HKA LUM KAW BALIK NI HTE GASAT

July (6) bat Manga

Wunpawng Mungdan Shanglawt Asuya Sam Mung daju Dap Ba (4) npu Dung (36) na KIA myu tsaw share ninghkring ni gaw dai hpawt jau jau hkying (4:00am) ten ram hta Hpai Kawng lahta na Hka Lum kaw lai wa lai sa ni hpe gumhpraw hkap hta sha sha re ai myen balik dap hpe sa htim gasat lai wa sai lam shiga na chye lu ai. KIA myu tsaw share ninghkring ni sa htim gasat ai majaw myen balik ni gaw Miwa hkran de hprawng rap mat ai lam hte, hprawng rap wa mai myen balik ni hpe Miwa hpyen la ni kawn sinat hte hpawn hkap zing da ai lai wa sai lam hpe mung na chye lu ai. Lak lai ai lam gaw Cycle hte simaw simai gat rai htaw dut hkawm ai masha ni gaw sinat hpai ai myen balik ni rai taw ai lam hpe dai hpawt mu chye kau ai lam shiga na chye lu ai. Bai Manmaw - Loi Je lam hkan mung myen hpyen la ni she mawdaw gau sha nga ai lam hpe matut na chye lu ai.