Slideshow Image 2

NDAK (BGF) HPANG DE

Pangwa ginra hpe Myen chyasam, tara maigan ni a lata kaw na asan sha shalawt la na matu she Lung wa ai tinang sai daw sai chyen KIA hpyen hpung ni hpe chyasam myen a ga madat nna hkap ninghkap gasat ai kadai rai tim Wunpawng amyu sha yawng a hpyen nan rai sai. Pangwa ginra hpe KIA up hkang kau na matu nre, shalawt na matu she re mi, ya na zawn chyasam myen hte pawng, sai ga n-shaga ai, maigan hpyen wa maga tsap ai NDAK (BGF) dap ni gaw Karai Kasang a pawt sindawng ai hpe chyahtum chyalai hkam sha ra sana re.

Ndai lam gaw gara hku mi yu tim njaw ai lam rai nga ai, chyum masa hku mung, Shinggyim lailen masa hku mung, amyu htunghking ru sai masa hku mung grai nhkrak ai lam nan rai sai. Chyasam Maigan wa hpe she Kawa Di shadu ai, sumprat ga hpe ya du naw kam ai, tinang amyu shada hpu nau shada hpe hkap gap sat gwi ai NDAK (BGF) dap ni hpe grai mau mat sai. KIA hpyen hpung ni hpe galaw hkap tau la nna tara maigan myen ni hpe gawt kau na malai, chyasam manam hpe madaw hkap tau la let tinang nta masha hpu nau wa hpe ninghkap ai ladat gaw gara masa hku mi yu yu njaw nga ai.

Ndai zawn galaw ai kadai mung tinang galaw ai labau hka hpe bai wa ra na re. KIO/KIA gaw amyu sha yawng a matu kaja wa gawng malai tai let teng teng shakut nga ai amyu sha ni a daw hpum dawnu asuya re. Amyu sha yawng lawt na matu jaw ai mung masa hku nna woi awn taw nga ai hpung she re. Hpyen nre. KIO/KIA nnga yang Jinghpaw Wunpawng ni jau jau Myen mayam tai mat sai. Dai majaw KIO/KIA hpe gasat ai gaw anhte Wunpawng amyu sha yawng hpe gasat ai re. KIO a hpyen gaw amyu sha yawng a hpyen re ngu masat ai.

Brang Shingran

12 comments:

hka hku n sen. said...

N dai ga gaw jaw dik ai ga re jasam wa hpe ta ladawn ai wa gaw lani mi jamjau kaba hkrum na ra ai moi myen hpe n ra nna kasat ai mung NDA ni re ya gaw tinang a ting kyen akyu ara hpe machyu nna hpunau shada kasat ai lam gaw kachyi pyi n jaw ia lam re moi na jahkrai ma a ngahkwi mau mwi hte she bung nga sai yu da u na myen ni nang hpe prat tup shara jaw na nre ten du ai hte nang hpe chyang ying hku hka raw de htawng bang kau na ra ai n kam taw la yu u le nang myit malai lu gring sai.

hkunman said...

Jawdik ai ,Jawdik ai,KIO, KIA, ni hpe hkap gap ai NDAK, ni gaw PUHTUM, a-myu re God, dagam dala hkrum na a-myu re, Ya tinang a-myu hpe tsawra ai rai yang ya gap nga ai MAJAN hta gap nang u le........,PANGWA, makaw grup yin nga ai, Myen TSADAN hpe Gap sha chyut kau mu le........,ya KIO,KIA,hte Jinghpaw Wunpawng Myusha ni gaw MADU YESU HKRISTU HTE KAWA YEHOWA GOD Mying ning sang hte she majan gap nga ai le..........,NDAK...TINANG A-MYU SAI HPE TSAWRA AI NGU AI LACHYUM GAW HPA HPE NGA MATA?.........,NDAK...........,

aungpyaw said...

agarrr ....NDAK ni e k.k jaw da ai myit yu sawn yu ngu ai bawnu gaw naw rawng nga ma ni?????????????????????????????????????????

gawluyaku said...

YA na ten gaw shadum na ten n re sai ngu hkam la ai law ngai gaw n dai ram byin taw ai myen wa hku na lam myu hku na hti gasat buga mare gahtawng ni jahten shaza wan nat nawku jawng pi n ngam hkra galaw lam ni hpe pi yu ai hte chye ra ai shada mung ya na zawn naw garan nga na i dai majaw Kia/kio ya gaw shadum na ten n rai sai myen wa hpegahpu ba gawa kam ai wa hpe gaw gasat sat ra ai re k.k gaw shi hpe kam ai wa hpe sha shi tsaw ra makawp maga ya na re yawng a kyu grai hpyi ga law

seng said...

Grai hkrak ai yaw brang shingran e,,
Matut n na myu sha lam yan hpe shadum jahprang lu u ga,
grai n gun jaw dat n ngai yaw
KK Wa tut e shaman chyeju jaw ya nga u ga.

Muq ningwa said...

N.D.A.K Magam gun ni e....Tsadan hte Pawng yang gaw Tsadan Amyu rai mat na,Shaman Chyeju n lu ai, Hkalut ai Amyu,KaraiKasang a Madawng Ding nye lu ai Amyu.Gawmai Gawsha lu ai Amyu.tai mat na madai lo..Karai Kasang hte Pawng yang gaw KaraiKasang a Amyu, Karai Kasang a Kashu Kasha ni tai na re hpe dum ga hprang ga law...lawan Myit malai lu let,KaraiKasang a kashu kasha rai nga ai (K.I.O.K.I.A) hte Pawng let Nat Bala Naw ai Myen Sawa hpe Lawu Myen Mung de lawan gawt,Nat,Htim Gasat saga lo..An hte Wunpawng Myu sha ni gaw Shat sha ai hkrai re majaw Atsawm Myit yu ga lo.......

christopher said...

Hpa ntsun taw ra ai KIA hpe ninghkap gasat ai hyen hpe gaw sat nan sat kau mu.NDAK kaw sha arawng ai yawng gaw KIA a hpyen rai sai.Tinang myu sha ni a dum nta,du sat,jahten ai amyu WP myu shayi ni hpe roi rip ai SATAN hpe sat kau mu.myit n-ga lu sai.Anhte WP myu sha ni hpe garai (mana)shadu ai.bawnu nrawng na shadu ai.dai ni du hkra dai ram wa tinang hpa baw amyu re ngu ai nchye myit ai myen mayam myit rawng ai ni yawng yawng hpe sat manu MYU TSAW SHANGLAWT NI E.

christopher said...
This comment has been removed by the author.
Shanghtin said...

Ya she dum ma ai i? mi kaw na myen shat sha na myen mayam tai sai ni hpe mi matsang dum taw yang gaw hpa lachym n pru ai! KIA/O hpe ning hkap ai ni yawng hpyen madun hku na chyawm gasat sa wa ga! matsang mayen lachyawk mi sha re shara hpe gade na lu madu da na ! gade n na yang wadi myen wa yawng bai zing la kau na rai nga ai ! myit malai lawan lu mu ga ngu sha tsung mayu sai..

padang yesu said...

Jasam a shangun ma mayam nchyang ntai nga saga.awu asin agung alau mahkra dang kau hkra rawt malan ga.

padang yesu said...

Gaw ngawn nga ni shangun ma nchang tai.ganing gana rai yang WP sai rum shada gaw mara njaw ga re lu.kai lang de nkap kai htum de nkap rai myen hku nga yang gaw luringja rai mat na lu l k nchye ka na re nra hkum rai jasam wa hpraw jaw ai shumashi du hkra myit gut nga lu yang gaw kabu ya nngai

padang yesu said...

Gaw ngawn nga ni shangun ma nchang tai.ganing gana rai yang WP sai rum shada gaw mara njaw ga re lu.kai lang de nkap kai htum de nkap rai myen hku nga yang gaw luringja rai mat na lu l k nchye ka na re nra hkum rai jasam wa hpraw jaw ai shumashi du hkra myit gut nga lu yang gaw kabu ya nngai

Post a Comment