MYIT YU AI

                              Shata praw jahku, Nhtoi du shagu;
                              Share Shagan tai, Chang Ying hpe hkrai;
                              Latgyi Chang Ying, Jan sai laning;
                                      Ndai lapran, Majan nhpan;
                                      Hkying  jan she hkat, Agying gasat;
                                      Tai ni htim shagu, I anut  lu;
                              I si kalang, Tai si tsa mang,
                              Nang zawn Share, Law la sai le;
                              Tai ni nyan daw, Amyit magaw;
                              Mungm’sa lam n rai, N mai bawng sai.
                                      I she myit yu, Majan shagu;
                                      Sum chye dang chye, M’janpa sha re;
                                      Majan mahtai, Mungmasa grau ai;
                              Mungmasa myit shut, Prat tup ginlut;
                              Tai wa mawlanyet, Mungmasa shakyet;
                              Tsun dan mayu, Chang Ying hpe chyu;
                              Kachin hpe lang bai, Manai makai rai hkyen masai oi.
                                      Ya! Awng Min wa, Thein Sein kasa;
                                      Kachin sawbai, Hpaji daw ai;
                              Dr. Kyaw Yin Hlai, Hpaji gindai;
                              Mungmasa Munu, Hpaji kanu;
                                      Mungmasa ninghkring, Hpaji jahting;
                                      Junly 10 hta, Myitkyina e da;
                              Mungm’sa wunkat, Hpaji jahpat;
                              Shangwi shapyaw, Mungmasa Ga baw;
                                      Mungshawa masha, Na sharawng  hkra;
                                      Peace Creation Group, Buhkra Chyang lawnghpraw sha sup;
                              Gawdin  group zawn, Uniform lang tawn;
                              PCG da, Thein Sein grai ra;
                                      Lapran salang, Hkan bawp hkan nang;
                                      Madu tai kun? Woi  gumbawm  kun?
                              Myit yu nji, Amyi she hkri;
                              Mungshawa na prau, Masin shalau;
                                      Myit yu ung ang, Shawshishap nang;
                                      Ramma Awmdawm, Masha K’ba Shalom;
                              Daw dan shut na, Grai she tsang ra;
                              Latgyi wa e, Chang Ying Brang e;
                                      Tai a bawnu, Kaba masu;
                                      Moi mung shut sai, Ya shut n mai;
                                      Myit yu ai le, Myit tsang ai e……….

Shanglawt Tsing

9/7/2012