July (12) bat Mali
"Laiza Gasat Na Masing Nnga Ai" ngu nna lang hte lang myen asuya nigbaw ni tsun ai ga gaw kaja wa nga yang "Gasat Na" ngu ai rai nga ai, KIO/KIA ningbaw ni myen a ga tsep kawp hkum madat mu, simsa lam shaga ai gaw si mani ai ladat hte yawng hpe sat shamyit kau na ngu ai masing sha re. Dai majaw simsa lam jahta magang myen asuya dap ni Jinghpaw mung de jat magang, gasat poi grau laja wa magang re, myen hpe nkam na matu makam masham de na sara kaba ni lang hte lang tsun shadum nga ninglen shanang ai rai yang byin wa ai manghkang ma hkra ningbaw ni a lit rai na re, tara hkam tai wa na re. Mung masa ajet ngu ai gaw tinang amyu sha ni a lamu ga hte ahkaw ahkang ni hpe makawp maga, hpyen wa a lata na hkye shaw la lu ai hte lamu ga hpe ntat kau ai sha makawp maga da lu ai hpe she mung masa ngu ai re. Ya gaw tinang lu da ai lamu ga ni shani shagu tat hkrai tat, yen hkrai yen kau ya, dai hpe jet ai mung masa ngu na kun? Dai hpe awng dang ai naw ngu na kun? Myen asuya gaw maga mi de KIO hte simsa lam jahta nga ai rai tim maga mi de hpyen dap grai shagreng shajin taw nga sai re, myit n-san seng ai ladat hte KIO hpe simsa lam shaga nga ai re.
Lama na simsa lam awng dang mat nna gap hkat jahkring ngut ai hpang myen gaw shanhte nju ai KIO ningbaw ni hpe langai hpang langai mayun sat shamyit kau na sha re, dai daram jahtum na mahtai (final result) hpe chye nga ninglen myit naw galu nga na kun? Majan gasat ra sai, majan hpe astawm sha bawnu nchyan shaw nna Ntsa tsang Ningbaw ni nan woi gasat ra sai, ma ni hpe hkrai mung hkum kam, ntsa tsang ningbaw ni nan shang lawm ra sai. Hpyen masa hkrat sum yang mung masa hpa di sana, hpa galaw lu na, hkrat sum ai wa hpe mara ma hkra shagun mara ya na sha re, dai majaw majan mung dang ra ai, nmai sum ai. Tinang hkum tinang nau wa ladu lai hkra zen dum jaw dum rai wa yang mung hkrat sum na ten ni wa sai ga re, shagrit shanem let tinang kam ai Karai Kasang hta manoi let matut shakut sa wa ga.
11 comments:
ngai mung madi shadaw lawm ai hku re.myen hte mung masa jahta ai lam ngai mung n.chye na ai.mung dan gasat dila ai majan kun?munghpawm shabin ai majan kun?maduyesu amying gang n.na gadsat yang awng dang ai lam law lawlu nga tim,myen hte jahta ha kajai.mung hpawm a matu myu sha ni a sai jai lang na kun?
Myen ni hte bai jahta chai ai lam sha re na re. A ten shama shyi ga sha shamung da na matu bai re wa na yaw.
Myen ni gaw galoi mung gagar a.myu ni myit lawm hkan jahta wa yang simsalam jahta taw nga ai nga shyiga bai shamung nna hpang kaw na gaw majan grau shaja wa ai sha mu taw nga.
Ngai mu mada ai gaw shyiga kaw gaw simsa lam jahta taw sai nga yang maigan wa mung bai zimmat wa re na matu sha re.
maigan wa nmu mada na hku yawng hpe aww ya gaw simsa hkyen masai nga ai myit pru wa na matu shyiga masu shana matu,shyiga kaw shalawm shana matu sha re.
Daimajaw simsa ai lam jahta nga ai nga shyiga dap ni hkan n.shapoi ai sha jahta ngut na mahtai lu ai hpang shye ndau ai baw re.
Myen ngu ai, chyum laika hta tsun da ai matu n gadaoi ai amyu ngu ai ni nan rai sai. Dai ni kade byin dum, n gun ja dum, mung masa grai chye dum tim dut sat hte maren sha re ngu ai hpe anhte karai a kasha ni hkam la chye ra ai. Dai lam Davi hkawmhkam naw kaji ten Goliat hpe shi sagu rem ten sat ai hkang hki zawn sha nawn nga ai. Dai majaw hpa galaw tim Karai a mying ning sang hte galaw yawng teng sha awng dan chya lu re. Gasat yang mung awng dang na zawn, mung masa ga shaga yang mung awng dang chyalu re.
La hta na ma ni tsun ai jaw ,nga ai ,,Tim ,,hka ding sen ,10 ram pyen shang wa na ,myen hpyen dup ngu ai yawng hpe wan hkut ,sha byin dat Yang ma nan hte tsun ai ga ni ,Aw """ n hte ning mu ,,,,,nau gyip ,nga ai hpe dum na ,,,,,
Myen ni KIO hte simsa lam hpe myit galu let bawng ai ngu ai gaw, mungkan a man e shiga ningmu shatsawm tawn nna, myit hkra gasat kau na ngu ai lam teng ai. Lani mi machyi sum nna yawn taw jang anhte grai myit galu kaba hte (pyi-htawng-tsu tseit-dat) hte grai simsa lam bawng sai, du ja ai majaw kaning n chye di ai, ngu na matu re. Karai n hkraw ai majaw sha ya du hkra hkap manga lu ai lam re. Bai nna, maigan mungdan langai ngai kaw na democracy reform lahkam hku nna KIO hpe shamyit kau na matu laknak karum ai (shing n rai, mari la) lu na matu lakang ninggam jahtuk nga ai lam sha re. Bai KIO ningbaw ningla kaba ai ni majan hpe myit na malai, simsa, mung masa bawng na lam ni myit nna hpyen ladat de gawngkya ningra wa ai hte n myit mada ai ten, n myit mada ai ladat hku shakrip kau na hpe tsang ra ai. Kade htu tim n lu ai hku shakam nna, grai loi ai ladat hte htim gasat kau hkrum na hpe tsang ra ai. Ndai daram ninghkap da lu ai hpe hkungga shagrau ai rai yang n dum n sadi ai kaw katut sha mat na tsang nna hpa-awn kaji kaba yawng hpe hkungga myit hte shadum dat nngai.
Gasat ga, gasat ra sai hkrai nga taw mu.machyu pala n lu ai nga nna kade lang tsun sai ta. kade yak ai ngu ai gaw shanglawt hpyen la langai mi sinat pala 30 pi tsam mari she garan lang nga ai da. dai hte hte myen hpe gara hku sa gasat na mi. Nau hkum jawp mu ningbaw ni shanhte galaw ai shanhte grau chye ai.....
Machyu pala mari na matu garum la na she myit mu.
Ngai gaw Pang Lung law, federal law, Union (munghpawm) law nga ai langai mung nkam madat mat sai, kraw galau mat sai, anhte Jinghpaw Ni hkrai sha nga mat mayu sai, asan sha garan pru mat mayu sai. Ndai wa tsun ai mung lachyum pru nga ai, Myen mung a mung masa gaw jahtum e gap hkat na zang ayai na she hkyen nga sai, hpa majaw nga yang ya mug hpyen dap gaw naw sumri jum up-hkang nga ai re. Dai majaw amyu baw sang ni yawng jawm ninghkap ra ai gaw myen hpyen dap hpe sha re.
Jinghpaw mung a lawan awng dawm ahkaw ahkang lu wa u ga myit hkrum ga. Ningbaw kaba ni e WP myu sha shawa tsun jahta ai hpe mung ja ja aye la nga ga. Lam shagu hta sadi let hkawm nga ga. Shiga madat magang Myen sit shang magang. Hpa majaw myen hpyen dap shara law law naw du gabye da nga ai kun? Grai tsang wa sai law.
Mahkra hpe dang ai mahkra hpe chye ai Karai kasang e anhte WP myu sha ni hpe myen hpyen a lata kaw na tsep kawp lawan hkye la rit.Myen hpyen dap ni hpe Myen mung htumpa de lawan gawt shapraw kau ya rit. Myu sha ni a hkrap ngu hkrap ngoi ai nsen hpe madat la ya rit.Zeng ri sat nat ai prat kaw lawt lu ga akyu hpyi nga ga ai. Madu Yesu e anhte hpe matsan dum la rit law.
Lahta na comment hpe kachyi mi dinglun mayu ai. Pala 30 shi hta marai langai sha gu dek garan lang ai gaw jaw yang jaw na re, raitim du magam myit n rawng ai laban ga hte comment jaw ai ni hpe nau hkum jawp ngu tsun dat ai hteng shi kaw rawng ai myu tsaw myit hkrat sum mat sai hpe madun dan nga ai. Kaning rai na myen hpyen hpe gasat na hkrit bu ai re kun gaw madu hkum nan madu n gwi ai myit hte masha ni aq myu tsaw myit kridung hpe dai comment hte a chyaw hkra ya ai baw laika n ka yang kaja na re ngu mu mada ai. Ningbaw ni hkrai zuphpawng hpawng ti an-hte wp ni aq gam maka hpe maka shatsawm hparan na gaw n loi ai bingli re. Yawng mayawng hkap la ai mung masa hpyen masa she jet ai padang majan hta awng dang lu ai re. Hpa rai na me pala n lu ai, n gu nlu ai hkrai jahta nga aq ta? An-hte wp ni n lu ai, matsan jam jau hkrum nga ai gaw moi kaw na rai sai, dai lam ni yawng gaw myen asuya aq m'jaw re, n chye ai kun? Poland mung dan hpe german ni maden je up sha nga ai ten, dai poland rawt malan hpyen la ni hpe htuk ya ai pa mali hta' hpyen la langai na matu sha re. Malu masha hpang gara ai gaw kalang sha hkam sha kau masai, de aq hpang daw de mungdan lu ai myu byin wa ai hpe dum ga. Tsundan na grai nga tim n dai kaw jahkring dat sai. Chyeju kaba sai.
Post a Comment