Slideshow Image 2

MALI HKA SHARAP AI SUMRI DI NNA MA KANU MA HTE HPAWN HKA HKRAT SI

July (26) bat Mali
Jinghpaw Mungdaw Sadung ginra, Lang Na Hkarum makau, Mingli hka mahkrai kaw Zahkung Ting Ying a masha ni gaw, kade mi lu yang lu ngu nna, Mung masha ni kaw nna gumhpraw hta sha let, lai sa lai wa ni hpe sumi kawn sharap sha taw nga yang daini gaw Sumri di mat wa ai majaw (19) ning re Num kasha langai, ma kanu ma hte hpawn, Shabrang (2), Cycle (2) mara nna sharap dat ai hta hka de hkrat mat ai lam na chye lu ai. Shabrang la sha yen yan gaw tsam mari bai lu pru wa ai ratim, Ma kanu  hte, mahkawn kasha gaw kadai n lu hkye shaw la ai majaw hka hta yawng si mat sai lam shiga na chye lu ai.

Sumri di nna hka hta yawng si mat ai ni gaw Myitkyina Zion (Zilun) kaw na re lam hpe mung na chye lu ai. Ndai zawn rai sumri n ngang ai, masha a asak pahkam n jaw lu ai, sumri jagang hte masha n sharap sha na matu KIO uphkang Du salang ni kawn hkum pat sadi jaw wa ai raitim Zahkung Ting Ying a masha ni shanang nna sharap sha nga ai re nga buga masha ni kawn tsun dan wa ai. Ya gaw dai sharap sha ai ni mung hkrit nna hprawng mat sai lam na chye lu ai.

1 comments:

machyu bum said...

KIO magam gun lit nga ai ni kaw na, sharap sha ai Masha ni hpe lu hkra sagawn ya ra na re... dai hku nrai yang Zahkung ting ying ni a masha ni gaw grau hte grau mung shawa a ntsau roi rip sha wa na re,

Post a Comment