Slideshow Image 2

JUMZANG DAU LUM A SANGLANG AI LAM

Hkawp Laika hti shawa yawng hpe, ndai laman byin ai shiga hte seng nna, sang lang dat nngai law. Facebook kaw mu lu ai n teng man ai shiga  a majaw USA Lum Tu hte ngai Jumzang Dau Lum grai myit n pyaw ga ai.
Ngai Jumzang Dau Lum hku nna, nnan e gaw ndai shiga hpe USA Lum Tu mara dat ai shadu ai majaw, myit kahtet pawt mayu ai hte ngai Dau Lum ka ai comment hta “Lagut” ngu ka kau hkrup sai hku re (Ndai hpe mara raw ya na matu hpyi nem ai law). Raitim, 19.8.2012 shani hta USA Lum Tu hte an lahkawng ndai shiga hte seng nna, phone shaga hkat ai shaloi gaw, shi mung n chye ai shiga rai taw nga ai hpe chye lu ga ai.  
Ndai shiga gaw lapran kaw nna shawu ai ni ka mara dat ai shiga  re hpe an lahkawng yan chye na saga ai. An lahkawng lapran hta gaw asan sha myit mu myit hkut hkat ngut chyalu rai sai re.  Lum Tu hku nna bai sang lang da ai hpe mu ai majaw mung chyeju dum ai.  
Dai majaw ndai Facebook kaw mara da ai (Yungwi Shadang Dau Lum Balik hte pawng nna Jinghpaw ni hpe zingri) shiga gaw n teng n man ai re majaw,  comment jaw ai hkawp manaw manang ni yawng mung, ndai lam hpe baw hta n bang da ai sha shaprai kau ya na hpe lajin ai law.

Jumzang Dau Lum

12 comments:

Anonymous said...

DauLum e

nang tsun mayu ai gaw jinghpaw kasa shiga ka shut
ai ngu tsunmayu sam ai.

sammung ramma said...

jinghpaw kasa mung na shut na rai na re dai hpe comment jaw ai ni ma yaw gaw wp rai nga ai mara ngu hkum mu mu

Anonymous said...

Jinghpaw Kasa na shut na mung gaw nrai na re.. Shiga ngu ai gaw ta tut hkam sha ai ni ka ai nre sha mu chye ai ni, na lawm chye lawm ai ni. hkam sha lawm ai ni ka ai re majaw rai nga ai. Kaja wa gara hku byin wa ai ngu gaw USA Lum Tu hte Dau Lum yen she grau chye na re.

Anonymous said...

shan ya a gamung hpe makau na ni shawu lawm ai rai ang sai. shada mara n mu hkat ga.

Jatawng Naw said...

Umm.. Ya na zawn lawan myit shakawp mawai la let WP myu sha shawa yawng hpe sang lang dan ai majaw grai kabu ya sai. Anhte myusha shada, manaw manang shada, kraw kata kaw ip da ai lam n nga ai sha tsun dan, bawngban hparan la chye nga ga. Grau nna tinang hta kaji htum ai hpu nau ni matu shakut daw jau nga ga law.
Karai Kasang kaw na Kaja ai wunli shaman chyeju anhte myusha ni ntsa hta tut nawng jaw ya nga u ga.

Sinlum Brang said...

Ummm.... Na Lu ai daram nga yang Dau Lum mung ga tsawmra shalai da ai nga ma ai. Grai hkrap hkra sa tawngban ai Hpung Up Sara hpe pyi Hkyam sa n jaw ai nga rai Lu ai. Galaw byin ngut ai hpang tawngban hkat na hta tawngban n ra hkra shawng kaw na koi yen hkyen lajang da ai baw rai nga ai.

Anonymous said...

Majan byin nna wunpawng myu sha yawng bawnu shachyai nga ai ten kaga lam ni naw shazim da mu law.

Anonymous said...

dau lum e dvd n lu dut na myu sha shada shawa hkat ai hku gaw n di ga.ngai nang na dvd ni sum la hkrung ni n mu yu tim nang galaw dat ai bung li gaw grai shut sai rai na re.nang gwi yang ga ga jasam ni hpe shawng shawa sha u yaw.hpang kalang n dan nga shi ga na ai ten nang na prat mung rubbish bin kaw rau rai sai ngu matsing da sa nu..

Anonymous said...

Anhte maigan kaw nga ai ni gaw Zum Zang Dau Lum hte USA Tu Lum na manghkang hpe internet kaw sha hti hkrup na chye la ai gaw, kade ram teng na kade ram shai ai ngu mung shan lahkawng sha chye na re.Tim, hpa mi nga nga anhte Wunpawng wuhpung kata shadada ning re manghkang kaja nan byin lai wa sai nga chye lu ai majaw grai myit n-pyaw tim shan lahkawng shada tawngban hkat ai hpe mu lu ai majaw n-gun lu ga ai. Ya ten anhte Wunpawng ni ning rai chyamchya shakut shaja nga ga yang, anhte yawng tinang du ai shara tinang lu galaw ai atsam hte myusha lawt lu na matu lama mi sha pa lu gunhpai lu galaw yang grai kaja na re. Shadada sha gaw n'ahtu hkat gaw law.

Hkawng Dau said...

Chyena hkat, mara raw hkat ai hpe gaw, hkap la ya ra ai,kadai hpe mung mara nshagun yang kaja sai, raitim ndai kaw na sharin la na, kadai raitim, myu sha shada da shut ai nga jang, ti nang wu hpawng kata kaw sha shading sharai hkat yang kaja ai. Myen ni hpe sara galaw, kam ai myit jasat, an hte myu ni a kata hta galai ra sai. Myen hte pawng galaw sha nga ai, myu sha ni hpe yu hkyet rung ai,yu yu u, Ting Ying, Lasang Awng Wa, Hkyet Hting Nan, Lajawn Ngan Seng..., ndai ni myen na shingna tai ya nga ma ai. Hkau Dau Lum sha nre kadai raitim, shada da mara raw, chyena hkat nna, myit hkrum na ahkyak nga ai. Ndai mabyin gaw, kaman gaw nre, manu dan ai an hte yawng a matu sharin la mai ai lam rai sai. An hte myu sha shada dip sha ai, roi sha ai, garan ginhka ai, manawn masham ai myit jasat ni, moi jiwe jiwa prat kaw na nga ai. Dai hpe galai shai ra sai. Ti nang saidaw saichyen ni hpe hkra yang myit machyi chye ra ai, grai ahkyak ai aten hta, kadai mi shut ai raitim shada da manghkang nbyin na matu ahkyak dik re ngu mu mada ai law.

Anonymous said...

Dau lum nang myen sa wa rau pawng n-na hpung up hte hpung sara ni a kasha hpe ra ai hta jan n-na jahkrit shama let sha wa sha ai ma jaw karai kasang nang hpe sha dum ai re yaw. Ya kaw na gaw jinghpaw wunpawng myu-sha ni kam gim ai shing-ni bying hkra sha kut sa nut yaw.
Lashu ram nihku n-na sa di jaw dat ga ai.
Myen rau pawng n-na myu-sha ni hpe roi mayu ai ni yawng jinghpaw kasa shi-ga dap hpe dum mu yaw.
La bau hka kap mat na.

Anonymous said...

Dau lum nang myen sa wa rau pawng n-na hpung up hte hpung sara ni a kasha hpe ra ai hta jan n-na jahkrit shama let sha wa sha ai ma jaw karai kasang nang hpe sha dum ai re yaw. Ya kaw na gaw jinghpaw wunpawng myu-sha ni kam gim ai shing-ni bying hkra sha kut sa nut yaw.
Lashu ram nihku n-na sa di jaw dat ga ai.
Myen rau pawng n-na myu-sha ni hpe roi mayu ai ni yawng jinghpaw kasa shi-ga dap hpe dum mu yaw.
La bau hka kap mat na.

Post a Comment