Slideshow Image 2

GYI JUM BALA BRANG MAI HPE MYEN HPYEN NI ZINGRI

June (11) bat Langai
Wunapwng Mungdan Shanglawt Asuya Sam Mung daju Dap Ba (4) n pu Dung (17) na Gyi Jum Bala Brang Mai hpe myen hpyen asuya dap hka-l-ya (123) na hpyen la ni lu rim la la kau ai lam shiga na chye lu ai. Myen hpyen ni gaw lu rim la mat ai KIA Gyi Jum Bala Brang Mai hpe ladi matu gadoi kau ya ai lam, bai ladi kaw sumri hte u shoi shoi nna June (10) ya shani Sam Mung Namhpa Ka mare hkan woi dun gayin hkawm ai lam shiga na chye lu ai. Myen hpyen ni a n dai zawn zingri ai lam hpe mu hkrit gajawng nna myen Pidusit galaw nga ai Jinghpaw ma Naw Ja hte shi manang mung hpyen dap kaw na hprawng mat ai hte myen hpyen la (2) mung hprawng mat wa sai lam shiga na chye lu ai.

The Burmese battalion troops abducted Sergeant Gyi Jum Bala Brang from 17th Battalion KIA forces base in Shan State under 4th Brigade KIA control areas. According to report cited that KIA Sergeant was abducted by Burmese battalion Hka-L-Ya (123) on the 30th May 2012 at around 6 pm. How he was capture by enemy unknown yet and Burmese soldiers brutally torture him in spite of UNFC released Statement to end civil war by 10 June 2012 in KIA control territories and against Kachin civilian. According to eye witness reported that KIA Sergeant’s nose tip was cut off then piece through with a string and  pulling him around publicly by disgrace Burmese Government’s army. He was also beaten and torture brutally by Cunning Burmese government army’s soldier in public to coincide with one year or civil war against KIA and Kachin civil. We Kachin people were remembered about Burmese Army brutality treatment and Kachin will united as one nation to become and surely defeat against our enemy. This civil war was also started by barbarian Burmese army. The report cited that civil defend guard (Pidusit) Kachin service men Naw Ja and his friend as well as 2 Bamese service men were flee because of Burmese army  brutality acts against KIA Sergeant.

16 comments:

Jatawng Naw said...

Majan.. Anhte Pawngyawng myu ni hpe sat mayu ai Majan re.. Hpana rim hkam ra ai kun?.. Si hkra htim ra sai. Rim hkam yang grau sawng zingri machyi ai hte si ra mat na re.
Majan ginra hta rim ai nhkam ga law. Hprawng ga! Nlawt yang si hkam kau ga!
Gyijum Brang Mai hpe Karai Kasang garum la u ga! law..

Mau Jin mau Jin said...

Myen ni hpe mung ya byin taw ai rakhai hte islam ni shamyit hkat ai zawn di kau ra sai. Rim hkrum sai nga yang myen lata kaw na lawt na yak ai re. Dai zawn re ai shanglawt hpyen du ni grai a hkyak ai hke na plan shaw ra ai. Usa hpyen la langai hpe hpyen ni rim kau yang dai wa hpe lawt hkra bai htim gasat ai re.

seng said...

Dai gyi Jum Bala Brang Mai nga ai wa gaw gara buga kaw na kun ngu ai hpe chye mayu n ngai,chyeju hte naw shana ya rit.

Larin said...

myit su Mau jin tsun ai hku galaw ra....
Rim hkrum ai manang wa zingri hkam sha tim pyaw pyaw zim rai taw nga ai du ni hpe n-ju ai... Rim hkrum na masa sa wa yang suicide attack na training jaw na mung ahkyak rai sai. dai zawn rim hkrum na hpyen wa na zingri hkam sa nga ai shiga gaw wp myusha kdai na matu mung n-gun lu na shiga n-re. Padang hkrun lam hta shakut nga ai ni a n-gun mung kya mat chye ai re. Comment n-dai mai byin ai hku Du ni hpang htawn shalai na ahkyak re ai hpe ja ja tsun n-ngai.Ning nga ai shiga gloi n-na hkra di na hpe ra sharawng ai. asak ap nawng sai nga ai shiga gaw arawng la hpa shiga rai..ram sha nga ai shiga gaw myit kaji ai hte yawn mat na shiga she re.

msw langji said...

K.I.O/K.I.A Du salang kaba ni ndai zawn ti-nang masha hpe zingri taw nga ai hpe shalai yu taw ai ngu gaw mungdan/myusha langai hpe woi awn lu na ngu ai kaw myit yu shara kaba nga nga ai. Ning re ti nang masha hpe lit la makawp maga nlu ai hpyen dap matsun hkansa tara ni a majaw myusha ni K.I.A hpyen dap hpe kamhpa ai myit yawm wa shangun ai re.Moi simsa lam la shaloi mung dai hku sha yu shalai kau ai akyang K.I.A/K.I.O ningbaw ni hta nga ma ai. dai hpe yu yang dai ni kalang bai myit yu shara re. Myu langai or mungdan langai hpe ningbaw lu na myit masa ngang ngang kang kang nga ai kun ngu na jawm myit yu ra na re. Laknak lang ai ngu gaw myu myu hku mai lang ai Gang ni mung lang ai sha re,Damya ni mung lang ai sha re. Ti-nang gara masa hku lang ai ngu hpe myit yu ra ai,ti nang masha hpe gara hku shimlam lu jaw na ngu hpe tauh krau myit da ra ai.

myosanaunglun said...

Myen gwi si ni na matu Myit dum kyu hpyi ya ga...Masha hku na n mai byin ting yawng hta mai byin ai gaw KaraiKasang sha re ai....

mukchyit said...

Tsawra ai Ba Mai, Myu hte mungdan a matu shakut ai a marang e n dai zawn zingri hkrum ai lam hpe na lu ai shaloi masin manoi n ni, grai hkam sha la ai. Anhte dum n ta masha ni, Kanau ni yawng grai myit n pyaw ai. Ba Mai rim hkrum ai nga na ai hte grai yawn na kyu grai hpyi kau sai. Matut na mung kyu hpyi myit dum ya nga ga ai. Karai Kasang Ba Mai hte rau rai nga u ga...Tut Kyu HPyit Myit dum let,

brangseng said...

Lawan bai hkye ai lam galaw ra ai.
Dai gaw myu sha ting a lit re na re.

brangseng said...

Lawan bai hkye ai lam galaw ra ai.
Dai gaw myu sha ting a lit re na re.

nnye la nau said...

Myu Tsaw Brang Mai hpe hkung ga jaw nngai,.. Karai Wa Nang hpe matut nna bau Sin nga u ga. Myen ni hpe nsim nsa naw Gasat na re. lu Rim ai Myen Gwi hpyen ni yawng hpe Sat kau na.

Dan BW said...

Ndai shiga gaw yawn hpa shiga rai tim anhte a myu tsaw hpyen la ni hpe n'gun grau ja wa hkra, tinang a asak si ai du hkra laknak njahkrat, nrim hkam ai sha hpang jahtum du hkra nden rawng ai hte majan pa de shang shangun ai myit ni hpe mung shangai dat ya ai shiga rai nga ai. Myen hpyen wa a lata hta rim hkrum yang gaw myu tsaw share shagan Brang Mai hte Chang Ying zawn zingri zingrat hkrum na hpe nkam ai hpyenla kadai mung tinang a hpang jahtum machyu pala du hkra gasat wa na re. Dai zawn uphkang ai du salang ni mung hpang jahtum na machyu pala shing nrai bawm gaw tinang a matu rai ra na ngu ai ladat zawn re ai ni hpe mung sharin ra wa na re. Bai nna rim hkrum ai myu tsaw hpyenla ni hpe mung lai wa sai ten na zawn Myen hpyen wa a lata hta kabai da ai hku nre sha (American ni a "No one is left behind" ngu ai policy) hkye la lu na masing zawn re ai mung nga ra na re. Shingre yang she tinang a hpyenla ni gaw nye a shingdu kaw nye a du ni hte hpyen hpung ni nga ai ngu n'gun lu na re.
Anhte hku nna rim la lu ai tai hpyen ni hpe chyawm gaw atsawm sha anhte a mung masa ni hpe dawk bang gawn lajang nna kahtan kaw rai rai, mu lu ai shara mi kaw KIA dasik (tattoo) dawk nna myit apyaw sha di dat kau ra ai. Shingre yang she Myen hpyenla ni gaw rim hkrum tim anhte hpe sat na nre ngu ai myit hte loi loi rau laknak jahkrat na re. Shingre ai lam gaw anhte a matu myit kaba madun ai lam hte awng dang ai lam lu la sai ga re. Lu rim ai ni hta KIA dadik (tattoo) kap ai ni (lahkawng lang rim hkrum ai ni) hpe chyawm gaw bawng yawng a man e nan shagroi kau ra sai.....

Dan BW said...

Ndai shiga gaw yawn hpa shiga rai tim anhte a myu tsaw hpyen la ni hpe n'gun grau ja wa hkra, tinang a asak si ai du hkra laknak njahkrat, nrim hkam ai sha hpang jahtum du hkra nden rawng ai hte majan pa de shang shangun ai myit ni hpe mung shangai dat ya ai shiga rai nga ai. Myen hpyen wa a lata hta rim hkrum yang gaw myu tsaw share shagan Brang Mai hte Chang Ying zawn zingri zingrat hkrum na hpe nkam ai hpyenla kadai mung tinang a hpang jahtum machyu pala du hkra gasat wa na re. Dai zawn uphkang ai du salang ni mung hpang jahtum na machyu pala shing nrai bawm gaw tinang a matu rai ra na ngu ai ladat zawn re ai ni hpe mung sharin ra wa na re. Bai nna rim hkrum ai myu tsaw hpyenla ni hpe mung lai wa sai ten na zawn Myen hpyen wa a lata hta kabai da ai hku nre sha (American ni a "No one is left behind" ngu ai policy) hkye la lu na masing zawn re ai mung nga ra na re. Shingre yang she tinang a hpyenla ni gaw nye a shingdu kaw nye a du ni hte hpyen hpung ni nga ai ngu n'gun lu na re.
Anhte hku nna rim la lu ai tai hpyen ni hpe chyawm gaw atsawm sha anhte a mung masa ni hpe dawk bang gawn lajang nna kahtan kaw rai rai, mu lu ai shara mi kaw KIA dasik (tattoo) dawk nna myit apyaw sha di dat kau ra ai. Shingre yang she Myen hpyenla ni gaw rim hkrum tim anhte hpe sat na nre ngu ai myit hte loi loi rau laknak jahkrat na re. Shingre ai lam gaw anhte a matu myit kaba madun ai lam hte awng dang ai lam lu la sai ga re. Lu rim ai ni hta KIA dadik (tattoo) kap ai ni (lahkawng lang rim hkrum ai ni) hpe chyawm gaw bawng yawng a man e nan shagroi kau ra sai.....

Dan BW said...

Lai wa sai 1978 ning hta anhte nta a jinghku myu tsaw share shagan langai hpe mung Myen ni rim la nna shi lup hpe shi htu shangun nna baw katawng sat kau ya ai hpe hkrum yu sai majaw, ya ten hta Gyi Jum Brang Mai a nta masha ni nni nkri hkrum sha nga ai hpe chye na hkam sha ya nngai. Karai Kasang kaw na shalan shabran ai lu la nna Brang Mai mung lawan bai lawt lu wa u ga akyu hpyi ya nga ai.

lamunglubu said...

Shiga hpe hti na myit hta grai hkra ai. Ndai zawn masha myit nrawng zingri dan ai majaw myen hpyenla hpe hkrit myit nrawng, shamyit Kau mayu ai myit she ga-aun wa. Ti nang a myu hpe ngun kaba lang na myu shamyit na masing hpe ning hkap ai re majaw myu tsaw, mung tsaw share shagan ni magrau grang ga!!! Karai Kasang a mau hpa makawp maga ai shaman chyeju hkam la u ga.

Anonymous said...

Gyi Jum a shiga gara hku rai ta? Hpa shiga mung n'na mat Sai le . Myitdum kyu hpyi nga ai. Karai makawp maga da u ga law.

Anonymous said...

Gyi Jum Bala Brang Mai gaw, amyu hte mungdan a matu asak hpe ap nawng kau sai lam na lu ai majaw, dum na masha ni hte amyu sha ni yawng mroi nni myit n pyawn yawn dik ga ai. Zing-ri zing-rat hte asak ap nawng lai mat wa sai, myu tsaw mung tsaw share shagan hpe amyu sha ni yawng a malai baw bum let hkungga shagrau dat nngai law.

Post a Comment