SADI DUNG KANGKA

                                    Tsaw ra hkungga, Shawnglam Hpyenma;
                                    Sadi dung ai, Kangka ndai;
                                                  Hpa-awn wa kawn, lam matsun tawn;
                                                  Dung u dung, Rawt u rawt,
                                    Bom hkam su hkam, Bom shaw su shaw;
                                    Htim su htim, Gasat su gasat,
                                                  Shakre sha re wa, Hkring nu nga;
                                                  Masin n-gut,Hpang  de htingnut;
                                    Hkala si n tsang, Magrau grai grang,
                                    Atsam htum hkra, Nni nkri nut ra;
                                                  Sadi dung ai, Kangka dik sai;
                                                  Myu tsaw shadang rai myit dai.
                   Raitim,     Hpa-awn tai wa, Kangka kata;
                                    Sadi run na, Myit shajin da;
                                                  Tai a hkalau, Kraw shang manau;
                                                  Mayun kumhpa, Ja joi magra;
                                    Lawhpa myit m’rin, Tsadan anin;
                                    N si ging si, N sum ging sum;
                                                  Dang na n dang, Tsadan ga shang;
                                                  Agung alau, Gumle gumlau;
                                    Sadi run sai, Myu hpe dut ai;
                                    Sat kau n mai, Tsadan shalat ai;
 
                                                  Grai she awlaw, Tsadan myit pyaw;
                                                  Kaning di na? Sadi run wa !
                                    Na a majaw, Manghkang shatsaw;
                                    Htawm de n byin, sadi shagrin;
                                                  Karai Wa hta, Masin shaja;
                                                  Teng man myu tsaw, Hpa-awn shalaw;
                                    Sadi ngangkang, Majanpa du jang;
                                    Sinhpraw hpa-awn, Awng lam magawn;
                                                  Hpyenma ni rau, Awng P’dang jahtau;
                                                  Lahkrip ra ra, Hpa-awn kaja;
                                    Tsadan Shalau, Hkum  madat rau;
                                    Padang masing, Hkawm sa shading;
                                                  Hkrun lam galu, Sindai m’sin su;
                                                  Nampan soiru, du she galu;
                                    Awng P’dang hte wa,
                                    Hkap tau la na……..ga ai lu oi …………sit.
 
Shanglawt Tsing
7/7/2012