June (8) bat Manga
Lashio daju Lashio daju myen hpyen asuya hpyen da hk-l-y (68) na Du Kyaw Haing wa woi awn ai hpyen hpung na hpyen la marai (6) gaw, Shanglawt KIA hking bu hpun nna, Nampakka - Humung ninghtawn, Hanggai mare na Slg. U Ze Ya a nta kaw, jahpawt (3:00am) daram hta gumhpraw sen (13) hte ja ta chyawp langai mi hpe atik anang shang gasawk mya la mat wa ai lam na chye lu ai. Dai Shanglawt hking buhpun da ai myen hpyen la ni gaw myen ga shaga ma ai rai nna, marai (6) hta na marai (4) gaw sinat laklak hpai ma ai lam myi chyaw mu dum nta masha ni kawn tsun sha na wa ai. Myen hpyen la ni gaw Kutkai - Lashio lam ntsa hta hkawm sa/wa galaw ai modaw ni hte mung mare masha ni kaw na gumhpraw shagyip shagyeng mya sha ai lam jahkring hkring byin nga ai lam na chye lu ai.
0 comments:
Post a Comment