Slideshow Image 2

HTAP HTUK AI NINGMU

Hpaji rawng ai myitsu salang ni kaw na hkaja la lu ai ningmu ni gaw na chying manu rawng nga ai. Bungli langai galaw ai hta tinang a matu grai kaja sai ngu yang, kaga masha nkau a matu n kaja ai hpe mu lu ai zawn, tinang a matu grai tengman sai ngu yang kaga masha nkau a matu gaw tengman ai mahtai n rai nga ai. Kaga maga hku yu ga nga yang, "HTAP HTUK AI NINGMU"  gaw tinang a matu akyu hkam sha lu ai daram kaga wa a matu mung maren madang akyu hkam sha lu ai ningmu re, nga ma ai.

Lani mi na nhtoi hta Thai hpyendap a Commander-in-Chief Gen. Kriangsak Chomanand gaw, Wunpawng Mungdan Shanglawt Hpung a ningbaw Du Kaba Lahtaw Zau Seng hte hkrum shaga ai shaloi lawu na hte maren san htai ai lam galaw wa masai.

Gen. Kriangsak:-  Nanhte rawt malan hpung a mying hpe Kachin Independence Organization (KIO) nga nna shamying ai gaw nanhte a mungdan hpe awmdawm ahkaw ahkang lu ai mungdan gaw-gap na matu rai kun?

Gen. Zau Seng:-  Myenmung gaw 1948 ning hta British a lata kaw na shanglawt lu wa saga ai. Dai shani kaw nna Myenmung masha myu bawsang ni yawng gaw grau gyipgyeng ai Myen ningbaw ni a lata de di hkrat mat saga ai. Sharaw a n-gup kaw na lawt lu sai ngu yang, grau matse ai hkanghkyi a n-gup de htawt shang ai hku rai wa sai. Shing rai dai shani kaw nna anhte bum nga masha ni sha n rai, Myen amyu ni nan mung hkanghkyi a n gup kaw na lawt lu na matu gasat wa masai. Dai majaw anhte Kachin amyu ni gaw Myenmung ting shanglawt lu wa na matu shang gasat lawm ai majaw anhte a uhpung mying hpe "Kachin Independence Organization (KIO) ngu shamying ai re lam azin ayang sang lang dan ai.

Dai shaloi Gen. Kriangsak gaw Kachin ngu ai amyu ni rawt malan hpang wa ai a yaw shada lam gaw tinggyeng myit hte galaw wa ai n re lam, mungdan ting kaw nga pra sa wa nga ai kaga amyu bawsang yawng a lawt lu lam rai nna dam lada rap ra ai hpu nau myit hpe madung tawn nna rawt malan hpang wa ai gaw grai htap htuk nga sai rai nna, awngdang ai lam lu wa na re, ngu kam ai lam shagrau sha-a ai hte myit n-gun jaw dat ai.

Ningbaw Kaba Maran Brang Seng gaw masha amyu kaji kadun n ginhka ai maren madang hku nna shachyen shaga wa sai. Lahpawt mi hta Ningbaw Kaba gaw shi a Pa Jau nta kaw manam ni hte wan kra let jahta nga ma yang, salang langai gaw grai myit tsang ai nsen hte tang madun wa ai. Shi tang madun ai hta, "Anhte a mungdan hpe Wunpawng Mungdan ngu shamying ai gaw shut sai. Myen hkaw hkam ni, sinna masha ni pyi gaw Jinghpaw Wunpawng nga nna shamying wa ma ai hpe laili laika ni kaw mu lu nga ai. Wunpawng amyu ngu ai gaw grammar hku nna shut ai zawn, maumwi mausa hku nna mung shut nga sai. Dai majaw Jinghpaw Wunpawng amyu, Jinghpaw Wunpawng Mungdan ngu nna shamying ra ga ai" nga nna tang madun wa ai.

Ningbaw Kaba sang lang ai hta, tai hpyen wa shalau ai marang e anhte Jinghpaw, Rawang, Lisu, Longvo, Lachit, Zaiwa ni a lapran kaw kahkyin gumdin lam hta hkra machyi wa nga ai majaw shangang shakang la lu na matu amyu bawsang yawng a kasa ni hpe shaga la nna bawng jahkrup ai lam galaw wa saga ai. Dai shaloi salang nkau kaw na Jinghpaw Wunpawng ngu ai amying shingteng gaw jaw nga sai lam sakse sakgan amyu myu hte tang madun wa ma ai shaloi, hpu nau Lisu wa gaw, "Anhte hpe mung Lisu Wunpawng ngu ga le" nga nna tang madun wa ai zawn kaga hpu nau ni mung tang madun wa masai.

Kaja sha nga yang shada a lapran kaw chye na hkat nna magyep kap kahkyin gumdin lam ngangkang wa lu na matu yaw shada nhtawm hkrum bawng ai rai yang grau she ga kaprang na masa pru wa ai. Shing re ai majaw zuphpawng kaw sa du dung ai myusha bawsang shagu kaw na salang ni yawng jawm myit hkrum ai hte anhte myusha yawng hpe gumhpawn ai amying shingteng hpe WUNPAWNG AMYU, maigan ga hku KACHIN ngu nna jahtuk masat tawn saga ai lam sang lang dan ai.

Ningbaw Kaba matut sang lang ai hta rawt jat nga sai mungdan hkan na asuya ni gaw shanhte a labau hpe shanhte amyu ni nan ka la nga ninglen, aten ladaw hte grup yin a masa hta hkan nna shanhte amyu a labau hpe gram jahtuk ka ai lam galaw nga ma ai. Lai wa sai ten ni hta anhte gaw masha chyasam ni ka matsing da ya ai hpe masat dingsat galaw wa saga ai raitimung, dai ni na ten hta laili laika hte hpaji kung kyang wa saga ai majaw tinang a ahtik labau hpe rawt jat nga sai amyu ni zawn ngang kang ai labau hpe n hten n run ka shagrin la wa nga magang sai, nga nna hparan dan let hpungdim dat ai rai.

JJ Lum Dau                                                                                                                          
20 June 2012

10 comments:

NN said...

Re ai law, ndai mying shamying ai lam hta mung Kahkyin gumdin lam hpe grai hkra nga ai, Jinghpaw Mung, Jinghpaw Wunpawng, anhte Jinghpaw ni, Jinghpaw ni, nga tsun dat ai hte kaga, Lawngwaw, Lachid, Zaiwa, Lisu, Nung, Rawang ni a matu myit hta amyu mi hkam sha mat mat re. Grau nna gaw, Lisu hte Rawang ni grau dai hku hkam sha ma ai. Jinghpaw ni kaw myit n kap wa ai.
Dai majaw Shiga Dap ni mung shiga ga ai hta sadi ga, Myit su du, salang ni, Ramma ni yawng mung ga shaga ai shagu hta sadi nna shaga ga.

"Wunpawng Mungdan a matu nga yang nang si ngai si shakut na, Jinghpaw mung a matu nga yang hpawt de jang wa mat sana re." nga Wunpawng Shanglawt hpyen la ni tsun ai nga ga mung na ga ai.

Anonymous said...

JJ Lum Dau a ningmu ni hpe Mungdan pyaw jang sharai la ga ya ndai ten hta amyu kaji kaba ngu nau shum ka shapraw nang maru nang jinghpaw nga ai aten nrai sai yawng chyena let mungdan lu hkra gasat nga ten hta sai kaji ai ga hkum ka yaw nkam hti ga ai yawng chye chyalu re yawng myit hkrum na wunpawng mungdan gaw ai de gasat nga sai re hpang de hkum woi dun gayin yaw "HKYI CHYA HKRAW HKA MADIT " ga sha re

Anonymous said...

Re ngai AI.kalang mi NA ngut mat sai mau mai she Re.

la la shadau said...

jj lumdau ya ten hpa majaw nang ndai laika hpe ka ai.ya galaw nga ai magam bungli masing ndai gaw ma chyai bungli nre.ya na myu sha lam hta a htu hkra na zawn nga ai lai ka galoi hkum ka sa nu yaw.grai a hkyak ai ten re.nang grai jahta ma yu yang anhkau ni gaungwi jahta hkat chyai ga.hkum pawt yaw mara yawng nang hkau kaw rut rai na tsang ai majaw shadum ai re.

Anonymous said...

YU LA MU,,RAM MA NI,,MOI NA SA LANG ,DU NI WOI AWN AI GAW SHUT NGA AI,,HPA MA JAW ,,YA DU HKRA ,LAI KA BUK HTA SHA ,,AWM DAWM NGA NA ,,TA TUT HTA MYEN HPE NAW HKRIT AI ZAWN,,KK HPE SHING DU TAWN LET SHUT LAI WA SAI MA JAW RE,,
DAI NI,,KK HPE BAW DAT LET RAI YANG,,JAU KAW NA JING HPAW MUNG DAN NGU AI LU SAI,,SA MA DU WA ,,MA NA,,HPUNG KYI GA LAW YANG,,TAMMADA ,,GA LAW SHA NGUN NA NGA HTE,,HPUNG KYI GA LAW MAT AI GAW ,,YA DU HKRA A RI ,,HKRUM SHA NGA AI YA DU HKRA RE,,
YA NA NING BAW NI,,TI NANG KAW N HKUM TSUP AI HPE SHA MYIT TSANG NA ,,MYIT N DAW DAN GWI NGA MA AI,,
KK HPE BAW TAWN NA ,,JA JA ,,DAI NI KAW NA ,,MYEN NAN HTE MA KA N KAP AI MA JAW ,,GA ,,GARAN SAI NGU DAT YANG,,
NAN HTE TA HTA SHA RE,,,
AUNG ANG AI GAW ,,NAN HTE NING BAW NI RE,,
MYEN MUNG KAW NA GA GARAN SA NA NGA YANG,,MUNG KAN RAP DAW KAW SHA RA LU NA,,
MYEN HTE BAWNG BAN NA NGA NA NGA YANG,,SHANING 60,,100 PRAT TUP,,JING HPAW NGU AI MYU SHA PYI MAT MAT NA,,

Anonymous said...

NING BAW NING LA NI,,DU GA BA NI,,YA DU HKRA MYU SHA NI HPE GA RA HKU HKYE NA ,,RAI N CHYE NGA MA AI ,,KUN,,SAN MA YU WA SAI,,
MYEN HPE ,,GA JA JA N GWI SHA GA AI GAW HPA TA,,
MYEN GA N CHYE NA ,,KUN,,
MYEN A LA TUP ,,NAM MAN KA TUT DA AI KUN,,?
HPA WA GA LAW NGA MYIT TA,,,

MA JAN HPE HKUM GA LU DA MU,,GAP DI LA RA SAI LE,,
NAN HTE KAM AI ,,NAT HPE KAM MA DAI KU,,,,DAI HKU RAI YANG MYU ,,MAT MAT NA,
KK HPE KAM YANG,,,,,,,,,,,
MUNG KAN ,,RAP DAW KAW ,,SHANG LAWT DAWNG HKAWN ,,MU LU NA RE,,,,,

Anonymous said...

JINGHPAW HPAW ngu ai ga si lhpe lachyum chye na shi ai ni INDIA-KALA mung de nga pra taw nga ai SINGPHO, Miwa mung de shanu nga ai JINGPO ni hkan lachyum naw san sagawn la gaw oi
Padang

htan nuk said...

jj lum dau ya na zawn ka ma ra ai hpe pathkum na sha ra nnga ai hte maren, pathkum na a hkaw ahkang mung gadai hta nnga na re,jj lum dau ka ai lai ka gaw,ka ging ai laika ni re,hpa majaw ngayang wp mungdaw/myusha ni ngu jailang mat wa na matu anhte a jiwoi jiwa,du salang ni yawng jawm bawng jahkrup machyai da sai she re,mungdan pyaw wa ai shaloi bawng jahkuk la ga ngu ai gaw,hpa baw hpe tsun mayu ai rai kun?ya, dai ni ten du hkra,anhte a ningbaw ningla ni hku n na htap htuk manu dik sai hku,bawng jahkrup machyai da sai,wunpawng mungdan/wunpawng myu sha ngu ai ga baw hpe n kam jailang n ra sharawng nga ai hpunau ni chyawm me,a tsawm sha sung2 myit yu ra nga ga ai,anhte a hkung ga ging ai kanu kawa jj lum dau hta gaw hpa mara nnga na re,mara nga na gaw,ya na zawn re,tinang hkum hpe sha tsawra,tinang myu lakung langai hpe sha tsawra chye nga ai ni hta she mara nga na re.

Anonymous said...

jj lum dau ka ai ning mu gaw yawng chye na na matu ka ai re teng ai lam sha rai nga ai ya kaba wa ai ma ni mai gan hkan nga nna jing hpaw buga du salang ni ningbaw ningla ni hpe n gawn n sawn rai,hkungga ging ai masha hpe n re ai hku ka jaw mara kaba ai lam rai nga ai .nan hte ma ni n chye yang nau n mai tsun ai. mai gan mung e nga nna english lai ka hte ka jaw ai mung tinang a ga hte ka ai gaw grau kaja ai ning mu re. Du ngu ai Du tai ging ai wa sha lu tai ai re.sadi mu,nau shum shaga

Anonymous said...

jinghpaw wun pawng ngu ai hpe moi kaw na jinghpaw mung ningbaw Ding ra tang htung hking ning baw Duwa la wom ni up hkang ai ten 1965 ning kaw na Jinghpaw htung hking ningli dap up Duwa la wom ni woi awn let jinghpaw salang ni maru ,lashi ,lisu , rawang zi ngu ai ni hpe htap htuk ai mying jaw nna Jinghpaw wunpawng kaw an nau ni yawng rawng ai lam asuya kaw na woi galaw da sai hte dai hpang kaw na bai kalai wa ai asuya ningbaw ni gaw jing hpaw myu sha shada hpung lam amyu lam woi gin hka shabra dat aiDai ni na mang hkang ni rai nga ai,ram ma ni jinghpaw mung htung hking dap e n dai lam ni wa hpyan yu mu . james a ning mu gaw jaw ai re.

Post a Comment