Slideshow Image 2

KIO/KIA NINGBAW NINGLA NI HPANG DE


Hkawp hkungga ai KIO/KAI ningbaw ningla ni hpang de,

Gasat na dang na nre ngu ai ga hpe koi kau saga, anhte Jinghpaw Wunpawng ni gaw gasat ai kaw sha ram ai, myen hte baw nu shachyai hkat ai hta gaw Wunpawng ni gaw myit nau san seng ai majaw dang na yak ai, rai tim gasat yang gaw dang mai ai. Myen hte sa hkrum shaga magang myen asuya a mung masa gaw tsaw wa magang, shanhte a mung masa hpe sa shatsaw ya ai lam she rai nga ai, dai mung majan sum ai lam sha re. Mungkan man hta KIO hte kade lang hkrum sai 5 lang, 7 lang, 10 lang hkrum sai, "anhte asuya gaw simsa lam hpe grai ra sharawng ai majaw ndai zawn galaw sai, KIO she simsa lam hpe nra sharawng ai majaw ya du hkra nsim sa ai re" nga nna mungkan man hta ndau nna KIO/KIA hpe mi di chyip gasat shamyit kau na masing re. Dai majaw Myen hte hkrum shaga ai lang law wa magang anhte gaw mung masa hkrat sum magang, myen gaw rawt wa magang re. 

Dai majaw myen hte sa jahta ai lam naw jahkring yang she mai na re, gan jahkring nna majan masing hpe loi mi bawnu nchyan shaw let n-gun dat nna gasat ai loi na ai hpang she bai jahta yang mai na re ngu ngai myu tsaw salang wa mu mada ai lam hpe tang madun dat ai rai.

8 comments:

Anonymous said...

grai jaw ai ning mu re ngu mu lu ai.ndai lam hpe ta tut galaw sa wa yang mai na re.dai rai yang she sim sa lam nga ga baw la da tim gaja wa galaw sa wa ai lam hta shan hte hta ra rawng nga ai lam ni hpe mung kan e chye ya na re.Kachin ni sim sa lam nra nga ma ai ngu tsun lu na matu galaw ya ai hte bung mat na mung tsang ra nga ai.

Mau Jin mau Jin said...

KIO tengman salang ni e' KIO kata n tengman ai jahkyawn hpyihpun slg ni hpe jasan jaseng kau na nan hte kaw lit kaba nga ai re. Na kating she malawk hkra tsun tim n chye na ai, lam wou yit hken ai slg n kau mi hpe autority zingla kau yang mai sai re. Wp myu sha yawng myen aq mayam bai nkam byin mat sai. Ya yang aq tsam nrawng ai KIO slg n kau hte aq tsam rawng ai slg ningnan ni , shara galai hkat yang mai kaja ai de du wa na re. Myen n ju ai kadai?

Anonymous said...

MOI SAMA DUWA MUNG MYEN HPE KAM SHUT KAU AI HPE 1962 NING GUMSAN AYA HPE TAT KAU AISHALOI SHE MYIT MALAI LU AI LAM RGN KAW NNA MKA DE LUNG WA AI WAN LENG NTSA E J.P SALANG 1 MI HPE TSUN LAI MAT SAI LAM HKRAK CHYE LU AI YAW . SADI GA . W.P. BRANG .

hkunman said...

MYEN A-MYU NI A- SAI HTA MASHA SAI N-MU. N-RAWNG AI SADI MU LU.....,

Myu Tsaw said...

Ndai ninghmu hpe KIO ningbaw ni kaw du hkra lawan shalai ya ga

Shanglawt Brang said...

KIO/KIA ningbaw nkau mi gaw Myen hte rau ganawn nna tinang mungdan a sutgan ni hpe dut sha let pyaw len nga lai wa sai aten ni hpe naw shingran nga ma ai. Dai majaw Myen hpyen ni rau bawngban na matu chyu hkyen nga ma ai. Kade lang bawngban tim tinang ra ai lam langai mi pyi njaw ai sha n ga, maga mi de bawng masu nna maga mi de gaw hpyen n gun chyu jat nna gasat taw ai hpe n dum nga ma ai. Myen hpyen wa hpe tsawra myit madun ai zawn aten jaw nna lang hte lang she bawngban yang gaw Zahkung Ting Ting, Lasang Aung Wa, A Dang, Mahtu Naw, Hkun Myat hte kaga hpung ni mung KIO/KIA ni hpang maga de lawm wa na sha re. Ya gaw tinang shada gaw myit n galu, KIO/KIA hpang de shang wa nna anhte tsun ai hku galaw shing nrai yang gaw anhte a hpyen sha re ngu J.W shada gaw myit n galu. Tinang amyu hpe roi rip sat nat taw ai Myen hpyen ni hpe gaw nhtum nwoi ai tsawra myit madun na kade lang mung bawng re ai gaw hpa baw hpe myit mada nna kun? J.W sha ni hpe Myen a mayam bai shatai mayu nna kun?
Dai Myen ni hpe myit galaw ai zawn anhte shada da kaw mung myit galu tsawra myit madun let shara ni mung jaw rai yang gaw Mahtu Naw, La Sang Aung Wa hte Ting Ying ni mung yawng mi nlawm wa hkra rai tim law malawng gaw tinang Wungpawng sha ni hpang maga de lawm wa na re ngu kam ai.
Ya gaw tinang shada da gaw hpyen masat grai lawan, Hpyen majing hpe gaw jinghku shatai mayu rai taw nga ai. Anhte hpyenla ni chyawm gaw Awngdawm Shanglawt Lu na matu gasat ai rai ga ai. Myen hpyen hte rau nga na matu gasat ai nrai ga ai.

Myu Tsaw said...

Shawng lam majan pa na ayak ahkak matsan mayan re ai dingla ni, ya lu ya sha na pyi yak ai dinghku kata na kawa la ni a yubak ningbaw ni a ntsa dawp wa na hpe she tsang nngai law

bu hkawm brang said...

Myen hte bawng shagu sum ai nga ai lam grai jaw ai ngu madi shadaw ai. Rai tim mung, bawng ai ni n zen ai majaw, bawng ai mahtai hpe atsawm akyu n chye jashawn ai majaw mung mai byin ai. Bawng nna sum jang n bawng saga nga ai lam bai myit yu shara nga ai. Mungdan shanlawt lu na matu gasat ai lam hta myu shagu, lam shagu hta gasat awng padang lu ra ai. Hkyen gasat ai hku na awng padang lu hkra gasat ai hte maren, hpaji hku, mung masa hku, media hku, sut masa hku,,,,,lam shagu lawm ai mungdan re majaw,lam shagu awng padang lu hkra chyawm gasat ga. anhte ya galaw nga ai gasat gala lam 2 (Majan gasat ai, mung masa hku gasat ai) hpe dang hkra chyawm garum la yu ga. N chye bawng ai ni hpe kasa shum dat, mungkan mungdan shara shagu de nga ai hpaji tsip ni wa bawng lawm yu ga, shanhte hpe mung shara jaw mu. Ndai lam lahkawng hku gasat ai sha n rai, media majan, sut masa majan, hpaji majan, bawnu majan ni mung baw nga sai hpe matut n gun shadat mat wa ga. "One way ticket" sha gaw n mai e prat de du mat sai hpe mung shum malap.

Post a Comment