Myitkyina, Manmaw Myo kaba de nga nga ai Jinghpaw Wunpawng amyu sha ni yawng hpe ga san san dat nngai Simsa lam nga ai ten Shanglawt Asuya Du Kaba Salang Kaba ni ja gumhpraw lu nga ai ten hta garum sa hpyi ai ni myo mare kaba na ni hkrai rai nga ai. Sut masa ramma gate kang hta sha na rai yang gaw kadai n shaga la ra ai tinang hkrai madu mungdan masha rai ga ai nga nna yan sa wa ai law law rai nga ai. Ya yang tinanag a Mungdan hpe gap gasat la ga nga yang gaw kadai mung n kam sa, hpyen la mung kadai n sa galaw kam anhte Shanglawt a U raw kata na U hkai tai nga ai masha ni chyu sha hpyenla galaw ra na kun? Anhte ni chyu sha majan gasat, shani shana ningsin ninghtoi n lata ai jam jau hkrum nga ai lam gaw nan hte gara hku mu nga ma ai kun? Htai ya yu marit. Wunpawng Mungdan Shanglawt lu wa ai shani raitim ya na zawn zim sha nga nga na rai kun?
1. Wunpawng Mungdan kaw nga nga nna Wunpawng Mung dan masha nre ngu yu shalai nga na kun?
2. Shanglawt bungli hpe gaw tai hpyen bungli shadu kau sai kun?
2. Shanglawt bungli hpe gaw tai hpyen bungli shadu kau sai kun?
3. Nanhte gaw myo mare kaba kaw sha nga nna Shanglawt bungli tinang hte n-seng ai ngu nga nga na kun?
4. Mungdan Shanglawt lu nna hpaga mai galaw sha jang she tinang mung Jinghpaw re ngu n kaya ai sha dam pru wa na kun?
KIA Myu Tsaw Hpyen La
Laiza.
49 comments:
Hkau Myu tsaw hpyenla wa e na a myu tsaw mung tsaw magrau grang ai hpe mung hkung ga ai.Rai tim myu sha sha da myit n pyaw na zawn nga ai ga gaw n ka ga law.Myo kaba kaw nga ai ni mung ya ten hta tinang a man ang ai myu sha lam hta law malawng wa shang tsap nga ai hkrai rai ga ai.Ma kaji ni sha pi KIA a ma tu nga na kyu chye hpyi ya nga ma ai hpe ngai mu mada nga ai.Bat sha gu mung nawku jawng ni hta hpyen yen tsin yam saidaw sai chyen ni a matu nga na lu lawm ai hte mi sak jaw nga ma ai.Ndai zawn re ni n nga yang mung hpyen la ni hkrai sha a nut taw na Padang dip lu na n re.
Share Shagan wa nang myit dum ra na lam langai gaw shani shana aten shagu Mungdan kata na sha n rai maigan du Myu sha kaji kaba yawng gaw nan hte a matu Hpan Karai Wa kaw a kyu hpyi nga ai re.Majan byin nga tim Share Shagan wa ya na zawn laika lu ka mara chyai taw nga na ten lu taw ai gaw dai dai kyu hpyi ga ni a majaw she rai na re ngu ngai kam nga n ngai.
Kadai mung tinang a man ang ai hta ja ja tsap let mara n mu hkat ai sha Padang hkrun lam de Karai Wa hte rau sa wa yang gaw kade nna yang padang manau nau lu na re ngu ngai na ning mu loi hte tang shawn dat ngai yaw.
Share Shagan wa Myit masin hkum hkrang yawng ngwi pyaw hkamja nga u ga.
Re ai jaw ai...anhte America kaw nga ai jinghpaw ni mung shani shana nanhte a matu a kyu hpyi let a lu gumhpraw ni mung bat shagu daram hta nga ai re...majan langai mi awng dan na matu gaw hpyen la ni hte sha n mai ai...mung shawa ni yawng lawm wa na matu mungkan ting anhte wupawng sha ni gara hku hkam sha nga ai ngu ai hpe chye na matu ya na zawn myo kaba hte maigan de na myutsaw ni mung ra a hkyak ai....anhte yawng wungpawng sha ni nga ai shara kaw na tinang sai daw sai chyen ni a matu ra ai kaw na shakut ai majaw she, Karai wa a lam madun ai kaw anhte ni ya na zawn mungkan ting a myiman hta awng padang ni lu dip la ai re..
Anhte wungpawng myu masha ni a n tsa Karai wa tut nawng e bau sin ya u ga...
madu gaw madu bung li ga law nga na re.mayam myit2 ai wa gaw mayam kandan sha hpai nga na re.labau jaw ai magam lit ndai hpe nang ngai kwoi yen nga yang htawm hpang anhte a kashayu kasha ni ndai hta grau na htam law law ma tut hkam sha ra na re.matut na tsimyam hkying htawng ndai hpe anhte a kashayu kasha ni hpe n dagraw ya sa ga.nang ngai yawng shang lawm hpung din dat la sa ga ngu saw la jin dat ai.
Anhte WP myit gaw (WE ARE ONE) re ...gara kaw mi du ..hpa lam hta mi tsap tsap myu sha lam hta yawng tinang du ai shara hta shakut ra ai...dai re ma jaw nang shoi nang sha nmai ai ...mara nmai shagun hkat ai..shawng lam hta matut n-na kyu hpyi ai hte shakut sa wa ga law...
Anhte WP myit gaw (WE ARE ONE) re ...gara kaw mi du ..hpa lam hta mi tsap tsap myu sha lam hta yawng tinang du ai shara hta shakut ra ai...dai re ma jaw nang shoi nang sha nmai ai ...mara nmai shagun hkat ai..shawng lam hta matut n-na kyu hpyi ai hte shakut sa wa ga law...
langai hpra a atsam hte shaman chyeju n bung ai hpe chye na da yang, ya na zawn tsun pru wa na n re. ngai mu ai daram nga yang wunpawng myu sha ni yawng ngu na daram gaw tinang dang di lu ai daram yawng jawm shakut nga ga ai. sinat wa mi lang na n gasat lawm tim kaga lam shagu hta byin mai ai hku shakut lawm nga ga ai. sinat lang na tatut majan pa kaw gasat nga ai ni a matu mung myit dum myit tsang let kyu hpyi ya nga ga ai.
myu tsaw hpyen la wa she nga tim, tinang a sai daw sai chyen ni gara hku shakut lawm ai hpe n chye n mu ya, manu n shadan ya ai sha ya na zawn tsun pru wa ai hpe gaw na yawn la ai. wunpawng mungdan pi n lu shi ai kaw na, ngai hpyen la wa she grau shakut ai ngu baw myit jasat rawng wa ai hpe mu nna kajawng ai hte pyawn yawn la nngai.
n dai zawn a hkyak ai a ten hta langai hte langai kadai grau galaw ai ngu hpe tsun jahpyak hkak taw na a ten nre ga ai. rau myit hkrum myit rum ai hte tinang ap nawng dawjau lu ai daram yawng jawm shakut wa ga ngu na n gun jaw mayu ga ai. wunpawng myu tsaw hpyen la ni hpe chyeju dum ai lam gaw wunpawng myu sha ni yawng a myit kata rawng nga chyalu sha re nga ga ai.
Hkau share shagan wa e, nang hpa hpe tsun mayu nga a ni, myo kaba na ni yawng hpyen shang wa marit ngu mayu ai kun? nang shakut nga ai hpe n chye na tsang nna shakawng ai kun? jam jau jin wa nna myit daw ga kun? ??? hpa hkum tsang, amyu sha yawng nang hte rau rai nga ga ai. Nang shang kasat nga ai hyen awng dang hkra akyu hpyi nga ga ai. mungkan shawa yawng nang hpe mu mada shagrau na matu lajang nga ga ai. shawng lam de ra mara a matu fund tam nga ga ai. machyi makaw hkala nba hkrum ai ni hpe tsi lajang nga ga ai. hpyen hprawng nga ai ni hpe daw jaw nga ga ai. hpyen hprawng ma ni hpe laika sharin ya nga ga ai. myen ni gara hku lung wa nga ai nga kinyu galaw nga ga ai. ai,ai, ai,...ndai ni yawng nang sanat hpai gasat ai hte maren sha re. awng padang dang lu na sha rai sai. matut shakut ga yaw hkawp share shagan wa e!
Baw nu nrawng ai ladat hte ka,wa ai lai ka hpe hti n na myit n pyaw nmai bin ai ..shara shagu ,nga ai wp sha ni hpe myit yawn hkra ka ai laika ngau ni hpe sadi!¡ai hku ka yang mai na wa..bau nu kaba lang ra ai...
Pyilan Shayi Said.....
GIDON a n tawng nhtu anhte a lata kaw rai,---- Yehowa Karai Kasang Anhte a Awng Badang ;- nga ai mhkawn hpe gara hku sha hkam la nna madat shalai kau nta?
kachyi pyi hkum tsang hpyenla 20000 sa wa tim 300 sha lata la ai Karai Kasang nan Awng Badang hkrun lam woi awn ai hpe kam u.Gumgun Gumhpai.Chyahtum chyalai Karai Kasang lu ai hpe malap ai ga, n kam ai ga hpe SHI a amyu sha ni kaw na n dang hkam ai Karai re ai lu!!!sadi u Laiza Myutsaw hpyen la wa e....
Myu tsaw shadang brang a hkam sha lam ni hpe mung chye na ya nga nngai. Myu tsaw Mung tsaw ngu ai gaw, sinat laknak hpai nna gasat gala ai hpe sha n ngu ai, Myen mungdan kaw sha n-ga, mungkan mungdan 22 kaw chyam bra taw nga ai amyu sha ni mung masa lam amyu myu majaw, ta tut n shang lawm lu ga timung, du ai shara kaw nna daini akyu hpyi ya ai hku nna aja awa shang lawm nga ga ai hta sha n-ga, kaga lam hku na mung shang lawm nga ga ai ngu ai hpe chye na ya na kam ai yaw. Grau nna du daw sai hkaw machyi hkam nga ai myu tsaw share shagan ni gaw grau nna hkam sha na ma ai hpe myit nau chye ya nga let akyu hpyi myit dum nga ga ai yaw. Hkam jan lu na n-gun K.K jaw ya u ga.
myitkyina naa ramma 300jan gaw hpyen yen ma ni a hpaji lam hta grum taw ma ai,yangon,mandalay,...myo kaba kaw na ramma ni gaw ballpen hte kasat taw nga ga ai,online kaw na mung shakrip jaw nga ga ai lo,online kaw na mung alu tam ya nga ga ai hte ka ga lam a myu myu hku yawng jawm shkut taw nga ga ai lo myu tsaw shabrang wa e....mu jut n kaji ga lo.
Hi..,Hkau myu tsaw hpyen la.Ngai ma manmaw brang re.Moi sim sa lam lu nga ai ten tim ya tim jinghpaw mung na ja hkyep mi mung n htu la yu ai,lung seng mung n htu la yu ai ,maisak mai lung kran la na hkum tsun nam de pyi n shang yu ai.Rai tim an hkau an nau ni hpe hkra yang pu gang sin machyi ai zawn hkam sha ai.Dai majaw mai gan ga kaw na ja gum hpraw gahkin let garum ai,K K sang kaw tut kyu hpyi ga rum nga ai.Hkau myu tsaw wa hpang kalang dai zawn nga myit ht pyi hkum bang da yaw ga ya hpa re...Lawan dik ai hku shaw kau sa nu....
Nang shakawng dat ai laika gaw na matu gaya gahpa she rai sai law Laiza hpyen la wa e.Na a ning mu chyatsu ni laga share shagan ni kaw nkap nbra wa u ga she kyu hpyi jat ra na hku rai ang sai.
ya na zawn myutsaw mungtsaw share ninghkring hku nna ndai hku tsun wa nga ai hpe e,wp mung masha rai nga ai annau ni hku na mung,myutaw myit hpe shawng lam hta tawn nna,myit masa gaba hte myit let,gaja ai hte htap htuk manu ai maga hku yu let chye na ya ga ngu,shawng nnan saw lajin nngai,hpa majaw ngayang shawnglam majan pa hta asak hpe myusha ni a matu apnawng dawjau nga ai hte,laga lam hku shanglawm nga ai hte nbung nga ai re hpe chye na ra nga ga ai law,yana zawn asuya hpyen gaba langai hpe nlaw nla sha rai nga ai,myutsaw share ninghkring ni,laning mi laduhkrum hkra shakut shaja ya lu ai gaw n loi la na re,shawnglam majan pa na share ninghkring ni hpe gahti galai galaw ya na matu hpyen n gun nlaw ai majaw,ya na zawn re,ga ni pru wa nga ai re hpe yawng chye na ra nga ga ai law,dai ni wp myusha jahpan hta sen gaba hku law nga saga ai,dairam hta na n law dikhtum marai sen mi ram gaw hpyen n gun rai ra na re,dai re majaw laga lam amyu2 hku garum madi shadaw nga ai,ram ma wangan ni hku nna mung,shawnglam majan pa de sa shakut shaja lawm na matu myit dawdan sa wa na aten raitaw nga sai lam hpe chye na let yajang rawt sa wa saga.
ya na zawn myutsaw mungtsaw share ninghkring hku nna ndai hku tsun wa nga ai hpe e,wp mung masha rai nga ai annau ni hku na mung,myutaw myit hpe shawng lam hta tawn nna,myit masa gaba hte myit let,gaja ai hte htap htuk manu ai maga hku yu let chye na ya ga ngu,shawng nnan saw lajin nngai,hpa majaw ngayang shawnglam majan pa hta asak hpe myusha ni a matu apnawng dawjau nga ai hte,laga lam hku shanglawm nga ai hte nbung nga ai re hpe chye na ra nga ga ai law,yana zawn asuya hpyen gaba langai hpe nlaw nla sha rai nga ai,myutsaw share ninghkring ni,laning mi laduhkrum hkra shakut shaja ya lu ai gaw n loi la na re,shawnglam majan pa na share ninghkring ni hpe gahti galai galaw ya na matu hpyen n gun nlaw ai majaw,ya na zawn re,ga ni pru wa nga ai re hpe yawng chye na ra nga ga ai law,dai ni wp myusha jahpan hta sen gaba hku law nga saga ai,dairam hta na n law dikhtum marai sen mi ram gaw hpyen n gun rai ra na re,dai re majaw laga lam amyu2 hku garum madi shadaw nga ai,ram ma wangan ni hku nna mung,shawnglam majan pa de sa shakut shaja lawm na matu myit dawdan sa wa na aten raitaw nga sai lam hpe chye na let yajang rawt sa wa saga.
Myu tsaw e
Nang ka da ai No 1,,2,,3,,4,, hpe hti yu nna Nang
hpe grai masan dum dik ai yaw, shum myit gaji yaw,
shum myit gip yaw , Nang gaja wa Myu hte mung dan
hpe tsaw ra teng ai kun? Myit yu u????
Nang Myen masha wa nrai ni????????????????????
Yawng gaw KARAI KASANG a lata hta sharai nga ai
Yaw,,, Nang hpe KARAI bau sin nga u ga,
Jinghpaw Wunpawng shani hpe kaba ai myit
shingwang hte Mu chye ai,Yu chye ai,Woi awn lu
ai atsam jaw ya u ga law, Shaman ya ai yaw
((Shing Nrai))
JINGHPAW WUNPAWNG SHANI HPE HKA WA BRA WA NA MATU KA AI LAM RAI YANG GAW (NANG MYEN MASHA)
RAIYANG GAW KARAI NANG HPE SHARIN SHAGA AI LAM HKRUM U GA YAW++++++++++++++
Nang Zawn re KIA Myu Tsaw Hpyen La hpe tsaw ra ai MYUTSAW langai mi
Nang shawng rawt wa dan yu u
KK chyeju hpe shakawn ai.WP sai rum Myutsaw Share shagan ninghkring ni hku nna,myit hta dan nga ten shagu tsun shapraw mayu nga na re.hkamla ai lam shawang myit galu hte shagri sai lam kaba Myu sha matu naw myit marai nden hte shakut ya rit oi.myit daw myit hten gaw hkum rai lu teng man ai lam hta tsap hkam sha nga ai ta tut galaw sa nga ai amu magam bungli hpe PADANGDIP AUNGDAWM de she sa wa ga.WP Mung tsaw Myu tsaw share shagan yawng a matu sihkrung si htan agung alau ning daw ningdam hkala nba kadai kaw mung ndu pru u ga.ja2 KK hta kyu hpi ya nga ga ai.
Hkungga ai KIA myu tsaw hpyen la Lai Za e nang hkam sha ai lam hpe chye na ya ai yaw. Anhte America mungdan California Jinghpaw Wunpawng sha ni yawng dai ni laning mi ladu hkrum ai ten du hkra kru ya shani shagu n'hprai ai nayi hkum 24hr matut manoi nanhte a matu akyu hpyi dum ya nga ai yaw.Hpyen yen tsin yam ni a matu bat shagu laksan alu lahkawn ding yang rai nga ai.Alu tam gat dut poi galaw ai ten kaga amyu n'bung ai ni n'gun mi alu rai shang lawm garum ma ai. hpung tau la ngai mi Share Shagan ni hte hpyen yen tsin yam ni a matu alak mi akyu hpyi ai shaloi akyu n'lu hpyi matut ai sha " hkrap tsap" mat ai.Anhte abuga de na anhte a sai daw sai chyen ni hpe matsan dum ai majaw anhte hpung masha ni mung myitdum ai hte matsan dum ai hte myi prwi pru let akyu hpyi shangut ga ai.Asak kaba sai kaji kawoi ni n'sim n'sa shani shagu akyu hpyi nga dingngam re.Myit n'kaji ga.Karai wa tut bau sin makawp maga nga u ga. Akyu hpyi dat ya ai.
sai gaw sai re ai. tinang a sai hpe galoi mung n'lu gaya kau lu gaw, gadai mung dum chye nga na re. mazut ai ladat, prinem ai ladat ni hte nidik ai maigan sawa hpyen ni hpe shanlawt n'lu ding sang ban prat mi hte prat mi shamyit gasat ra ai gaw, Wunpawng amyu sha ni a lit na rai sha. Dai hpe gaw gadai mung n'malap na re ngu kam ai, hkam la ai.
hkau myu tsaw e ya na zawn sai garan ai ga ni gaw
nmai shaga na re ngu myit mada ai.mai gan du ai myu sha ni mung ang wa ai lit hta tsap taw nga ai hkrai re.nkau mi chyawm gaw myu tsaw mung tsaw myit ni nkung ai ni mung lawm nga ai re.
myu tsaw wa e..nang sha majan gasat taw nga ai nre
mung masha ni mung tinang hte seng ang ai hpe gaw
dang di dang dep ai hku WP mungdan hpe makawp maga nag ai le
An-the shada-da she rai na re,,, dai majaw gaw mala-lah gaw n-ngu hkat ga law....Myu-tsaw hpyen-la mung galaw ra ai,,, grai mung ra kadawn nga ma ai....Sat-nat (Gun) lang ai ni mung lang,, gumhpraw (Money) shapraw ai ni mung shapraw,,, hpaji shaw ai ni mung shaw,, ladat amyu myu hte Myu sha lawt lam a matu ta tut jawm galaw gun hpai sa wa ga ngu saw lajin mayu ai...Mare kaba hte maigan du ai ni mung ladat a-myu myu hte gumhpraw ni hte akyu hpyi ai hte shang lawm sa wa ga ngu mayu ai.. n-dai lang na majan gaw an-hte myu sha ni (KIA) dang nan dang ra sai,, dang hkra mung jawm shakut ga ngu,, n-dai laika hti myitsu ni yawng gaw ga saw dat n-ngai law....
Tsawra hkuhkau ai Jinghpaw kasa lit hkam wa e ,
Lahta na zawn re ai laika ni hpe gaw chyeju hte grai myit sawn yu nna she blog ntsa kaw mara ya marit yaw.
"Ndai zawn re hpatwat(grai ahkyak ai) ten hta anhte Pawngyawng myusha ni hpe dumbru dumbra rai, n gun yawm mat shangun ai myit hte laika shagun ai ni mung law law rai na re" hpe sadi maja let shen yu,myit yu ga yaw. Teng wa shawnglam majan ginra hta sai salat hte asak ap let atsam htum shanglawm nga ni hpu nau ni hpe mung tut nawng myitdum kyuhpyi garum let hkungga jaw nga ga ai.
"KIA myu tsaw hpyen la" nga ai mying hpe aloi ka bang nna (nshawp ai)laika shadam shabra ai ni mung nga na re. Grai sawn yu myit yu nna she blog kaw mara ga, ngu kahtap lajin dat ai law.
Shapawngyawng (Kachin) ni awmdawm shanglawt (sh) Tara Rapra ai munghpawm mungdan lu na matu, lam shagu hta tsam dat shanglawm ai share shagan/jan ni, ningbaw ningla ni, hpu nau/na ni yawng hpe Karai Wa bausin shaman ya nga u ga. Karai Kasang a mungdan lam hte Pawngyawng myu sha ni shanglawt lu na lam hta grau grau atsam dat let shanglawm lu ai ni tai ga.
Commant ,kadat ai shang lawt brang ,a,n sen ma dat yu Yang ,,mung Dan ga ,garan sa na re ai hpe chye ai zawn 2 ,,ga garan sana re ,ma jaw ,,tsun wa sai ,,,chye na la ga ,,
Myu sha ni ,,yawng ga ,gahkyin ma yu Yang ,,dai ni kaw na myen mung kaw na ga gran sai ngu ai ,,ga gaba hpe ,,la nga ma ai ,,dai sha loi ,,KIO ,KIA ,,ngu ai hpung ,,1 ,,kaw sha yawng jawm madi sha daw ,,sha kut mat wa na re ,,,,KK ,,mying ning sang the ,kam ai myit the ,,myen mung kaw na gagran sai ngu ai hpe ,,n dau dat yu mu ,,a ten ga dun hta ,,KIO ,KIA ,,hpe yawng ma Di sha daw mat wa na ,,,
Yaku a Chyum mung ga LAIKA hta lawm ai makam masham hte magam bungli arau rai nga ai da, akyu kade hpyi tim magam bungli nlawm yang chyasi re da, magam bungli chyu galaw nna akyu nhpyi yang mung chyasi sha re da...
ya hkau myu tsaw wa a ga san hpe bai ngai na ning mu hte htai ga nga yang gaw ya hkau myu tsaw wa sha du nga ai hku mung nrai na re .hpa majaw nga yang gaw ya myitkyina mare hkan nga ai ram ma ni hpe yu dat yang jawng naw lung nga ai ma pan ni hte jawng nnan ngut da na hpung lam hta shakut nga ai ram ma nkau mi sha nga sai (nnga ma sai ngu na daram re ).nkau mi shang lawt dap de du ma sai re . yang nang kaw nga ai ni gaw nta hta nnga nmai ganu gawa hpe bung li galaw na bau nga ai ni .,hting gaw hta kahpu ni yawng shang lawt hpyen la galaw nga ai majaw nta hta ngam nga ai kaji htum re ai ni sha ngam sai .MYO kata majoi dam pram na nga ai ni mung nga ai gaw jaw ai rai tim kaji kajaw sha nga sai E rai tim law malawng gaw shang lawt hte myen kasat hkat wa ai majaw ya male kaw jinghpaw ma ni hpe UN lekmat jaw sai da loo nga na yen sa mat ai ndai laning mi laman sha 4000 jan du taw sai hpe hkau myu tsaw wa gaw chye sai kun .myo de nga ai ni hpe san mayu yang dai UN mahka sha na matu le mat wa ai ni hpe shawng san yu yang grau kaja na shadu ai .ngai mu mada taw ai hpe tsun ga nga yang gaw .hkung ran poi masha si poi hkan garum na ram ma pa nnga ma sai lo hkau myu tsaw e .myu mi hku yu ga nga yang mung an hte a wunpawng shayi ni hpe chyu MYO ga tawn da na la nga manga hpyen la la ma wa yang gaw maigan chyasan ni a matu madu nnga ai nga nawng hpe katut la ai hte she bung taw na shadu ai re .dai majaw wunpawng myu sha hta hpyen la galaw let shakut nga ai ni mung nga ra ai .ja gumhpraw tam let shakut shaja nga ai hpaga la ni mung nga ra ai .lai ka hpa ji hpe madang tsaw hkra shakut shaja la nga ai hpaji du ni mung nga ra ai .makam masham hta grau ngang grin wa lu hkra hpung woi ni mung nga ra ai .yawng kaw hkum tsup taw nga yang she mungdan ngai gaw de wa ai lam hta grau akyu rawng na re ngu shadu ai .hpa majaw nga yang mung dan ngai gaw de ai hta hpyen ngun law ai hte sha gaw nmai ai .hpaji ngun sut masa nngun ngu ai ni mung lawm nan lawm ra ai majaw re .ga hpung dim hku nna htai mayu ai gaw MYO ga na ai ni yawng gaw myutsaw myit nrawng nga ma ai nre lahta na tsun ai hte maren ti nang ang ai shara kaw myu a akyu lu gun hpai ya nga ai ngu gaw myu tsaw myit rawng ai sha rai nga ai .(tai wa hpe gap sat yang sha she myu tsaw myit rawng ai ngu nna nsawn la yang kaja na re ngu ngai mu mada ai lam hpe sang lang dan nngai law )
ngai na ai shiga kaw gaw litbya mung kaw kasu kabrawng byin wa ai shaloi mai gan du nga ai litbya myu sha ni ti nang mung dan de bai wa na myu sha lam yan hta shakut shaja shang lawm ma ai da .rai tim ya ngai nga ai lawk hkan mare kata hkan ganu gawa nkau mi (law malawng ) jahta nga ai gaw ya jing hpaw ni hpe male kaw UN lekmat jaw taw sai da nga na tinang kasha pa nkam sa tim majoi joi male de hte shale sa ai hpe mu yang grai myit npyaw ai .male kaw na manang ngai tsun dan ai gaw majan hpang ai kaw na amasan re na jinghpaw ni yen sa wa ma ai da .4ooo jan sai da .dai gaw myit yu hpa gaw shadu ai le i .
Comment ni yawng gaw jaw ai ngu madi shadaw dat ai law. Myu tsaw Laiza Brang wa ka dat ai hpe hti ai hte shi maga hku nna gaw jaw mu ai raitim hpyen la n-sa glaw ai ni yawng gaw KIO/A n-madi shadaw ai hku nna tsun ai hpe hkap la na shara n-nga ai. Myu tsaw brang wa tsun ai lam gaw myit kaji mat ai hte n-gun yawm mat ai majaw tsun pru ai zawn mung nga ai...bai nna kalang lang gaw kadai mung tinang a matu sha n-re ai magam bungli ni hta hkan madi shadaw ai masha n-pru wa jang myit hta dan nga ai ga ni pru wa ai gaw "normal" re. Hpa mi rai rai ahkyak ai lam gaw mungdan hte amyu sha ni a matu ap nawng ai nga yang gaw shakut dingyang rai ra na re... Mungdan hta rawng ai masha mahkra gaw tinang shakut shaja nga ai lam hta myit hkrum na re ngu na mung n-mai kam ai...raitim ningbaw gaw ningbaw re...hpyenla gaw hpyen la re...myit daw myit kaji na lam n-nga ra na re. Majan hpang ai shani kaw nan dai ni du hkra tsam bra nga ai myu sha ni yawng lam amyu myu hku nna madi shadaw shakut shaja kyu hpyi ya nga dingyang, maigan mungdan hkan e mung n-gun madun nga ai lam ni mung nga ai. dai ni hpe yu yang KIA hkrai re ngu myit la yang mung shut kaba rai na re.
Comment ni hpe hti ai myusha ni hpang tsun mayu ai lam gaw....ning nga ka da ai KIA brang wa, kaja wa laiza hpyen dap kaw hkring shs dung nna ka dat ai wa re kun....majan pa kaw nan jahkring mi na matu sinat tawn da nna ka dat ai wa re kun...yangon, mandalay kaw nan ka ai kun...lagwi mare kaw nan wa re kun...myen jan langai hku nan ka dat ai re kun...myen num madu ai wunpawng amyu ajet langai mi hku nna ka dat ai kun....hpe mung myit yu ga law. myu sha ni e...SUMPRAT KUN LAW?????? Myit su Jinghpaw kasa hpang "laika" ni mara na shaloi atsawm myit yu sawn yu let mara na matu mung request dat n-ngai law...Padang manau nau nau na ten hpe la let....
Shanglawt hpyen la ni a shingdu labu ni hpe yu ga nga yang Myutsaw Hpyenla Laiza wa tsun ai masa nga ai hpe mu lu ai. Shawnglam si hkam hpyen la law malawng gaw ..htaw mare bu ga de na ..matsan mayen....jawng pa atsawm nlu lung la lu ai ni chyu sha she ta tut ap nawng wa ai gaw shaning 60 rai nga hpe mu lu ai.. dai hpyen la ni gaw lai wa sai gasat jahkring aten hta mung mung lak lai ai akyu hkam sha lam lu ai nnga ma ai...
Ya shawng lam majan e htim gasat taw nga ai hpyen la ni hpe myi chyaw mu yang mala la matsan dum hpa byin nga ai...atsawm n..lu yup, malu masha nhkrup ai ten mung law law...ga nhkun nau rawng ai majaw ..hkum shan ni sit ma..bum ma rai nga ma ai...marang htu tim rawt ra....jan ja tim rawt ra...kashung tim rawt ra...dai zawn ta tut ap nawng nga ai ni gaw...anhte shing gan na akyu sha hpyi lawm... alu sha bang lawm re hta nga yang...grau nna ap nawng shakut lu ai ni, magrau grang ai ni re hpe gaw masat masa galaw shagrau ra nga ga ai...Sinat lang Shang Lawt Hpyen La ngu a she nnga yang....Myen wa gaw ...JW shanda ai lapran..ya ten Yahkai mung de mang hakang byin ai zawn byin mat na re...By....PADANG
Ngai hku nna mu mada ai gaw..
N dai shagun laika gaw grai hkrak ai hpe mu mada ai,
Myu Tsaw Wa hpe hpa mara shagun na lam n nga ai.
Shi mung Shi a hkam sha ai lam hpe ka ai rai na re..
Myu Tsaw Wa a hkam sha lam hpe n ra sharawng mara mu ai ni tinang hkum tinang shawng myit yu ga. Nang gade ram wa lu ap nawng dai kun, Na hkum nang grai garum dum sai, kyu grai hpyi ya dum sai,
Nang gade dang wa tang du hkra lu garum nga sai kun dai hpe shawng myit yu ga. N gup kaw na gaw shani shana kyu hpyi ya nga ai lam tsun ai, teng sha nang kaja wa gade lang akyu hpyi garum ya ga sai kun...
Bai anhte yawng tsun nga ga ai... kyu hpyi ya ai, kyu hpyi ya ai nga.. kyu hpyi ya ai n kaja ai ngu n tsun mayu ai.. kaja wa hpyi ya nga ai ni hpe mung shakawn ai..
rai tim a kyu chyu hpyi di Mungdan lu wa na i?
akyu sha hpyi na mungdan lu wa na rai yang gaw n gasat ai sha kyu chyu hpyi di nga ga le...
Myu Tsaw Wa hku nna Shi a hkam sha lam hpe sha ka ai pi naw dai ram n ra sharawng mara mu taw yang gaw Nang shani shana akyu hpyi garum ya nga ai nga tsun ai gaw, kaja wa gaw rai kun..myit yu ga. Myu Tsaw Wa hku nna mung yawng hpe tsun mayu ai gaw n re hpe mu lu ai. Shi mung hkam sha ai majaw ya na zawn kapaw pru wa ai she rai na re kam ai... dai hpe pyi n chye na ya yang gaw Nang, Ngai gara madang kaw naw du nga ai kun?? naw she myit yu ga Wunpawng ni e...
Ga baw n-dai hpe n-dai kaw jahkring saga law.... tsun ai ni yawng mung tinang ningmu hku nga yang gaw jaw ai ni hkrai re ai. Tim jaw ai ni nau law gayau mat wa yang n-jaw dik ai lam bai pru wa wa re ai re lu....
N-dai ten hta gaw tinang dang di lu ai ram garum madi shadaw, ball pen lang ai ni lang, sinat lang ai ni lang, shaga ai ni shga....mai byin ai hku awngdawm shanglawt mungdan lu na matu shawng lam de hkawm sa ra ai ten re law....
Myu tsaw wa tsun ai gaw asak hpe apnawng da nna galaw taw nga ai lam a ntsa tsun ai lam rai na re.. ta tut hku mung myit shalawm ya yu ga!...laning mi majan hta asak ap nawng mat sai hpyen la ni a dum nta masha ni, hkum shan hkala hkrum nna daw hten taw nga ai hpyen la ni a matu...garum matum jaw ai lam gade ram wa nga nga saga ai kun?...anhte yawng ngu na ni gaw gap kasat nna awng dang la mayu ai myit gaw rawng ai ni hkrai rai na re..tim ta tut hta galaw taw nga ai ni ..kade ram sawng taw nga ai hpe shawng lam hpyen la ni a shara kaw nga nna hkam sha lawm yu ga!...Myu tsaw ai law..mungtsaw ai law , akyu hpyi ai law ngu n'gup nbung kawut taw nga nna sha gaw awng dang na lam nnga ai law...
Ntsa na anonymous num kun la kun n chye ai wa e nang mung na ga nalai ka hpe grai jaw dum sai kun?nang tsun ai ga ni hpe nang atsawm sha bai myit yu u yaw.Nang nan ma ya gara kaw du taw na gara madang ram wa shang lawm sai kun bai myit yu u yaw.Sha gun lai ka n dai gaw myo kata na or maigan na masha langai ngai ka shadam dat ai rai yang gaw HaHaHa yawng ngut sai.
la hta na comment jaw ai myitsu nkau hpe shadum mayu ai.anhte a share ninghkring wa tsun ai hpe atsawm chye na hkra hti na she comment jaw ga.shi tsun ai jaw ai.myu sha lam yan hta tatut shang lawm gunhpai ai ni nga ai zawn madu hte nseng ai zawn rai na koi yen hkawm nga ai ni mung law law re.KIA nga ai majaw anhte myu sha ni ndai madang kaw lu nga ai re.ya yang rakhine myu ni a ngup hta na nalu ai gasi gaw anhte myu hta jw ni zawn KIA nga ai rai taw ndai hku byin na nre nga tsun jahta nga ma ai.myu tsaw ninghkring ni hpe hkungga jaw dat ai.
yawng ga ja dik ai hku galaw ai hkrai rai na hpe kam ai...
Jinghpaw kasa lit hkam hku n na n dai zawn nyeng hkat na zawn nga ai laika hpe tsep kawp n mara na matu ma sadi jaw mayu ai.
lai ka ka ai wa,,KIA myu tsaw hpyen la n mu ga ai wa rai na re,,,,KIA myu tsaw hpyen la ni gaw ,,,ga nawn ma zum lam yu na kun,,zai la dat yu na kun,,ma yu da ma lam yu na kun,,ga rum n tum lam de yu na kun,,sha wang myit hte hkawm sa ai she re ,,sha kawn hpa grai naw nga ai,,ten n lu na,,
lai ka ka ai wa gaw,,myi naw n hpaw ai mung dan,,mai gan ga sha ra myi kaw na tak na ,,tsa bran let ,,ka dat ai rai na re,,baw nu n kung shi na rai na re,,rai tim n pawt ga,,DAI ZAWN MU AI LAM HPE CHYE TSUN AI GAW ,,GA JA NGA AI,,baw nu rawng ai ni gaw ,,shut ai hpe,,ga bai kau,,,,,jaw ai hpe hta la,,,,sha rai la chye ma ai,,,
bung li na wa jang rau ai ten BAI KA MA RA RA DI GAW ,,MYIT SU,,
MA NA NI,,HPE LOI SHA GAW NAW TSUN JAW MU,,myu tsaw myit gaw n rawng,,hpa ji chye ai lam sha ,,A rawng ma la,,baw nu ga ta,A<B<C 1 2 sha chye na ,,sha ta mung na wa ai zawn,,ma re bu ga na n chye ai ni hpe wa ga wut sha mau re ai ,,mai gan na wa ai ni ,,zawn ,,dai ni hta grau naw ram ai,,,naw ma tsut jaw mu,,
A gar,,mung ma sa la ni she tup,,,
mau sa,,LAI KA KA AIWA ,,CHYE JU GA BA,,naw ra ai,,man maw ,,myit kyina ,,sha n ga,,yangoon mandalay,,ma lay singapo,,thai,,USA,,indianna,,bangalah desh,,,nipoh,,Iran,,miwa,,mung dan sha ra sha gu hpe naw ka bang U ,,,,nang ka da ai sha ra n law ai ,,naw jat U,,
Ta tut ,hta hprawng ,n gup hte ga wut hkawm ai ni mung grai naw nga ai,,n bung sa nat gap hkawm ai ma sha ,,dai ni hpe ma naw sha dum dat u
Ahhte shada hkum shapawt hkat mu Myen ni yu taw ai. Gara kaw anhte a ginkya ai lam hpe tam taw ai. Myu tsaw share ni ma grai ba na sai. Raitim naw shakut mu yaw. Anhte ma myo ga nga na lam myu mi hku shakut nga ai. Tinang tsap ai kaw na myu sha yawng a bangdung du hkra shakut mu law. Mara shangun ai ga ni kadai mung hkum ka mu. We are One.
Comment yawng hpe hti yu yang,tinang a myit hkam sha lam hpe nkam hkam di tsu jaw ai ni hkrai re hpe mu lu ai.
Lai za na Myu tsaw hpye la a myit hkam sha lam hpe yu yang, teng sha myu tsaw share shagan ni yawng hyen hpe laja lana rai n`gasat ai grai nan na lai wa sai hpe lai wa sai shaning kaw na ya 1ning mi du hkra jam jau,jam hkau rai yup ten nlu, sha ten nlu asak gashun let myu hte mung dan a matu shang lawt lu na matu laja lana rai gasat taw nga ai ten hta agi pang hte shang lawt hpyen la kaji kaba law law asak hkrat sum mat sai re.Karai mung ga hte yu yang,marai 300 hte sha gasat tim Karai Kasang lata la ai amyu ni re majaw n tsang ra ai nga ai mung Karai lam, makam ma sham lam hte yu yang gaw jaw nga ai hkap la ai.Dai majaw mung ya Myen tai hpung ni gade gasat tim Wun pawng shang lawt share shagan ni asak matut let naw lu gasat taw ai hpe mu lu ai.
N dailai ka hpe post ai Myu tsaw hpyen la a hkam sha lam hpe tinang majan n gasat ga ai re majaw sung sung tang tang dai ram gadai mung n chye na ya lu na re.Shi a hkam sha lam hpe myi chaw mu ai ni hte teng sha shang lawt hpyen la galaw ga ai ni gaw grai chye hkam sha ya lu na re. Lahta na Anonymous hte comment sa ai shadang langai tsun ai hpe ngai hkap la madi shadaw ai ...hpyen la ni a hkam sha lam hpe dai shadang wa chye myit ya nga ai..
Shing gyim masha ni gaw madu hte seng ang ai shara kaw madu tsap let garum ya nga ma ai jaw jau ya nga ma ai, Laja lana akyu hpyi myit dum ya nga ma ai.. nga yawng gaw tinang shang lawm galaw lai wa sai hpe Dai Myu tsaw hpyen la wa chye na hkra bai tsun jaw da ma ai.
Rai tim tang du sani? garum lai wa sai lam amyu myu ni Dai myu tsaw hpyen la hpe bai tsun jaw da ai ga si ni hpe ding lik myit yu ga!!
N kau mi ka da ai comment gaw si mani ai hte sang lang da ai, n kau mi gaw dagam ga she tsun hkra hkra tsun jaw da ai.An hte Wun pawng Myu sha ni yawng 1 sha ngu myit yang Shang lawt hpyen la langai a myit hkam sha lam hpe chye na ya let si mani ai hku tsun shaga ga...Tinang gaw hpyen majan pa de n sa ga n gasat ai majaw. Asak jaw du hkra n lawm ai.Ngun atsam, Ja gum hpraw hte myit masin ni hte sha sak jaw ap nawg taw ai ni rai ma ai.Ya she dai myu tsaw hpyen la wa ya na zawn shi a hkam sha lam hpe lai ka ka let tang madun da tim shi hpen naw gasat taw ai rai yang asak lawm mat wa ai kaw du yang mung du na ,n lawm yang mung n lawm na n chye tsun ai hpa majaw nga yang shi gaw asak ap nawng da chyalu Myu tsaw hpyen la 1ngai re majaw re.
Dai majaw comment ka ai hpu nau ni yawng kaja ai hku chye na ya myit ya ga..shi hpyen la n re sha kaga 1ngai hku na ndai lai ka hpe ka ai mi rai tim shi hte shi rai nga u ga.Shi tsun da ai lam ni gaw Hpyen ma ni a teng sha hkam sha lam hpe myit daw.yawn gadang wa di kapaw pru wa ai ga si ni re hpe kam ai...
Naw ram sai law.. atsawm myit yu ga dai sha re.
WP myu sha ni e...nang...mu jut kaba ai rai n'yang gaw n'dai myu tsaw hpyen la wa hpe mara n'mu na re ngu kam ai.nanhte anhte ni a n'sen hpe na mayu ai majaw shi a hkam sha ai lam hpe tsun shabrawng dat ai rai nga ai.shi hte kaga ngam nga ai KIA share shagan ni hta myit n'gun grai ra ahkyak nga ai.N'GUN JAWM JAW GA LAW...ASAK AP NAWNG AI HTE JA GUM HPRAW AP NAWNG AI GAW N'BUNG AI RE HPE MYIT DUM GA..
ASAK HTA GRAU MANU DAN AI HPA BAW NAW NGA A TA ? N'DAI MYU TSAW HPYENLA WA GAW DAI ASAK HPE MYU SHA YAWNG LAWT LU NA LAM HTA AP NAWNG TAW NGA AI RE LAW..
MYU SHA 1 , TSUN AI TENG AI MADI SHADAW AI ASAK AP NAWNG AI HTE JA GUM HPRAW AP NAWNG AI GAW N'BUNG AI RE HPE MYIT DUM GA! MASHA A ASAK RA MANU DAN AI HPA BAW NAW NGA A TA?
padang
Shanglawt brang aq laika lu hti ai zawn, shara shagu de na comment ni hpe mung hti yu ai hta shinggyim aq hkaw a hkang hte ang ai lam hpe hkam sha dan ai n dai laika hpe ngai nan shi zawn myu tsaw myit rawn ai re nga myit la yang, shi aq laika mung jaw ai ni lawm ai zawn, a mying gang shut ai mung lawm nga ai. Ya na zawn myu tsaw hpyen la ni hki ba jam jau hkrum ai lam yawng ma yawng gaw, Up hkang Lai wa sai Du kaba n kau ni aq tigyen a kyu nau tam shalai, mung shawa e kabai kau hkrum ai kaw, lapran nga hpyen la ni si hkrum , mara kata sat kau hkrum, teng sha ya ta tut byin nga ai m'jan kaw mung, shan hte aq makawp maga ai n pu hta e, ya na zawn shara shagu na makying jinghku ni refugee camp hta asak shim lum lam lu la ma ai re. N dai majan kaw myu tsaw myit kaba ai ni lawm ai zawn, myu tsaw myit shau ai ni lawm ai hta kachyi mi pi myu tsow myit n rawng ai ni lawm nga ai. Madu myu hpe pi bai sat n htang ai ni lawm ma ai hpe mu kajawng hkrum sha nga sai, KIA hpyen la ni ndai zawn ka wa ai gaw , mang hkang kaba hku shi hpe hkrai mara hta adawt taw na daw gaw, gara hku jawm sharai la na ngu, ladat shaw sa ai hpan she kaja na re. Hpyen la gaw Hpyen la re m'jaw hpyen la myit hte ka dat ai rai na re ngu sawn la kau, n gun jaw Karai Kasang kaw kyuhpyi mara raw ya ga .
De, Myu Tsaw Hpyen La , Laiza wa e,
Hkau ndai zawn hkam sha lam hpe anhte yawng hpe chye shangun ai majaw , na chying chyeju dum dik ga ai. Nanhte shakut ai daram anhte myo/maigan ga nga ai ni nlu shanglawm ai hpe gaw asan sha yin la nngai . Anhte myo/maigan ga kaw nga ai ni hpe mung shadum ai lam rai nga ai . Anhte a ban hta tawt lai , gun hpai ra ai labau lit hpe anhte yawng jawm gun hpai let Karai Jaw ai Wunhpawng Mungdan hpe Jawm gaw de sa wa ga law.
Anhte ni yawng shada da n-gun jaw , hpaji jaw , shadum sharai , lam madun ai hte pandung langai , de du hkra shakut sa wa ga .
Anhte yawng a ntsa Hpan wa Karai Kasang ngwi pyaw sim sa ai lam tut e shaman ya u ga ngu akyu dat nnngai.
Ndai zawn tinang a ningmu ni hpe ka ai gaw grai wa shut ai lam gaw nrai nga ai. Myu Tsaw Brang kaw nna Mare kaba Myo kaba e shanu nga ai WP Myu sha ni a shamu shamawt galaw shanglawm ai hpe nchye ai majaw re ngu nna mu mada maram lu ai. Shawnglam majan pa e ta-tut gasat gala let dai hpyen, mung sha-ngyen wa hpe ninghkap shagrawp ah ngyawp nga ai re majaw yup jang jang kaw si hpang gara ai ten ni law law lang rai wa ai ten hta shingdu de na garum la na, malai bai sa nna gan sah la na ten ni hpe sharawng wa ai ten ni hta ndai zawn nga myit ni gaw gadai kaw mung nga chye ai. Dai re majaw Tsaw ra ai MyuTsaw Brang a laika hpe chye na ya ai law.
Raitimung, Ndai laika hpe kaja wa shawnglam kaw ta-tut shakut nga ai brang wa ka ai nre sha, shani shana computer sha yu azi nga ai magam gun mung nre ai masha langai ngai ka ai rai yang gaw ANHTE WP MyuSha ni grai sadi ra sai. Anhte gata kaw sumprat bang mayu ai masha nga sai/ nga nan nga taw sai ngu ai hpe dum ra sai.
Hpa majaw nga yang, ndai laika gaw shawng lam na MyuTsaw Share Shagan ni hpe myit daw shangun ai, dai hpyen wa hpe anhte gata e gahkyin gumdin lam nnga ga ai ngu hte dai hpyen hi hpe myit n-gun rawt shangun ai, Ta-tut magam gun ai share shagan ni hte mung shawa hpe myit garan shangun ai lachyum ni rawng nga ai.
Dai re majaw blog a admin ni hku nna mung edit galaw nna she ka mara ai hku galaw jang grau nna htap htuk ai ngu mu mada ai.
De Laiza na Myutsaw Mungtsaw Share shagan wa e,
Nang ndai zawn nga ai laika ka dat ai majaw, Mungkan ting chyambra nga ai WP MYU SHA ni yawng a myit hta "jawng" nga mat ai hku re. Yawng hpe myit hprang shangun ai daw mung lawm ai zawn nau wa nmanu ai daw mung lawm ai. Shat kaw Yu hkyi lawm ai hpa re. Shat gai mu ai majaw kan she ting nga hkra sha dat ga ngu nna hta magra dat yang, Yu hkyi lawm taw ai majaw nmai sha ai zawn ganoi rai taw ai hpe mu lu nngai. nang, Myutsaw share shagang Brang wa hpe mung loi mi san mayu ai:
1. Nanhte WP Mungdan shanglawt lu hkra nga nna shakut nga ai ni, kaja wa myit htum mat sai i?
2. Nanhte ni WP Mungdan shanglawt lu na matu shakut nga ga ai, ngu nhkam la ai i?
3. Nanhte hpe KIA/KIO Du salang ni U Raw kata na U zawn rawng tawn da nna, diplu dipsha roirip ai lam nga ai i?
4. KIA/KIO hpyendap gata n-gun (masha, laknak, zai ladat) kaja wa nnga mat sai i?
5. Lit nga ai Du Salang ni Padang Hkrunlam hpe masa/masing jaw ai hku sanglang dan ai lam nnga ai i?
6. Tsawra ai Myutsaw Brang wa gaw, mungkan masa, myen mung a masa, Jinghpaw WP mung a masa, WP myusha ni a Padan Hkrun lam majan hte seng nna hkamla ai masa lam ni hpe nNa, nChye, nLu hti, nLu madat ai i?
7. Nang kaja wa teng teng Ta-tut gasat pa shang nga ai wa gaw re i?
8. WP myusha mung shawa kaw nna, htai ai nsen ni hpe nang kaja wa gaw hti nga ai i?
9. WP mung shawa ni kaw na mahtai gaw nang langai a matu gade daram akyu rawng a ta?
10.WP mung shawa a mahtai gaw Padang Hkrum Lam Majan a matu gade daram akyu rawng a ta?
akyu nnga mai ai (or) akyu pru na lam nnga na zawn re ai laika, gamung, shiga, nsen, etc...ni hpe gaw shayawm nna, Akyu nga ai lam hta myit hkrum mangrum let shakut sa wa ga law.
Post a Comment