MYU TSAW MUNG TSAW SHARE NINGHKRING NI HPANGD E

Majan ladaw laning du wa sai
Jahkring na mung grau n'mai.

Daini ngoi ai pala
Mungkan ting shiga chyam bra.

Myen mungdan a simsa lam hta
KIO/KIA she ahkyak dik sai da.

Mungkan ting mung chye sai
Annau ni Shanglawt lu ra ai.

Asak hkrung ai panglong ga sadi
Myen gumshem a man kaw galoi n'hputdi.P

Padang hkrun lam majan hta
N'yup n'sha kawsi hpang gara.

Jigrawng mayan e mung jawm
Padang dip majan hpe n'shayawm.

Buhpun palawng mi je yang je
Myutsaw myit gaw galoi n'numshe.

Buhpun palawng mi waw yang waw
Myutsaw myit gaw galoi n'magaw.

U lu mahka kaw hpungkun n'daw
Wa tsaw ra ai kasha hpe n'gun jaw........ dat n'ngai.

Sau Nan Du