NACHYING MATSING HPA

(1)    Dat n-gun htam mali jat,
                  Wunpawng Ramma ni hpe sat;
                  Wanglu wanglang dut shabra,
                  Htam sanit grau she jat wa.
              (2)     Sut-su ai kashu kasha,
                        Ja gumhpraw rau manai ya;
                        Kanu Kawa m'tsan mat hkra,
                        Rim dat shaw dat galaw ya;
                        Kachin lu su n kam yu,
                        Tsadan zingrut htu ai lu!
(3)   Matsan mayan Ma ni tup,
                  Daw hten hkra zingri adup;
                  Bungli n mai g'law sha hkra,
                  Prat tup jam jau jaw kau ya.
               (4)   Wunpawng Ramma nanghpam-ya,
                        N mu masu su di da;
                        Lau lu lau si mat mu ga,
                        Mu tim ahkyak n la sa;
                        Tsawra amyit n madun,
                        Hkum di hkum rai ngu n tsun;
                        Kaga Ramma ni hpe gaw,
                        Shadum jahprang ma ai yaw.
(5)   Tsang 10 sanpoi sha-awng m'su,
                  Dakkasa du jang hkap d'ru;
                  Wunpawng Ma ni gaja loi,
                  Ka-ni nanghpam de hkroi hkroi.
               (6)   Mare Kaba Wunpawngsha,
                        Katsi majan gasat ya;
                        Nam Kahtawng na Wunpawng hpe,
                        Mu shara kaw sat shakre;
                        Amyu shamyit masing dai,
                        Tsadan a ladat rai sai.
                                     (7)   M're kaba Wunpawng Ramma,
                  M'sha lahkam n dep mat hkra;
                  Bawnu j’htentsi shabra ya,
                  Dasang sang galaw shapraw,
                  Manu hkyamsa hte dut jaw; rai nga ma ai oi.


Ya.....!             Wungpawng mungdan asuya kawn,
                         Nanghpam pat j'san galaw tawn;
                         Hpyen magam gun magrau grang,
                         Majan gasat grai awng dang;
                         Lagu lagut hkoi mat wa,
                         Anhte a mare buga.
                                                Ka-ni hkai sha ginra hkan,
                                                Malai kaja li garan;
                                                Hkailu hkaisha sharin ya,
                                                Ka-ni yi ni hkoi mat hkra;
                                                Dut lu dut sha pat jasan,
                                                Masing kaba she woi gran rai;
                                                                                    shakut nga ai rai.
Goi!  ya......
                        Ga’gawp hpungdim dat mayu,
                        Matsing sumhting da ga lu!
                        Nang Wunpawng Jet ai rai yang,
                        Sai chyup ai kaw hkum lawm nang;
                                                Ka-ni nanghpam ninghkap na,
                                                Nang nan shawng de shang lawm ra;
                                                Hkai lu hkai sha dut shabra,
                                                Lu lang sha lang hpe kau da.
                        Tai a myu sh'myit m'jan daini,
                        Rawt m'lan kau lu hkra shakri;
                        Nang hte Ngai nan n lawm n mai,
                        Myu hpe makawp la ra sai;
                                                Tai masing kadawng mat hkra,
                                                Myu Tsaw Myit Rau Le I Ya..........

                                                                                                 Shanglawt Tsing
                                                                                                 26.6.2012