Tsawra Kam hpa ai Jinghpaw Wunpawng Myusha ni yawng hpang de,
Wunpawng Mungdan Shanglawt Hpung hte Mung Chying Sha ni hpe Mung maden myen hpyen amyu shamyit lai le hte Jinghpaw Mungdaw hte, Sam Mung Kachin Sub State, Ginra ni hta majan baw ai laning mi ladu hkrum wa sai. Nhtang sumru sawn yu ga, n dai laning mi sha na ai majan wa moi (10) ning gasat ai majan hta grau nna hpyen ni hkrat sum ai hpe mu nga ga ai. Dai hte maren nahte Amyu Sha ni mung myit hkrum lam hta mung ya na madang gaw moi na hta tsaw htum rai nna, Karai Kasang hpe chyeju dum ra ga ai law. Dai majaw matut nna, Anhte Amyu Sha ni Karai Kasang hta manoi manat let n gun dating sa wa na ra saga ai. Anhte Amyu Sha ni hta kaja tim n kaja tim KIO/KIA hta lai nna Amyu hkye Mungdan hkye na mung masa hpung anhte Jinghpaw ni kaw n nga ai. Hpa majaw nga yang Wunpawng Mungdan Shanglawt Hpung gaw anhte Amyu ni a Jiwoi Jiwa prat kaw nna lang nga ai Gumchying Gumsa up hkang lailen hte woi awn nga ai. N dai up hkang ladat gaw Amyu Sha ni hpe Mungdan lu woi na lam n nga ai ngu nna daru magam ahkang aya hpe 1961 ning kawn dawm la kau ya sai. Dai majaw Wunpawng Mungdan Shanglawt Kongsi kaw nna nhtoi 7/6/2012 ya shani Amyu Sha gahkyin gumdin lam a hkyak nga ga ai majaw Wunpawng Wuhpung shagu hta na magam gun ni hte Mung chying Shawa ni lam amyu myu hku byin pru ai mara ni hpe 2004 hta n dau shabra mara raw, Amnesty aming laika tara naw shang ai nga mu hti lu na saga ai.
Dai majaw Jinghpaw Wunpawng Amyu Sha ni yawng gaw Wunpawng Mungdan Shanglawt Hpung woi awn ai kata hta lapai lahkra num she n sahng ai sha Karai langai Hkristu langai hta myit hkrum gahkyin gumdin dating sa wa ga. Dai hte maren Wunpawng Mungdan Shanglawt Ginjaw Komiti magam gun ni mahkra mung Karai Mungga hta Amyu n gin hka, makam masham n lata ai sha ngai ngu ai myit hpe mung kau da nna Karai Kasang hpe n htung tawn jang gaw a myu Sha ni awng dawm Shanglawt lu na gaw a ga lahtum n shut rai sai. Dai majaw Wunpawng Sha ni mahkra gade nna yang Karai jaw ai Mungdan hpe lu la na saga ai law.
Amyu Sha lam ht n gun dating tsap nga ga.
PKDS Director
10 comments:
KNO hpe gaw gara hku mu nga mi ta?
Lahta kaw ka da ai n-gun jaw ga grai kaja dik ai,anhte myusha yawng myit hkrum let ta gindun sa wa ga.kalang lang myit nhkrum ai policy ni nga dam tim mungdan hpe ning hkap ai nre hpe mung masha kaba ni chye na da ra na re ngu mu ai.K.K hpe manoi nga yang kaja nan awng dang na re hpe 100% kam ga ai.
KIA gaw wunpawng mungdan hpyen dap rai nga ai mungdan Lu ai sha ni gaw Kachin army rai na re , KIO gaw mungdan atsuya rai na re . KNO gaw uhpung langai sha re KIA/KIO hpe mungdan atsuya langai tai walu hkra grum hpajijaw ai uhpung langai share , churns hkra tsun ga nga yawng KIO/KIA mungdan atsuya a lagaw langai hte myima ga langai Mai tsun nga ai . Wunpawng gaw wunpawng myit rawng yawng wunpawng mungdan a matu grai akyu nga nga ai , daihte Maren wunpawng mungdan myu hpe tsaw ra ai KNO zawn KWAt zawn re ai myen hpyen wa hpe hpyen rai ai mulu ai uhpung uhpawng gaw kajaai ngu mulu ai
KNO gaw maigan matut mahkai ai lam hta n lawm n mai re kIO/KIA a a hkyak dik ai hkum daw chyen mi rai na re. uhpung langai hku sha mu ya jang gaw an hte Wunpawng sha ni mung masa gara uhpung ni galaw na? Ya prat gaw mung kan hte matut mahkai na, masha ni shaga ai baw ga chye shaga jang she mung dan lu na madang rai na re !n rai jang gaw mare kata na salang madang hta n lai na re ngu mu ai ! ngai na ning mu sha re..
Sha man ,wa zawn myit masa hkum gyip nga mu ,,mung Dan lu mayu jang ,,,,,,
Myit hpe ,shaning 100 ning de du hkra ,,myi hpe hpaw da ga ,,ga loi du hkra naw ,,a ngawk nga na ta ,dum sa ga ,,
Uhpung , organization ngu ai hpe nchye ai myu sha ni grai nga ngai uhpung ngu ai gaw mungdan langai hta nga nan nga ra ai hpe tsun ai. Atsu ya ngu ai gaw uhpung law law hte gawgapda ai re ngu ai mulu ai . Tsun ga nga yawng laikahpaji hte seng ai uhpung , hkan jalam hte seng ai uhpung , hpyen military hte seng ai uhpung , maigan matut mahkai ai uhpung , taralam hte seng ai uhpung ndai zawn re ai interest group ni re chye na na sai
Uhpung langai hpe atik anang kam mi lam n woi yit na re, amyu sha ni hpe shalawt na re ngu tsun jahtau nga na htan,,,,,,,,, tinang woi galaw ai hkrunlam gaw kaja wa tengnan awmdawm shanglawt de sa nga ai i ngu, tinang na tinang shawng gasan san la ga. Ya du hkra woi awn taw nga ai ni gaw awmdawm shanglawt ngu hpe tsep kawp n jahta n tsun ai majaw mungchying mungshawa a myit hkraw hta htep lahti kam na ngu ai gaw yak la nga ai.
Rai nna amyu sha yawng ting jawm galaw nna she lawt wa ai baw hpe wa, uhpung langai i sha shangut lu na ngu ai gaw yak la nga ai law.
Ning nga myit dum myit chye ai ni shada da hpaji jaw hkat let ra ai lam hta woi awn nga ai ningbaw ningla ni hpe mung shadum jahprang nga, n-gun jaw nga....KK kaw manoi manat let shawng lam de sa dingyang rai yang gaw awng dang na re ngu shadum mayu n-ngai. Hpa uhpung mi rai rai....jinghpaw/wunpawng shada da gaw awngdawm shanglawt mungdan de la ngut ai hpang she shingjawng hkat saga.....hpyen wa a myi man hta anhte tinang myit n-hkrum ai, myit n-law ai hpe n-madun saga law....Awngdawm Jinghpaw wunpawng mungdan hta she kabu gara mungmasa lam hta singjawng hkat na gaw htap htuk na re... Padang manau nau poi hpe shingran mu let.....
Mung Hpawn Myen Mungdan Asuya gaw jaw tim shut tim anhte yawng a Asuya re madi shadaw ra ai ngu yang nang ngai yawng hkap la na kun?????
Mungdan Asuya mi rai rai njaw ai lam, mung shawa masha law malawng nra ai lam, yawng a akyu lu na lam de ntsap wa yang gaw shading sharai na anhte mung masha ni a lata kaw nga nga ga ai. Teng man kangka nna mung shawa ra ai lam de woi awn yang gaw yawng n'gun langai hte rai madi shadaw ra nga ai. Laiwa sai ten hta KIO/KIA hku nna Ginjaw kaw Myen dawnghkawn jun na matu mung galaw wa sai, KIA hpyen dap hpe mungdan nlu shi yang mying galai kau na matu mung galaw yu sai, Wunpawng sha ni a matu akyu ara hpa nlawm ai 2008 constitution hpe mung madi shadaw lai wa sai. Dai ni gaw shut ai lam ni rai nga ai zawn, ninghkap ra ai lam ni rai nga ai. Shingre ai ten hta KNO gaw mung shawa masha law law hpe zinlum let shingre lam woi yit ai ten hta shawa n 'gun hte shading sharai ai lam ni hpe woi galaw sai. Dai gaw njaw tim jaw tim madi shadaw ai ladat nre sha tinang amyu, mungdan hte KIO/KIA hpe kaja wa tsawra kam hpa ai majaw KIO hku nna njaw ai lam kaw tsap ai hpe bai shading sharai ai lam rai nga ai. Dai majaw uhpung langai sha nga ra ai ngu ai ladat gaw One party dictator ladat rai nna shut ai lam ni nga wa yang sharai la na yak nga ai. Rai tim ya dai ni na aten hta KIO/KIA woi awn ai shawng lam gaw Wunpawng sha ni law malawng ra sharawng ai tengman ai lam de rai sai ngu mu mada ai. Dai majaw anhte yawng mung, KNO mung ndai Badang hkrum lam hpe n'gun langai tai madi shadaw ra ai ngu mu mada ai. Ndai Badang hkrum lam kaw na lam nshut nshai wa na matu a hkyak ai zawn, dai Badang hkrum a Bandung gaw Awng-Dawm Shanglawt kun? Mung Hpawm Myen mung kata kaw sha rau nga na ngu ai kun? Hpe mung Mung shawa masha yawng chye na hkra ndau ra na re ngu mu Lu ai. Shing re yang she anhte a Badang hkrum lam hpe hkrak chye nna shingran pra pra mu na re, Amyu sha lawt lu lam hta n'gun langai tai wa ga!
PKDS Director wa ka shatsam ai gaw grai kaja sai. Rai tim mung masa lam hku yu yang ginhka ai lam ni rai nga ai. Wunpawng Mungdan Shanglawt Asuya woi awn ai kata hta nga ai re majaw kaga lam amyu sha lawt lu lam nmai galaw ai zawn nga ai. Bai nna 2004 na magam gun ni hte mung chying masha ni lam amyu myu hku shut ai ni hpe mara raw Amnestry aming jaw ai nga yang KIO/KIA hku nna shing nrai ya magam gun nga ai ni hku nna shut ai lam tsepkawp nnga sai kun? Byin ra ai gaw lahkawng maga shada da mara raw hkat ra na re. Dai hte maren Hkristu makam langai sha nga ai mung kaga makam ni hpe nsawn ai hte bung ai.
Dai majaw uhpung nbung tim, makam nbung tim amyu sha lawt lu hkra n 'gum langai tai let amyu lam hta shakut sa wa ga.
Post a Comment