Wunpawng Mungdan kaw maigan hpyen (MH) ni sa shang chyinglau gasat nga ai hpe na chying n ra sharawng ai salang ni gaw ndai majan kaw hkum dek shang lawm gasat ai myit marai hte aten n tam, hpyenmasa mungmasa lam hte seng nna hkrum bawng shagu Salang Puk Dun gaw myit lawm let ka matsing sumhting wa sai.
LAGANG:- Salang ni dung tsu wa yang shalan la let sha chyai na matu namsi namsaw ni di sa ai hpe ra sharawng ai hku sha chyai let WP myusha ni a shawng lam jahta hpang na matu saw shaga dat ai law.
PRANGTAI:- WP myusha ni a lam hkaja yu ai shaloi shawng nnan nat hpe jaw jau wa ai ni rai ma ai. Karai Kasang a mungdan maden zinghka wa na matu shakut ai American Sasana ni gaw WP myusha ni hpe myi hpaw ya dat sai. Satan gaw dai zawn re ai hpe jahten sharun na matu lit nga ai hte maren makam masham lam hta rawt jat wa ai WP myusha ni hpe jahten shamyit kau lu na matu:-
1. Makam masham lam hta dumbru dumbra galaw ya ai hte kahkyin gumdin lam hpe jahten sharun ya ai.
2. Nanghpam malu masha hte myit atsam, n-gun atsam, sutmasa madang zawn re ai ni hpe jahten kau ya ai.
3. WP mungdan kata de ana ahkya myu hkum sumhpa dat bang ai hte ndum shami si htum wa nga sai.
4. Madang hkrat sum mat sai WP sha ni hpe ginchyum dat shamyit kau na matu majan gasat bang wa sai.
La ma WP myusha ni hten run mat ai hpang majan hpaw ai rai yang MH ni gaw sinat laknak pyi lang n ra, baw kaw hkan ahkawk ya ai hte dang la na masai. Karai Kasang gaw dai zawn n byin shangun mayu ai majaw MH hpe aten dep majan hpang shangun ai rai na sai. Ndai majan a majaw:-
1. WP myusha ni hta sum machyi ai lam myu hkum sumhpa hkrum ai hpang hpyen yen dabang de du mat ai.
2. Asak naw hkrung nga ai kani ya hte ana kanu ni rawt hprang wa nna tai ni hpe shingte kau wa sai.
3. Aten galu hta dumbru dumbra byin wa ai WP myusha ni gaw yak tim, pyaw tim langai sha byin wa lu sai.
4. Maigan de du nga ai ni tinggyeng lam myit nga ai kaw na amyu myit rawng ai de gale dat shangun ai.
5. Makam masham lam hta hpan law htam wa ai kaw na myusha lam yan de mahkri shawn dat ai.
6. Shing rai maigan de nga ni gaw buga kaw ru yak nga ai ni hpe shata shagu dangdi ai daram garum wa ai.
7. Hten run wa nga ai WP myusha ni gaw majan a majaw dai ni na ten hta kahkyin gumdin lam lu wa sai.
Shing re ai mabyin masa ni hpe maram yu yang Karai Kasang gaw WP Myusha ni a ntsa TSAW RA MYIT kaba hte aten dep majan shalat ya nhtawm hkye la ai rai sai, ngu hkam la ai. Israel amyu ni gaw 1948 ning kaw awmdawm ahkaw ahkang lu ai mungdan gaw-gap la lu na matu arang bang ai hta aten kade na hkra jawm ap nawng wa ma ai lam ja chyum mungga kaw asan sha mu lu nga ga ai. WP myusha ni gaw mungdan lu ging ai amyu ni rai ma ai hte maren Karai Kasang gaw shanhte hpe jaw da ya sai. Raitimung satan wa gunglau ai hpe jan lu ai atsam rai n lu ma ai majaw du na ra ai ten ni hta prat chyanat uphkang sa wa lu hkra ndai ten hta kahkyin gumdin ai atsam hkum sumhpa mahkawng la lu na matu aten jaw tawn ai rai na re. Ndai laman aten kade na na ngu ai gaw, KK jaw da ya ai masha atsam hte wenyi atsam hpe jai lang ai madang hta hkan wa na re majaw WP myusha ni hta ngang kang ai myit hte hkam la ai lam hta dam lada ra na ma ai.
PYILAN:- Salang Prangtai sanglang dan ai ningmu a ntsa myutsaw mungtsaw kadai raitim madi shadaw la na ma ai ngu hkam la ai. Mungmasa hpyenmasa uphkang lam hta awngdang lam lu wa ai ni a ladat hpe maram yu yang, lit la na shara hte htap htuk ai masha ni hpe jahtuk bang lu ai ladat gaw awngdang ai pandung de woi du wa lu ai lam rai nga ai hpe maram lu ai. Shara shagu hta lapu akyang, shing nrai, hkru du akyang myu langai sha lang ai rai yang awngdang lam hpe pat shingdang nga na re majaw masa hte grup yin hta hkan nna jahtuk lang chye na matu lapu zawn zai rawng nna hkru du zawn shingdi chye na matu lam madun da nga ai.
Lahta de tsun lai wa sai lam in hpe anhte yawng chye nga chyalu rai nga ga ai. Chye nga shajang sai hpe ta tut shadik shatup sa wa ai kaw Yehowa lawm ya ai marang e, WP myusha ni yaw shada tawn ai pandung de teng teng du wa lu na re, ngu ai hpe tup hkrak kam let shakut sa wa ga law.
Puk Dun
3 May 2012
LAGANG:- Salang ni dung tsu wa yang shalan la let sha chyai na matu namsi namsaw ni di sa ai hpe ra sharawng ai hku sha chyai let WP myusha ni a shawng lam jahta hpang na matu saw shaga dat ai law.
PRANGTAI:- WP myusha ni a lam hkaja yu ai shaloi shawng nnan nat hpe jaw jau wa ai ni rai ma ai. Karai Kasang a mungdan maden zinghka wa na matu shakut ai American Sasana ni gaw WP myusha ni hpe myi hpaw ya dat sai. Satan gaw dai zawn re ai hpe jahten sharun na matu lit nga ai hte maren makam masham lam hta rawt jat wa ai WP myusha ni hpe jahten shamyit kau lu na matu:-
1. Makam masham lam hta dumbru dumbra galaw ya ai hte kahkyin gumdin lam hpe jahten sharun ya ai.
2. Nanghpam malu masha hte myit atsam, n-gun atsam, sutmasa madang zawn re ai ni hpe jahten kau ya ai.
3. WP mungdan kata de ana ahkya myu hkum sumhpa dat bang ai hte ndum shami si htum wa nga sai.
4. Madang hkrat sum mat sai WP sha ni hpe ginchyum dat shamyit kau na matu majan gasat bang wa sai.
La ma WP myusha ni hten run mat ai hpang majan hpaw ai rai yang MH ni gaw sinat laknak pyi lang n ra, baw kaw hkan ahkawk ya ai hte dang la na masai. Karai Kasang gaw dai zawn n byin shangun mayu ai majaw MH hpe aten dep majan hpang shangun ai rai na sai. Ndai majan a majaw:-
1. WP myusha ni hta sum machyi ai lam myu hkum sumhpa hkrum ai hpang hpyen yen dabang de du mat ai.
2. Asak naw hkrung nga ai kani ya hte ana kanu ni rawt hprang wa nna tai ni hpe shingte kau wa sai.
3. Aten galu hta dumbru dumbra byin wa ai WP myusha ni gaw yak tim, pyaw tim langai sha byin wa lu sai.
4. Maigan de du nga ai ni tinggyeng lam myit nga ai kaw na amyu myit rawng ai de gale dat shangun ai.
5. Makam masham lam hta hpan law htam wa ai kaw na myusha lam yan de mahkri shawn dat ai.
6. Shing rai maigan de nga ni gaw buga kaw ru yak nga ai ni hpe shata shagu dangdi ai daram garum wa ai.
7. Hten run wa nga ai WP myusha ni gaw majan a majaw dai ni na ten hta kahkyin gumdin lam lu wa sai.
Shing re ai mabyin masa ni hpe maram yu yang Karai Kasang gaw WP Myusha ni a ntsa TSAW RA MYIT kaba hte aten dep majan shalat ya nhtawm hkye la ai rai sai, ngu hkam la ai. Israel amyu ni gaw 1948 ning kaw awmdawm ahkaw ahkang lu ai mungdan gaw-gap la lu na matu arang bang ai hta aten kade na hkra jawm ap nawng wa ma ai lam ja chyum mungga kaw asan sha mu lu nga ga ai. WP myusha ni gaw mungdan lu ging ai amyu ni rai ma ai hte maren Karai Kasang gaw shanhte hpe jaw da ya sai. Raitimung satan wa gunglau ai hpe jan lu ai atsam rai n lu ma ai majaw du na ra ai ten ni hta prat chyanat uphkang sa wa lu hkra ndai ten hta kahkyin gumdin ai atsam hkum sumhpa mahkawng la lu na matu aten jaw tawn ai rai na re. Ndai laman aten kade na na ngu ai gaw, KK jaw da ya ai masha atsam hte wenyi atsam hpe jai lang ai madang hta hkan wa na re majaw WP myusha ni hta ngang kang ai myit hte hkam la ai lam hta dam lada ra na ma ai.
PYILAN:- Salang Prangtai sanglang dan ai ningmu a ntsa myutsaw mungtsaw kadai raitim madi shadaw la na ma ai ngu hkam la ai. Mungmasa hpyenmasa uphkang lam hta awngdang lam lu wa ai ni a ladat hpe maram yu yang, lit la na shara hte htap htuk ai masha ni hpe jahtuk bang lu ai ladat gaw awngdang ai pandung de woi du wa lu ai lam rai nga ai hpe maram lu ai. Shara shagu hta lapu akyang, shing nrai, hkru du akyang myu langai sha lang ai rai yang awngdang lam hpe pat shingdang nga na re majaw masa hte grup yin hta hkan nna jahtuk lang chye na matu lapu zawn zai rawng nna hkru du zawn shingdi chye na matu lam madun da nga ai.
Lahta de tsun lai wa sai lam in hpe anhte yawng chye nga chyalu rai nga ga ai. Chye nga shajang sai hpe ta tut shadik shatup sa wa ai kaw Yehowa lawm ya ai marang e, WP myusha ni yaw shada tawn ai pandung de teng teng du wa lu na re, ngu ai hpe tup hkrak kam let shakut sa wa ga law.
Puk Dun
3 May 2012
0 comments:
Post a Comment