Wunpawng Mungdan Shanglawt Asuya Sam Mung daju Dap Ba (4) npu ginra rai nga ai Yi Hku mare kaw July (1) ya shani hta majan byin ai majaw myen hpyen la ni gaw mara kata mare masha (20) hpe rim woi mat wa ai hta na n kau mi hpe bai dat ya sai lam shiga na chye lu ai. N dai zawn rim woi la hkrum ai ni kaw na marai (3) hpe gaw grai adup zingri kau ai lam, n dai (3) hta na (2) hpe gaw dat ya nna Slg. Galai Zau Ba ngu ai wa hpe gaw ya du hkra n dat ya ai lam shiga na chye lu ai. Slg. Galau La hpe gaw ladu lai hkra a dup zingri nna ya du hkra dat ya ai lam n nga ai sha n ga, si ai hkrung ai pi n chye ai lam hte gara kaw rim tawn da ai hpe mung gadai n chye ai lam shiga na chye lu ai. N dai zawn mare masha ni hpe mara kata rim zingri ai lam gaw July (1) ya shani hta byin ai Yi Hku mare na majan hta myen hpyen du kaba langai hkala hkrum ai majaw re lam hte, dai hpyen du gaw jit bawng majaw kaw pala hkra nna ya ten Muse tsi rung kaw shim ai hku tsi tsi hkam la nga ai lam shiga na chye lu ai.
0 comments:
Post a Comment