Slideshow Image 2

DINGDUNG GINWANG HTA KA-NI DUT NTA RIM

August (13) bat Langai
Wunpawng Mungdan Shanglawt Asuya Dingdung Ginwang Ginjaw, Sumpra Bum Ginwang kata Mile (18) Ja Maw kaw Ka-ni Nang Hpam dut hpaga galaw, lu sha ai masha marai (5) hpe sakse arung arai Ya Ma tawng (800), Ka-ni chyang rawng (4) ram, nang hpam lu sha ai shaloi jai lang ai arai hpan hkum hte hpawn August (8) ya shani rim kau lu sai lam shiga na chye lu ai. KIO Asuya kawn hpyen madung shatai let Ka-ni Nang Hpam hpe gasat shamyit sa wa ai lam, lu sha dut hpaga n galaw na lam ni hpe lang hte lang hkaw tsun hpaji jaw, sadi jaw nga dingyang re kata matut dut hpaga galaw lu sha nga ai ni re lam mung matut na chye lu ai.

4 comments:

Myu Sai said...

Ya na zawn ka-ni dut ai ni hpe rim nna gingdan ai ari jaw ai kaja sai. Dai ni gaw tai hpyen wa hte matut mahkai ai ni re. Hpa majaw nga yang Myen hpyen gaw ka-ni hte annau ni hpe shamyit na matu masing kaba hte shabra ya nga ai npawt kanu re.

Wunpawng Mungdan Shanglawt Asuya uphkang ginra kata hta tsepkawp ka-ni hpe pat jasan ai hpe, majan laja lana gasat nga ai a majaw n mai shayawm kau na re.

Myen naw up nga ai Jinghpaw Mung mare ni de mung kata de shang nna ka-ni dut hpaga galaw nga ai ni hpe sadi jaw ai laika ni shabra, ahkyak la nna ari jaw ai lam ni mung galaw ra sai. Mare kata na Wunpawng ramma ni ka-ni ya tai ma wa nga ai. Hpyen la ni, balik ni nan she n-gun jaw shabra ya nga ai majaw re.

Wunpawng myu hpe tsawra myit machyi ai Wunpawng myu sha num/la ramma salang/hpawmi yawng ka-ni hpe n hkai, n dut, n sha ga law.

Anonymous said...

dai Rim ai ni zai la dat nau n rawng ai ,,lam mu ai,,hpa ma jaw,,,,hpa kan de ,,ka ni hpraw ,,pepar Pung hku ,,ka ni chyang ,,ma kai mun lam ,,miwa ni htaw lung ai hpe ,,ga dai na chye ma ai kun,,,,,,RIM YANG DAI ZAWN RE HPE RIM MU,,,

Myujet said...

An hte a kashu kasha ni hpyen majan hta si hkala ai hte kani kaw si nna kun ding hku kata ayai aya,ma ni a hpaji lam ,makam masham lam yawng hta hkrat sum machyi ai gaw grau law ai,akyu nrawng ai ndai kani hpe lawan ai hku tara ja ja hte pat jasan ga,myu tsaw hpyen la ni gum hpraw,jinghku myi man n_yu ai myu a myiman tam nna shakut mu.

Anonymous said...

Ka ni hte hpawn myen sawa hpe WP mungdan na atsai gawt kau mu,myu a share ni e!

Post a Comment