MEDIA

Ngai gaw lapran kasa rai,
 Nanhte a hkam sha lam hpe htinglet ya,
 Ra ai hpaji hpe jaw ya…

 Shangun ai bungli kang ka,
 Sumla, nsen hpe mung mazing ya,
 Download, upload nanhte a myit…

Ngai hta ndang na lam n nga,
Samwi, saiwan, n’bung hte marang lapran,
 Du hkra sa ya na, na a Data..!

 Sinpraw, sinna, dingdung hte dingda,
 Jan ja, Marang htu ngai n lata,
 Du hkra sa na ngai a lit…

 N’bung, marang, hka leng hta tim,
Mu, myihprap lapran,
 Jam jau hkam na, na a matu…

 Internet, Vedio, T.V,
 Newspapers, Phone, Radio gaw,
 Ngai a n’ta masha sha rai nga..,

 Shanhte kangka jang,
 Ngai arawng lu,
 Ngai hpe tsaw ai masha law wa na…

 Second mi pyi n-yit nhprai,
 Lit nga ai shanhte hpe,
 Gunhpai ra ai ngu matsun sai…

 Lam yak ai majaw du lanyan yang,
 Tsawra ai myit hte,
 Lam kaja hkra galaw ya rit…

  Lam kaja nga dingsa htinglet ya na lit gaw,
   Media ngu mying lu ai ngai,
   Nanhte shinggyim masha yawng a lapran,
   Chyam bra wa hkra htinglet ya na oi…..




Tsaba Awng