Slideshow Image 2

TSAW RA AI WA

Tsaw ra ai Wa
Annau ni hpe grai tsaw ra
Shim lum ai prat the shi pawn ba
Ra rawng ai lam hpa mi nnga
Tsaw ra ai Wa

Tsaw ra ai Wa
Buga hpung a daw nu
Makam nbung laru tim shi n shamu
Pai de hkra de shi n yu
Abraham Yawba hte bung ai makam mungnu,
Tsaw ra ai Wa

Tsaw ra ai Wa.
Makam ningbaw mung wa tai
Tsin yam lakawn ai de mung n hprai
Kade jam jau tim ga the n gun jaw
Maden hpyen zingri ai sha gaw myit ndaw
Tsaw ra ai Wa

Tsaw ra ai Wa
Htunghking hpe mung sharing ya
Ginru ginsa mung chye ra ai nga
Jaiwa, laka, zamgaw, kajibyu mung madun
Wunpawng sha yawng pu sin dun
Tsaw ra ai Wa

Tsaw ra ai Wa
Sut su ai kawa mung shi tai
Hkam ja zet let mung dik ai
Hkum n pyaw nna Kaman n nga
Sut su lu na hpe ayan maja
Tsaw ra ai Wa.

Tsaw ra ai Wa
Mung masa hta mung woi awn ningbaw
Wunpawng myit hkrum lam shi aw law.
Sai garan ga hpe shi n madat
Ninggawn mung shawa masa chyu manat,
Tsaw ra ai Wa

Tsaw ra ai Wa
Tai hpyen a mahkam hta shi n shang
Kade lang bawng tim wa hkrai dang
Hpyen wa gaw ningbaw galai nna matut
Wa gaw ninggawn mung shawa masing the hkrai a nut,
Tsaw ra ai Wa.

Tsaw ra ai Wa
Annu ni hpe kau tawn da
Ba Yi sha mi hta hpye la
Sai chyup mung maden hpyen hpe gasat
Karai mungga hpe mung n tat
Tsaw ra ai Wa

Tsaw ra ai Wa
Amyu sha yawng hpe makawp maga
Padang hkrun lam hpe lit la ya.
Tai hpyen a pala hpe aye n la
Tsaw ra ai Wa

Tsaw ra ai Wa
Wunpawng sai hpe manu shadan
Shan kata na byet shaga tim n htan
Myu bung shada galoi n gasat
Maden hpyen hpe madu galoi n masat
Tsaw ra ai Wa.

Kawa yawng hpe arawng la let

Agu Namti

1 comments:

Anonymous said...

Karai Kasang Wa hpe chyeju dum ai.. Karai mungga lam hta myu hte mungdan shanglawt rawt kalu kaba lam htamung dinghku hpe bau rem ai lam hta mung, myu hta htunghkring lam hpe pawnba ai lam yawng hta kam ging ai dinghta kawa ni tai ga law.

Post a Comment