Slideshow Image 2

SLG. BRANG SHAWNG HPE MYEN NI RIM ADUP ZINGRI

June (21) bat Mali
Jinghpaw Mungdaw Myitkyina mare kaba na Janmai Kawng hpyen yen Dabang kaw du nga ai Slg. Brang Shawng hpe Myitkyina na balik ni June (17) ya shani sa rim woi mat wa ai gaw dai ni du hkra dat ya ai lam n nga shi ai lam na chye lu ai. Slg. Brang Shawng hpe sa rim woi mat wa ai shaloi gaw san jep ai hta lai nna hpa mung galaw na n re nga tsun lai wa ai rai tim hkyuk de du ai shaloi tsayahpa ni kawn grai a dup zingri hkrum wa sai lam hte malu masha mung n jaw sha ai sha zingri sharen da ai lam shiga na chye lu ai. June (21) ya shani Slg. Brang Shawng hpe Janmai Kawng tsimyam dabang de jahkring woi wa nna, camp kata kam ai hku shang shalu la, sumla hkrung ni dem la rai mat wa ai lam shiga na chye lu ai.

3 comments:

Shatapru Masha said...

ႊTai hpyen ni gaw hpyen ladat galai nna ndai zawn hpyen yen zin yam ni hpe pyi nhkyemsa jaw ai sha, anhte WP MYU sha ni hpe gasat gala nga ai re. Nam de gaw hpyen hkring bu hpun ai ni gasat gala masha sat, mare nat, yi sun hkauna nmai galaw hkra sharu shatsang galaw nna, mare gata, myo gada e gaw police (Pyada) hkring hkring nna rim zingri ai lam galaw ai rai ma ai.
Anhte WP MYU ni gara kaw mi nga yang nga, shanhte gaw jahte tam, mara tam nna rim, gasat galaw na sha re. Myen a mayam (or) shanhte ra ai hku hkan ai ni hpe gaw ahkaw ahkang jaw nna MYU SHA shada da sat nat, sai chyup sha-ngun na rai nga ai.
Anhte WP myu ni mung hpyen ladat galai ra sai. Mare Kaba, Myo (Myitkyina & Manmaw) e nga ai ni yawng mung rawt malan ai lam hta shang lawm sa wa ra sai. Ireland ni galaw ai ladat hpe mung hpaji la nna galaw ra sai. Nam e mung, Myo e mung hpyen man hpaw nna TAI HPYEN ni hpe shamar shakyin nna, gara maga gaw jet ai hpyen man ngu ai hpe nchye hkra galaw ra sai. Si na hpe chyu hkrit tsang nga nmai sai. Jinghpaw Wunpawng Mungdan ting majan wan shahkawng dat ra sai. Dai rai jang she UN Security Council ni mung shang hparan ya wa na, rau hpawng nga na nmai byin yang mung awmdawm ai shanglawt mungdan ngu nna shangai shapraw la lu wa na re.

Ya na zawn, TAI hpyen ni U raw gata na U sat sha ai zawn, rim mayu ai ten sa rim la, sat mayu ai masha hpe mara gata bawm gapaw sat, gap sat di ai hpe lat nga na i?

Kadai wa, anhte hpe garum lu a ta?
cheif minister wa lu garum ai i? Shing nrai Daw Bawk Jar wa garum la na i? Aung San Su Kyu hte anhte ni hpa daw ga ta?
Grai sanglang ai ga shadawn langai mi madun dan mayu ai. Discovery (or) Animal Planet e galoi mung madun dan nga ai.
Sharaw (tiger) gaw nam kaw nga ai NGA NGAWK(ေတာကြ်ဲ) uhpung hpe shachyut masu wu ai(ဟန္ျပတိုက္ခိုက္). Shaloi hkrit sha chye ai nkau mi gaw dumbri dumbra rai hprawng ayai mat ma ai. Dai shaloi rai jang she sharaw gaw shi rim sha mayu ai NGA NGAWK hpe loi loi sha hkan nna rim sha kau ai. Nhkrit ai sha, sharaw sa wa ai lam maga de yu nna rau sha tsap let lat nga ai NGA NGAWK ni hpang de dai sharaw nsa htim ngwi ai hpe mu ai. Du sat rai nga ai ndai NGA NGAWK(ေတာကြ်ဲ)ni pyi hpyen wa hpe gara hku ninghkap gasat na ngu ai hpe myit hkrum let ladat shaw shakut jang awngdang lawt lu ma ai.
Grai ahkyak ai gaw "Hpyen wa hpe shingdu de nmai da ai" (ရန္သူကိုေက်ာမေပးနဲ ့).
Anhte WP MYU SHA ni NGA NGAWK(ေတာကြ်ဲ)daram pyi machye machyang nnga sa ni?
Karai Kasang jaw da ai atsam hpe njai lang ai sha, gaman lila shatai kau na i? Karai Kasang jaw da ai atsam hte Karai Kasang a lam madun garum la ai hpe nkam ai i?
Ahte a Awng Padang Yehowa Karai Kasang nrai ni?

Myit hprang wa nna mahtai kaja, mahkrun masing kaba hte myithkrum shakut hpang wa sa ga law

Anonymous said...

Um grai kaja sai,Ndai zawn myit hprang wa na matu hta myi de nga ai HPung sara/ma ni myi hpaw wa ra ai deng jang gaw byin wa na ra ai.Hpung sara/ma ni hkrit nga dingsa dai Buga hpung masha ni mung hkrit taw nga na sha re. zim sha nga tim rim sat hkam na malai gaw sinat lang de ninghkap ai gaw kaja dik htum ladat rai nga ai.
K.K tut lam woi nga ai hpe mu ga ai majaw ta tut rawt malang yang K.K anhte maga lawm sana re hpe kam jang awng dang na re. Ginjaw matsun hpe mung madat yu ga.

Maling Rawngba said...

Hkau ni e..,Sharang jin wa jang gaw yawng htim gasat ai hku she di wa yu sa ga.Moi American ni Vietnam hpe prat tup gasat tim n dang ai gaw mung chying sha yawng jawm ga sat ai majaw, mungkan hta n gun gaba dik ai American pyi n dang ai re.An hte yawng mung Vietnam ni a myit hkrum mang rum ai lam hpe kasi la let lam shagu hku n na gasat sa wa saga.

Post a Comment