June (19) bat Lahkawng
Wunpawng Mungdan Shanglawt Asuya Sam Mung Daju Dap Ba (4) up hkang ginra rai nga ai Chyukok Pangsai mare na myen mu-yit Balik dap hpe KIA myu tsaw share ninghkring ni June (18) ya jahpawt daw hta sa htim gap ai lam hte myen balik (3) si hkrum lai wa sai lam shiga na chye lu ai. N dai zawn myen balik dap hpe sa htim gap ai hte KIA myu tsaw share ninghkring langai mi hkala hkrum ai majaw ya ten tsi tsi hkam la nga ai lam na chye lu ai.
Matut nna, June (18) ya shana daw hkying (2:00pm) jan ram hta Wadin Kapna lawu na Nam Hu ngu ai Sam Kahtawng makau hta mung KIA myu tsaw share ninghkring ni hte myen tai hpyen ni gap gasat lai wa sai lam shiga na chye lu ai. N dai majan hta myen hpyen la (10) si hkrum nna law law mung hkala lai wa sai lam hpe na chye lu ai.
3 comments:
Awng padang dip la lu ai shawng lam na myu tsaw share shagan ni yawng karai kasang a makawp maga ai n pu hta yawng ngwi pyaw hkam ja nga mu ga .Karai kasang hte htep lahti rau nga ai ni gadai mung lam shagu hta awng dang ai lam lu na sha nga ai.Du daw sai hkaw let myu hte mung dan a matu shakut shaja nga ai myu tsaw hpyen la ni yawng hpe karai kasang tut bau sin nga u ga..
Grai na n gun lu ai law. KIA hpu nau ni hpe grai arawng la shagrau ai law.
Karai Kasang jaw ya ai atsam ningja hte Anhte Pawngyawng myusha ni hte bu ga ginra ni hpe makawp maga nga ga. Tsawra hpu nau ni yawng hpe Karai Wa kaw na ngwipyaw kabu gara simsa ai chyeju mung jaw ya nga u ga law.
Dai hkan ni machyu pala shama hkam nna balik dap hpe sa gap taw ai gaw....... Tinang shawng lam hkan Mung masha ni hpe roi rip hkawm nga ai ni hpe htim gap yang grau akyu nga na re ngu mu mada ai.
Post a Comment