May (7) bat Langai
Ya yang Jinghpaw Mung Pangwa mare kaw du nga ai Myen Asuya dap ni hte NDAK (BGF) dap ni gaw Myitkyina "Byuhamu" a matsun hte maren "Cleaning" galaw ai hta mung mare masha ni a ntsa shinggyim ahkaw ahkang laja lana tawt lai taw nga ai hpe na chye lu ai. Mare na myu shayi Num ni hpe shara mi kaw rim mahkawng da nna hkum shan roi rip ai hte zingri ai lam na chye lu ai. Ndai lam ni hpe Mungkan mungdan shara shagu du nga ai myu Wunpawng Sha ni mai byin ai daram shana shabra, UN de tang madun rai jawm ninghkap sa wa ga ngu saw lajin dat ai.
2 comments:
Sumla sakse hte n-htoi, shara, a-ten, Mying ni hte hkrak hkrak di n-na Maigan du nga ai. Jinghpaw wun Pawng Myu sha ni hpang de sa dat mu. shana nan shana ra ai, galaw nan galaw ra ai Magam bungli ni nan re
NDAK ginra hta dai zawn rai Wunpawng amyu shayi hpe Myen hpyen hpyenla ni kam mara hkum shan roi rip ai lam hpe ja ja ninghkap adawt ra ai. Ginra madu NDAK (BGF)kaw tsep kawp lit nga ai. Shanhte a ginra hta myenla ni hpe woi matep nga shangun ai majaw ya na zawn byin ai re. Zahkung Ting Ying gaw shi a lu lawm lam tam ai hta lai nna, kaga hpa mung myit n shang sha ai da. Shi a makau kaw kadai hpa byin yang byin shi hte n seng ai da. Myen a npu taw na, mayam woi shatai ai, Lani mi Karai Kasang shi hpe ari jaw ai hkrum sha na re.
Post a Comment