Slideshow Image 2

HPYEN YEN MASHA NI TSIM YAM DABANG HKAN NA HTAWT RA

August (7) bat Lahkawng
Wunpawng Mungdan Shanglawt Asuya hte Myen hpyen ni gasai ai majan a majaw Miwa ga Nawng Tau grup yin hkan hprawng machyu shingbyi nga ai myu sha ni yawng htinggaw (986) rai nna, tsim yam masha num/la yawng rai yang (4,600) jan re lam hpe chye lu ai. N dai zawn majan a majaw hprawng yen nga ai tsim yam masha ni hpe Miwa asuya kawn lai wa sai ten hta Yang Lu hte Lau Hpai hpyen yen dabang ni hpe atik a nang gawt shadut lai wa sai sha n ga, ya matut nna makau grup yin na hpyen yen dabang ni hpe mung n htawt n mai sa shadut taw nga sai lam shiga na chye lu ai. N dai zawn hpyen yen dabang ni hpe Miwa asuya sha n nga Shanglawt Asuya kawn mung htawt na lam bai shadut wa ai majaw hpyen yen masha n kau mi gaw masat da ai Lana Zup hpyen yen dabang de n kam htawt ai majaw tinang a daidaw buga mare ni de dai ni August (7) ya shani jang htawt mai wa sai lam, law malawng gaw Man Win maga de nhtang wa mat wa sai lam hpe mung na chye lu ai.

4 comments:

Anonymous said...

Shanglawt Asuya gaw hpa rai htawt shangun ai kun? Hkyen yen ni nga manu ai shara kaw lu nga na matu Hawn garum la ga.

Anonymous said...

Tinang a buga de mai wa jang gaw grai kaja sai le. Tinang a buga kaw she mai nga ai wa hpa rai wa hprawng lawm nga ma ai kun?

Jatawng Naw said...

Goi e, shang e, yup yang yupdip dip , sha yang mung shat dang nga ai baw she rai sai i?? Wa na mung nta kata mat, matut nga na mungyup ra shamat rai yang gaw gara hku wa rai sa na ta?? KIO kawn na zupzi di nna alum ahkum lakawn la ra sai ga rai nga ai law. Shara shagu hkan du nga ai Pawngyawng jinghpaw hpu nau ni yawng mung matut shakut garum tik tik rai ga law. Ja gumhpraw arung arai hte malu masha, tsi mawan ni hku nna garum la ga. Akyu hpyi ai hte sha n ram dum ga law. Tatut hta grau shakut shaja garum la ga law.
Karai Kasang Wa anhte Pawngyaw jinghpaw myu sha ni hpe dangdi lu na n-gun atsam hte hpaji marai jaw ya mi law.

hkun said...

Miwa Shweli asuya kaw Myen masha lawm ai lam chye lu ai, dai ni kaw nna Shanglawt Asuya de shadut shangun ai lam na chye lu.

Miwa mung a July shata 1 ya na maigan masha pru shang tara hta, hpyen hprawng tsinyam ni gaw Miwa mungdan hta tara shang "refugee status" hte mai nga sai re. Ya na zawn Shweli asuya kaw nna gawt ai lawm gaw tara tawt lai ai lam re majaw, gau na matu hpaji jaw ai ningbaw wa bungli shapraw katut, shatdi shamat hkra Bejing Ginjaw asuya de anhte yawng laika jawm ka ga.

Galai shai ai tara hpe ndai kaw hka ja la ga.
http://www.mps.gov.cn/n16/n84147/n84181/3314879.html

Post a Comment