June (13) bat Masum
Jinghpaw Mung kata Sut Du Yup Zau Hkawng woi awn ai simsa lam jahta hpung ni hte Myitkyina na Ramma ni hkrum zup bawngban jahta lam hpe June (11) ya shani Myitkyina kaw galaw la lai wa sai lam shiga na chye lu ai. N dai hkrum zup bawngban hpawng hta Sut Du Yup Zau Hkawn woi awn ai simsa lam dak kasa hpung ni a galaw lai mat wa sai lam ni hpe tsun sanglang dan ai hte Ramma ni kawn mung chye mayu ai lam ni hpe san jahkrup la lai wa sai lam shiga na chye lu ai. N dai simsa lam dak kasa hpung ni gaw KIO Asuya hte myen hpyen asuya a lapran byin nga ai majan hpe simsa wa hkra lapran shang jahta garum ai hpung ni re lam, n dai hpung hta Sut Du Yup Zau Hkawng woi awn ai nna Slg. Hkapra Hkun Awng, Slg. Nshang Hku San Awng, Slg. Lamai Gum Ja ni shang lawm ai re lam re lam chye lu ai. KIO Asuya hte Myen hpyen asuya ni a lapran majan byin wa ai gaw laning mi jan wa sai rai nna, myen hpyen ni hte law law lang hkrum shaga bawngban wa sai rai tim dai ni ten du hkra myit hkrum lam rai n lu la shi ai hpe mung matut chye lu ai.
3 comments:
Myitkyina mare kaw shanu nga ai nu wa jinban ni yawng ndai zawn bawngban ai hpe mu mada ai majaw grai kabu sai ,matut nna jaja mungkan rapdaw du hkra mung tang shina lu hkra maigan nga amyu sha ningbaw ningla ni hte matut mahkai nna nhkrit ntsang galaw sa wa lu hkra mung jawm matut galaw sa wa yang kaja dik htum re ngu mu mada nngai .
Lauban yup wa hpe ngun jaw ai law,ramma ni chye mayu ai lam ni hpe atsawm nshut hkra tsundan u yaw .simsa lam hpe bawngban ai hku nre awmdawm shanglawt hpe lu hkra shakut ga ngu lam madun la u dai gaw number one re hpawng chyu hpawng lachyum pru ra sai yaw.
kaning rai nna mi jinghpaw salang ni lapran salang galaw ma ai da i.wunpawng myu sha ni hpang maga tsep kawp tsap ra ai aten rai nga ai.Nang lapran salang tai sai hte gaw anhte shanglawt hpyen la ni hpe madi shadaw ai lam n nga sai gaw e..sung sung myit yu ga.
Post a Comment