dinglun nna, dai ni du hkra Myen hpyen hprawng ni hpe lap mi gaw tam jaw sai kun? Padang Hkrunlam Majan rung de kang lap mi sha pi gaw shawnglam hpyen la ni a matu sak jaw sai kun? N gup gaw baw law, lata gaw lagyaw n galaw saga.

http://www.youtube.com/watch?feature=player_embedded&v=kROrg2DUFMQ

hkrumzup Lung Hkrung said...

Hello, Mr.Jaw Bum Shadang. You have put very smooth phrases in your comment without knowing the core concept of Revolution and what have been and is really going on inside. And don't be so proud of dragging your own people into the deep shadow by your harness and beautiful words. We are not talking about personal matters here, we are right here talking about our Kachin National interest as a whole. Stop hurting your own people. If you would keep doing like that in this situation, poeple would wonder if you are Real Kachin or Not. So, please stop for nonsense. and I urge you to do something good and encouraging for your Kachin people. Thanks!

Myu Tsaw Hpyenla Tingsa said...

Lai wa sai gap hkat jahkring ai ten hta e KIO/KIA ningbaw ni nkau mi gaw tinang Ginjaw kaw Myen hpyen Asuya a dawnghkawn jun na matu mung hkyen yu sai. Labau shang KIO/KIA a mying hpe mung galai kau na matu galaw yu sai. Shing re ai ten hta KNO hku nna mung shawa n'gun hte shingre lam hpe woi awn ninghkap lai wa sai. Dai lam ni gaw KIO hpe shingjawng mayu ai nre sha, tinang kanu mungdan Asuya KIO/KIA hpe manu shadan ai majaw makawp maga ai rai nga ai. KNO ningbaw Duwa Bawm Wang La Raw daram hkum tai langai hku nna KIO/KIA hpe ja gumhpraw hte mung, laknak hku nna mung, mung masa hku nna mung garum ai kadai naw nga na kun? Shing re amyu tsaw ningbaw ningla du salang ni hpe jahpoi asawng ai gaw J.W amyu sha yawng hpe jahpoi ai, hkrat sum shangun ai ladat ni rai nga ai.
Ya ten hta kanu mungdan Asuya KIO hku nna dingman ai lam kaw ngang ngang tsap let J.W sha ni yawng a matu majan pa kaw shang nga ai ten hta e mungdan kata, shinggan nga ai J.W amyu sha ni yawng gara hku shang lawm yang grau kaja na, KIO hte KNO mung gara hku amu jawm galaw na, kaga J.W amyu sha hpung ni yawng hte gara hku amu garan galaw na ngu ai hpe shada da jahkrup let madi shadaw n'gun grau lu hkra galaw ra ai ten rai nga ai. Shada da jahpoi asawng na ten nrai sai. Dai lam ni gaw amyu sha ni hpe hkrat sum shangun ai, daw hka shangun ai ladat ni she re. Dai majaw Internet hkan e comment ka yang atsawm myit yu, sagawn yu na she ka ga....

dumsi gam said...

Mang hkang hkum shalaw mu law, wunpawng myusha ni yawng myithkrum ra ai ten re. anhte myusha ni myit n'hkrum yang taihpyen wa grau gabu na ra ai. NA SAI I !!!!

gunlahpai said...

De,,
Ta tut ,Jinghpaw hte Jawbum Myitsu wa ni e ya yang an hte WP sha ni shada da grau myit hkrum ra nga ai ten hta Hkau myit su ni a Comment ni a majaw grai myit n pyaw ai hku re.Hkau ni a tsawm n sawn yu ai sha ka mara dat ai Comment an hte WP sha ni a Tai hpyen (MYEN)Wa gaw grai na gabu nga na sai.Haku myit su ni e ya ten anhte WP an nau ni (A Nya sha kawng )nga na ten n rai sai( Zen ra sai)hprang ra sai yaw.ZEN wa Hprang Manu ga...chyeju gaba sai..GOD BLESS KIO/A and KNO..

Post a Comment