Slideshow Image 2

JET HTE N JET

                        Mungkan ntsa, Grai law hkra;
                        Jet hte n jet, N mai shakyet;
                                         K’lang lang shut chye, Bung nna le…..;
                                         Jet ai mi re, N jet mi re;
                        Ai rai myit yu, Shut dam na lu!
                        Nampan jet, Nampan n jet;
                                         Aja jet, Aja n jet;
                                         Tsaw myit jet, Tsaw myit n jet;
                        Jinghku jet, Jinghku n jet;
                        Simsa jet, Simsa n jet;
                                         Mungmasa lam, Grai shanyam;
                                         Myi pat da hkrum, Jet n mu dum;
                        N jet ai she, Jet ai hte;
                        Jet nga ai hpe, N jet hku she;
                                         Amyusha lam, N chye na hkam;
                                         Shawa a matu, Akyu n pru;
                        N tara – tara, N chye hkam sha;
                        Roi rip nga, N chye na;
                                         Sai chyup tim, Majing grim;
                                         Tai dat grung, Tai hte bung;
                        Simsa ra ai, N gun madun chyai;
                        Ajet matu i? N jet matu i?
                                         Ga baw wa, Ginhka n da;
                                         N madun taw, Mai na maw;
                        “ N ra ai, Simsa n jet;
                           17 ning – namchyim ret;”
                                         “Simsa ajet ra ga ai”
                                           Shawa n-gun madun mai.


                                                              Shanglawt Tsing
                                                              28/7/1012

1 comments:

Mau Jin mau Jin said...

Grai hkrak ai ga shagawp re nga ai. Myit su wa aq ga shagawp hte gindai ni yawng gaw, manu dan dik ai le. Grai n gun kaba lu, ai tim KIO ni galaw nga ai lam gaw jet ai mahtang kun, n jet ai mahtang kun? Mung shawa myit ai hku n byin, shan hte ra au hku she mung masa shagrin chyai she rai nga ai law.

Post a Comment