Slideshow Image 2

PANGWA HTE SENG NNA

Kachin (Wunpawng) myusha ni hpe Hpan Karai gaw tut e bau sin makawp maga shaman ya nga ai law. Matut nna kyu jaja hpyi chye ju shakawn nga ga law.

Ya ten hta garu gachyi nga nna myen media ni hta an hte myu sha ni hpe lam amyu myu hku nna shapoi ya nga ai. Sai garan ya nga ai. Jahte tam ya nga ma ai. Hpa myit daw myit hten na lam nnga ai. Matut nna tinang myu hte mungdan a matu du nga ai shara kawn myit hkrum mangrum hte lahkrip ra ra hte jawm shakut nga ga law.

Kam ging ai Pangwa shiga lawk kawn htawn shana dat ai lam gaw, "yaten hta Pangwa e masa yawng sim sa sai, nau hkum myit tsang mu, An hte myu sha shada sat nat hkat ai lam an hte Pangwa kawn galoi mung galaw na nre. Ya hte na mang hkang mung yawng myusha ningbaw shada da sai langai hkrai sha re majaw jinghku masa hku nna pri nem sai. (lapran mang hkang gaw Myen a sum prat re) An hte Wunpawng myu sha ni yawng tinang shara tingnang nga nna gaw sharawt galu kaba hkra shakut ga. Wunpawng mungdan Shanglawt Asuya mung  ya na zawn myu hte mungdan a matu lak nak hte mung masa shakut nga ai lam re.

An hte mung simsa ai hku nna Myu hte mungdan a matu myutsaw myit hte shakut nga ai ni re. Shada hpa mang hkang kaba na lam nnga ga ai. Ningbaw kaba mung dam lada ai hku nna yawng hpe chye na ya ai lam nga ai, An hte Kachinland (Wunpawng Mungdan) hpe sa gasat zing madu la mayu ai ni gaw anhte yawng a hpyen re dai hpe gaw an hte yawng jawm gasat ga"  nga nna shiga shana wa ai hku re.

Matut nna chye lu ai shiga ni gaw:
Myen media kawn shapoi ai lam hta KIA 29 hkrat sum ai lam gaw nteng ai. Myen hpyen asuya gaw tinang Wunpawng buga ginra Pangwa de nbung li hte sa gap gasat nna tinang Wunpawng mung chying sha ni hkra machyi si hkrum wa ai lam nga ai. Kachinland (WP buga) e nbungli li hte sa gap nna mung chying sha ni si hkrum ai lam mungkan media de du mat na tsang ai majaw shan hte myen media kawn makoi magap mayu ai lam majaw ya na zawn shiga shadam ni shapoi ya ai lam chye lu ai.

Yana zawn myu sha shada chye na hkat nna hpyen madung gadai re hpe chye na ai lam gaw anhte a ningbaw ningla hpa awn ni hpe shakawn mai ai lam rai nga ai. An hte mung chying mung shawa ning gawn yawng mung shada chye na hkat let myusha ni a Myu hte Mungdan lawt lu na lam hta grai shakut nga na re ngu kam ai.
An hte yawng a hpyen, Myen hpyen tsa dan hpe yawng Kyu hpyi let jawm gasat sa wa ga law.

N SEN HPE N DAI KAW MADAT GA>>>

Hpan Dee Lung

7 comments:

padang yesu said...

K K a chyeju hpe grai shakawn ai.ngai 1 hku na mung lu hti n sen lu na kahkyin gumdin wa nna AUNG DAWM PADANG rawt jat kalu kaba wa ai de re nga grai na kabu nhtum rai nga ga ai.anhte W P sai rum ni ya kaw nna dum hprang tau ningja rawng nga let,sadi let,tai hpyen banau ni a shangun ma huk e2 nga hkamla baw gawm nchyang ma sha ntai ga.tara ai teng man lam hta tsap magam b l shawngde nawt sa wa ga.galoi mung rau rai nga let,kyu hpyi ya nga ga ai oi.

ah Gam said...

Ya na zawn myit masa hpe mu chye lu ai majaw grai kabu ai. Anhte wunpawng ni yawng myit hkrum ai rai yang Karai Wa shaman ya let awng dang ai lam lu la na re. Myit hkrum myit ra let, Madu hta ap nawng n'na shakut ga.

ah Gam said...

Anhte Wunpawng ni yawng myit hkrum ai rai yang Madu Karai Wa teng sha shaman ya na re. Awng dang na re. Shakut ga.

nhkai tangbau said...

Grai na kabu sai law. yana zawn pu gang sin machyi rai ra ai.anhte wp myu sha ni gaw galoi mung myit hkrum tagin dun let jawm shakut sa wa yang gaw KK mung shaman ya na re.myit nhkrum ai lam gaw hkrat sum ai a ning hpang re lam hpe anhte wp myu sha ni galoi mung dum nga ga law.

gunlahpai said...

N dang tsun hkra grai na gabu n gun lu sai law.N dai zawn nga myit hkrum lam lula shiga na lu ai hte rau Kraw hta gabu myiproi she pru ai law.W.P sha ni e ya kaw na gaw galoi n daw n hka ga law.yawng myit hkrum saga.Myit hkrum lam law gaw Awng Dang lam a ning pawt re law.N dai Myen Banau( NgaPi) n dai ni hpe an hte W.P Mungdan kaw na myit hkrum ai hte jawm gau sha le kau ga law..Myu hte Mungdan a matu sha kut nga ai KIO/A hte NDA.K ..KDA..LASANG AWNG ...AH DANG ni yawng hpe K.K nyen ma chye ma chyang jaw ya u ga law ngu Mung Masha yawng a malai kyuhpyi myit dum dat n ngai law..GOD BLESS W.P

hkunman said...

NDAK, Tinang Myu hpe tsawra ai teng yang, Nang Majan gap ra ai yaw, PANGWA makaw grup yin hkan nga ai MYEN hpe gap shachyut kau ra ai yaw,ya KIO KIA, Gap nga ai, MAJAN hta mung NANG gap nang ra ai lu yaw, Makau kaw na yu taw ai gaw, TSAWRA RA AI NGU AI LUCHYUM GAW HPA RAI TA....?..... ?.............?

Jutgert said...

Matut mahkai tsun shaga ai hpe,ya na zawn bai shana ya ai majaw chyeju kaba ai.

Post a Comment