Slideshow Image 2

YEN KAU AI SHAWNG LAM POST NI HPE BAI LU LA

July (26) bat Mali
Wunpawng Mungdan Shanglawt Asuya Dap Ba (3) n pu Dung (15) a ginra de July (25) ya shani myen asuya a hpyen hpung tatma (88) ni hte (601) ni ma ja sa htim gasat ai majaw KIA shawng lam post (4) tat yen kau lai wa sai lam hpe na chye lu ai. N dai zawn yen kau ra ai KIA shawng lam post ni rai nga ai Du Rat Kawng, Shing Ngu Yi hte Ying Sung sinpraw maga na shara (3) hpe gaw July (25) ya shana maga bai lu gasat madu la sai lam shiga na chye lu ai. Naw ngam nga ai shawng lam post hpe lu la na matu dai hpawt daw bai sa htim gap gasat nga sai lam shiga na chye lu ai.

2 comments:

hkunman said...

Myen ni a- POST ni hpe mung gap zing la ga....,

Jatawng Naw said...

KIA ni a ahkyak ai post ni hpe tsep kawp 1 lang mi mung n tat hkra ninghkap kau lu yang kaja dik re. (1) lang mi tat kau n na, bai htim kasat la ra ai baw gaw hpyen masa lam hta 2 lang n gun/atsam ma ai hte hpyen ma ni mung grai pu ba, hkrat sum ra mat ai. Myen hpyen ni mung 1 lang mi lu la yu sai post ni a hpyen masa lam ni hpe chye na mat sai. Dai majaw ahkyak yang bai htim kasat na mahkrun loi mat sai.
Hpyen majan kata hte hpyen masing lam yawng hta shanglawm nga ai pawng yawng hpu nau ni yawng hpe shagrau hkung ga let kyu hpyi garum nga ga ai. Karai Kasang a matsan dum ai lam anhte Shapawngyawng sha ni hta dik tup wa u ga.

Post a Comment