Slideshow Image 2

KIO/KIA NINGBAW NI HPANG DE

Hkungga tsawra kam hpa ai KIO/KIA ningbaw ningla ni hpang de,
 
Ya yang myen asuya gaw KIO/KIA hpe gara hku shamyit kau na, yeng seng kau na sha myit nga ai ten re, simsa lam bawngban ga nga ai mung dai masing kata kaw sha (agenda) masing langai sha re. Teng sha simsa lam hpe ra sharawng ai rai yang gaw ya na zawn KIA ginra makau ni de laknak, malu masha hpyen n-gun ni sa ai lam dawm kau ra na re, rai tim ya gaw lani hte lani KIA ginra de machyu pala, malu masha hte masha n-gun sa dingyang rai nga ai gaw simsa lam nra ai lachyum rai nga ai. Dai majaw KIO/KIA ningbaw ningla ni simsa lam bai matut jahta na n jahta na lam hpe sung sung li li myit yu na she galaw sa wa yang mai na re. Ya yang ra ahkyak nga ai gaw hpyen majan masing hpe yawng atsawm sha jawm woi jasat nna hpyen masa hpe grau n-gun dat sa wa ra nga ai, hpyen masa hkrat sum mat yang anhte a mung masa lam mung hpa lachyum npru hkrat sum mat na sha re.

Dai majaw KIO/KIA ningbaw ningla ni ya yang gara madaw grau ahkyak ai ngu hpe atsawm lata la nna gwi gwi woi awn sa wa ra sai, hpyen masa lam hpe atsawm ladat jaw jaw hte woi awn sa wa na hpe dap shawa masha yawng mung, mung shawa yawng mung ra sharawng nga sai. Tinang dap kata hpyen dap zinlum ai lam ni hpe moi na zawn kalang bai asak jahkrung let woi zinlum sa wa na hpe dap shawa masha yawng ra sharawng nga masai. Dai majaw hkungga ai KIO/KIA ningbaw ningla ni ya yang tinang a dap zinlum lam hte hpyen masa lam ni hpe astawm ladat jaw jaw hte aten jaw let masing woi jahkrat let ya na hta grau n-gun dat woi awn sa wa na hpe ngai myu tsaw salang wa langai hku nna akroi anoi shagrit shanem le lajin dai ai rai.

7 comments:

hkunman said...

1, GOD, hpe Kamsham Myit manoi ai Myit masin hpe shagreng u...,2,Mung masa Hpyen masa a-tsawm shagreng u....,3. lak nak sha greng u....,

Mau Jin mau Jin said...

KIO/A ningbaw ni e, nan hte an-hte aq Ginjaw tat sum kau jang she' waw ra wa hpe n dai wa hpe mara hkum shagun mu re lu. Mungdan kata/shinggan na Mung shawa masha ni byin mayu ai hpe lang hte lang tsun shadum nga sai gaw, magup mung tsu, myit gawng run, atsam shayawm, n gun marai mat mat rai magang sai hpe dum ga loooo. Wp myu sha yawng aq dai daw ai hta jung tawn ai shanglawt hpyen dap gaw tigyeng aq rawn alai hta jai lang na matu mung n re. Tsun tsun ai gaw myu sha aq matu lam n woi yit ai da. Myen tsadan wa mung masha hpe n gup baw law rai masu ai hte raw rai KIO salang n kau sa bung taw sai. American gumsan magam Bahrak Obama gaw, ga shaga yang, myit su ai zawn chyetsun chye shaga tim, shawng myu sha majan hta gaw dawdan gwi ai wa re. Laiza de she du wa nga tim, jin jin re gaw n dau shana, myen ni nga ai myo hkan mung gasat ra sai. Awmdawm Gumrawng Gumtsa Mungdan lu mayu yang gaw, libya rawt malan hpung hte free syrian army ni gara hku rawt malan ai hpe myi gaba shagan, bawnu kaba hpaw da ti jawm maram, sharai ang ai kaw sharai la ga ngu kio/a slg. Ni hpe hpaji jaw mayu ai laww.

Anonymous said...

MAU Jin mau jin ,hkau e nang bying mayu ai lam hpe gaw chye na ai. Raitim teng sha shakut nga ai KIO/KIA ningbaw ningla ni hpe gaw shagren ai ga tsun na malai ngun jaw ga tsun yang grau kaja na re. Anhte laknak hpai na nshang lawm lu tim shanhte hpe ngun jaw ga tsun,hpaji jaw yang kaja na re ngu ngai mu mada ai.
chyeju kaba sai

Anonymous said...

Mau jin mau jin a comment gaw nau sawng mat ai wa i .Mau jin nang gaw mai gan e nga nga ai wa rai na re .Jinghpaw wun pawng mung dan a matu kade wa bung li galaw sai kun?Ning baw ning la ni hpe n gun jaw ai gaw kaja dik ai re .a pyak ai zawn nga ai gaw ti nang nan mung n lu shang lawm lu ai makau kaw na gaw mai gan e byin ai lam ni du hkra pyan madun ai gaw kaja shangun mayu nna gaw rai na re. An hte a ginjaw shawng lam de kade yak nga ai kun sawn yu ga n dai dram laning mi jan ning hkap gasat lu ai gaw KIO ningbaw kaba ni hpaji rawng ai hte mung shawa masha yawng n gun jaw grum ai an hte yawng mung ningbaw ningla ni hte hpyen du hpyen ma ni mung shawa hpung ni hpe n gun she jaw ga hpa majaw nga yang tinang pyi n lu shang lawm lu yang gaw n gun jaw ga hte shang lawm tim jut mi kaw na karum ai rai nga ai law. Nang a comment mung gaw hkrak nga ai lawan byin shangun mayu nna gaw rai nga ai .Hpaji jaw n gun jaw ga i.Myen a lai len gaw lahta na salang wa ka ai hku nan rai nga ai bawng ban ai lam hta loi gaw saddi ra ai i yawng gaw myit ru lawm nga ga ai.

Anonymous said...

LAHTA NA NING MU HTE HPAJI JAW NI GRAI HKRAT AI,RAITIM NINGBAW NING LA NI HPE SHA MARA N SHAGUN GA.SHAN HTE GAW ANHTE HTA GRAU NA MYU HTE MUNGDAN HPE TSAW RA NA SHAKUT NGA AI RE. ANHTE MUNG MASHA NI MUNG TINANG HKUM TINANG SHAWNG MYIT SAWN SUMRU YU GA. NANG DU NGA AI SHARA KAW NA NA MYU HTE MUNGDAN A MATU HPA BAW GALAW SAI KUN? KARAI WA KAW NINGBAW NINGLA NI NA MATU AKYU SHA GAW KALANG HPYI YA GA AI KUN? YA TEN MARA TAM HKAT NGA NA TEN N RE. SHADA MYIT HKRUM MANG RUM LET N GUN JAWM JAW NA TEN RE. GRAU N'NA GAW HPAN WA NING SANG CHYE WA NING CHYANG HPE NO.1 KAW TAWN LET SHAKUT RA NA RE. NANG MYU HPE TSAW RA AI GAW MANI HPA N TAI U GA. NANG TSAW AI NANG RA AI NA MUNGDAN HTE AMYU A MATU MIN 1 SHA PI GAW AKYU HPYI YA LU HKRA SHAKUT GA!

YAWNG HPE HKRUNG GA LET
KCP

naw ja lataw said...

myen ni na simsa lam jahta nga hpe n dai prat sha n ga hpang na prat du hkra hkum kam mu......du salang ni hte sha ga masu na dai shaga wa i ga ni hta n htang hta la na shamyit mayu ai she re... jing hpaw hku gaw gahta,ja hta,, da. myen hku gaw..(noke chyawk te)da.. dai hpe lang nga ma ai...sawa si na myen ni.. nau n na sai...

naw ja lataw said...

myen ni na simsa lam jahta nga hpe n dai prat sha n ga hpang na prat du hkra hkum kam mu......du salang ni hte sha ga masu na dai shaga wa i ga ni hta n htang hta la na shamyit mayu ai she re... jing hpaw hku gaw gahta,ja hta,, da. myen hku gaw..(noke chyawk te)da.. dai hpe lang nga ma ai...sawa si na myen ni.. nau n na sai...

Post a Comment