Slideshow Image 2

GOODBYE MYANMAR GOVERNMENT, DON’T CHEAT AGAIN ANYMORE

Mung masha tsawp dagraw tawn ai hpyen gumshem asuya hpe woi awn taw nga ai Thein Sein gaw gau ngwi ngwi sha manam shagram taw nga ai NYAU hkyi (shingnrai) DINGHKU WA CHYAK langai mi nan rai nga ai. Annau ni grai sadi maja raai DINGHKU WA CHYAK langai mi re. Than Shwe hta pyi grau sadi maja ra ai wa re. Than Shwe gaw grai masa ai NAI re majaw Annau ni chyim yu nna n ma-ut bang ai sha prat gabai kau lu sai re. Raitim Thein Sein gaw n-gup kaw n masa tim ma-ut shalai bang dat shut jang prat gabai kau nmai ai hta n-ga,  Annau ni a kraw kata kaw HTA NI HTA NA masa taw nga ai baw NAI re. Hpa majawn ga yang Thein Sein wa woi awn taw nga ai HTA NI HTA NA SIMSA LAM ngu ai gabaw gaw grai madat pyaw ai gabaw re. Ndai gabaw gaw grai madat pyaw tim tsep kawp nmai byin ai gabaw she re. Tsep kawp nmai kam ai. Hpa majaw nga yang, myen amyu ni hte anhte laga myu bawsang ni rau jawm pawng nna shanglawt jawm la ga ai rai tim daini du hkra myen asuya ni a tsawra myit hpe Shara mi pyi rai nmu yu shi ga ai. Tsawra myit hkum tsun shinggyim nauna myit pyi tsep kawp nrawng ai asuya ni wa mi htani htana simsa lam galaw ga ngu ai gaw mau hpa ga she re. Langu hpun kaw sanghpaw si si wa ai ngu yang kam na kun? Myen mungdan shanglawt lu ai shani kaw nna daini du hkra anhte myu kaji ni hpe shamyit shamat kau lu na matu (shingnrai) gau ngwi ngwi myen amyu tai mat wa na matu shakut nga ma ai hpe sha mu lu ai. Daini Annau ni myen asuya a bawnu kaw n-gadawng bang aihta n-ga ja ja tsap nga lu ai gaw Annau ni Yehowa Karai Kasang (Yesu) hpe lu la ai ni re majaw sha re.Ya gap gasat jahkring tawn ai laga bawsang ni hpe nmai yu na re.Ya gap gasat jahkring tawn sai ni gaw hpang jahtum e myen amyu ni hte sha rau jawm nga mat na ni rai ma ai. Myen hte jawm nga mat jang gaw gau ngwi ngwi myen asuya a uphkang ai kata kaw lup mat wa na sha re. Gashadawn Karen amyu (KNU) ni gap gasat jahkringai lam gaw mung masa chyinghka mu mada tawn nna gap gasat jahkring ai nre. Myen asuya hte makam masham bung ai DKBA ni myen asuya hte pawng mat ai majaw n-gun nnga mat ai. Dai majaw re.


1-Shanhte ra sharawng taw nga ai htani htana simsa lam gaw Myen mungdan ting hpe shanhte myen amyu ni htani htana uphkang sha mat wa na matu she re. Laga myu bawsang ni hpe lu ging ai madu uphkang mungdaw jaw na matu nre. Dai majaw myen mungdan a ningpawt ninghpang gaw gap tara (constitution) hpe shanhte myen ni ra ai hk uka lajang tawn da ma sai. Ndai constitution kata de anhte laknak lang rawtmalan taw nga ai myu bawsang ni hpe hkrau gayin bang la na matu ladat shaw nga ma ai re. Ladat shaw taw nga ai hta....

(1) Hta ni htana simsa lam ngu ai gabaw hte
(2) Myen mungdan kaw nna galoi mung (hta ni htana) n-garan pru na.
(3) Gap gasat jahkring myit hkrum lam hpe mungdaw atsang hta shawng galaw na.
(4) Gap gasat jahkring myit hkrum lam hpe munghpawm atsang hta bai matut galaw na.
(5) Shanhte ra ai hku ka lajang tawn ai constitution hpe hkap la ra na.
(6) Ra lata poi shang shing jawng lawm na matu parti uphpung hpaw shabawn ra na.
Ndai lahta na ginlam hpan (6) hp ehkap la jang gaw, Anhte masha jahpan nlaw shi ai myu bawsang ni hpe gyit hkintum tawn nna prat htawng kaw bang da hkrum sai hte bung mat sai. Dai hpang sinat laknak ni hpe gau ngwi ngwi dawm la kau ya lu mat wa sana. Lachyum gaw nta madu hpe gyit hkin tum tawn lu jang gaw nta kata kaw nga ai arung arai ni mahkra hpe aloi sha zing la kau lu sana. Ndai gaw daini Thein Sein asuya shaw taw nga ai soft power ladat re.

2- Ndai ten htaThein Sein gaw 2015 ning ra lata poi hta atsawm sha awng dang lu na matu ra marin ai bungli ni hpe grai shakut taw nga lu ai. Gashadawn maigan de nga mat ai mying chyang jahpan ni hpe shaprai kau yaai. Bai wa na matu ahkan gjaw dat ai. Dai hta n-ga Mungkan mungdan kaba ni kaw na kam hpa ai lam ni hpe lu la lu hkra ntsa lam kaw gaw numhkaw hprwi, kata lam kaw gaw hkalwi re ladat hpe mung jai lang taw nga ai hpe mung mu lu nga ai. Hpa majaw nga yang 27-08-2012 ya shani hkringmang madu (wunji) marai 9 hpe htawt sit shara jahkrat ai lam galaw dan ai gaw mungkan kaw nna yu yang kam hpa na matu ra marin ai san san sha re. Lachyum gaw na gadoi di la nna shabyi kapa ai lachyum sha re.

Dai majaw tsawra ai Chyurum Kachin Wunpawng Sha ni e… dumhprang saga, chye na saga, hkum mau nga masa, myen hte rau jawm pawng nga na hkum myit masa, daini kaw nna rawt saga, myen asuya hpe galoi mung hkum kam masa. Hpan Wa Karai Kasang Yehowa hpe kam hpa let myen a kata kaw na lawt pru lu hkra shakut saga. Annau ni a ntsa e myen asuya hpa baw galaw ya lu a ta? Hpa baw galai shai yalu a ta? Annau ni a ntsa e myen asuya galaw ya lu ai gaw ntsa lam machyi makaw ai, hka li hkawaw machyi ai, kan machyi ai, jahkru ai hpe chyahkring mi gan tsi shamai ya masu ai lachyum sha rai na re. Kaja wa nan shagri pyi madawn na daram machyi taw nga ai kraw kata kaw na Annau ni a myit masin ni hpe shamai shatsai ya lu na nre. Shinggyim masha ngu ai gaw shadawn shadang ngu ai nga ra ai zawn Annau ni mung shadawn shadang nga ra ai. Ladu lai ai myen asuya hpe gaw…… 
GOODBYE MYANMAR GOVERNMENT, DON’T CHEAT AGAIN ANYMORE, KIO/KIA IS NOT UNDER MYANMAR GOVERNMENT CONTROL, WE MUST FIGHT BACK FOR FREEDOM.

Sau Nan Du
29/08/2012
29/08/2012  

7 comments:

Anonymous said...

hta ni hta na nga ai shan hte a la wu kaw ngup pyi nhpaw sha ngun ai nga na hta ni hta na lawm she re dai m ni hpe n hkam ai.la hta na ning mu grai jaw ai.

Myujet said...

Re lo,,,,kam mai ai baw myu ni nre,an hte a kam maka hpe an hte lajang la ga lo,,,,,

Anonymous said...

Dai rai yang gaw jawm shakut yu saga le

Anonymous said...

NDAI YAW SHADA ai lam hta tatut shang lawm nga ai anhte a saidaw sai chyen, KIO,KIA,MHH,NINGBAW NINGLA SHARE SHAGAN ni hpe kyu hpyi ya nga ga ai hte maren ANHTE W.P. SHA ni TATUT gara hku garum na ngu ai hpe mung ladat jawm shaw ga law.

Shanglawt Brang said...

Kaja dik gaw United Kachinland ngu ai mungdan langai san san hku Awmdawm Shanglawt ndau nna matut gasat ra sai.

LANG JI U said...

mm
MYAN SEN(5)SAT LU YANG AWNG PA DANG DIP LU NA RE NAW LAW AI NGU HKUM TSUN AN HTE A-KA RAI N-LU DI AI N-NGA AI YA NA TING TSENG WA SHAN HTE A MA SHA HPE GOI RAM PI MA NU N-SHA DAN AI DAI WA GAW JING HPAW MUNG DE DAI RAM SHA GAW NAM HPUN BANG YA NA JIN JIN RAI NGA AI RAI TIM DUM GA LA NING MI SEN(1)MI SAT YANG PI SEN(5)RAI YANG MA NGA(5)NING NA NA MUNG SHA WA NI MA(5)NING HPYAN YEN TAI JIN NA KUN MA JAN DANG TIM AWNG DANG LAM AWNG DAWM N-LU AI HPA MA JAW KUN ?#

LANG JI U said...

mm
MYAN SEN(5)SAT LU YANG AWNG PA DANG DIP LU NA RE NAW LAW AI NGU HKUM TSUN AN HTE A-KA RAI N-LU DI AI N-NGA AI YA NA TING TSENG WA SHAN HTE A MA SHA HPE GOI RAM PI MA NU N-SHA DAN AI DAI WA GAW JING HPAW MUNG DE DAI RAM SHA GAW NAM HPUN BANG YA NA JIN JIN RAI NGA AI RAI TIM DUM GA LA NING MI SEN(1)MI SAT YANG PI SEN(5)RAI YANG MA NGA(5)NING NA NA MUNG SHA WA NI MA(5)NING HPYAN YEN TAI JIN NA KUN MA JAN DANG TIM AWNG DANG LAM AWNG DAWM N-LU AI HPA MA JAW KUN ?#

Post a Comment