LATGYI CHANG YING

Shata praw "9" du shagu,
Latgyi Chang Ying ngai kaw du;
Maroi nni ai lam tsun,
Hpyen masa hpe jawm dinglun;

Latgyi Chang Ying maroi nni,
Majan hpang hte shi shawng si;
"Nye majaw majan kaba,
Tsin-yam hkrum ai Wunpawng sha;

Nachying m'sin nsi nngai,
Maroi nni dik la sai;
Majan Chyinghkraw galu mat,
Mungmasha ni ginchyum chyat;

Ngai zawn Share Shagan tai,
Myitrum ni mung law la sai;
Raitim atsam n shayawm,
Wunpawng Sai yawng hpawm shalawm;

N-gun dating ai hpe mu,
Nye a wenyi yu kabu;
Awmdawm Shanglawt lu shaloi,
Shawng tai Shagan myit dik nngai oi;" da.

Shanglawt Tsing mung grai hkam sha,
Latgyi Chang Ying majaw wa;
Iya masin salum yawng,
Pu gang sin m'chyi sai gumtawng;

Awmdawm n lu lu hkra shakut,
Tai hpyen ni hpe jawm anut;
Gawmaw Chang Ying hpe hkra ai,
Yawng a shan hkra ai she tai;

Nang hpaw hpang da ai majan,
I Awmdawm lu na masan;
N tara ai Tai hpen ni,
Si sum ma nni nkri;

Madat sha mu n kam ngu,
Karai myit she rai sai lu!
Karai Wa she matai dawp,
Majan shagu shanhte nyawp;

Masin nsi hkum rai law,
Awmdawm anhte lu na maw;
Share Shagan nang shawng tai,
Lamik kaja she rai sai;   

Sidu hpe dang Yesu zawn,
Nang hpe she anhte shakawn;
Masha si tim mying  n si,
Tai hpyen ni pyi she shari;

Shawng de shanang mung n ngut,
Hpang de mung n lu htingnut; rai,
Shoichyum mga masai le.......

Shanglawt Tsing
11/5/2012