Slideshow Image 2

LU HTAWNG POST HPE MYEN NI MAJA WA HTIM GASAT

August (8) bat Masum
August (7) ya shana maga hkying (3:00pm) jan ram hta, Wunpawng Mungdan Shangalawt Asuya up hkang ginra Sadung Saga Pa makau na Lu Htawng Post hpe myen asuya hpyen dap tat-ma (77) hte (99) ni pawng nna n gun kaba hte a kajawng wa htim gasat dat ai majaw KIA Dung (3) na myu tsaw share ninghkring ni asak lawt daw gan yen kau da ya lai wa sai lam shiga na chye lu ai. Ya yang na myen ni a hpyen zai ladat  masa gaw, zim rai lagyim nga rawng taw masu nna, anhte maga na ni n dum shami ayup akup rai, pyaw-a chyawng taw nga ai aten hpe (Sumtsan yu Man-balu) hte ayan lagu yu taw nga nhtawm, akajawng sha htim gasat ai (အငိုက္တိုက္ဗ်ဴဟာ) ngu ai rai malu ai. Dai majaw, Post shagu hta hpyen man shagu hta nga nga ai anhte a Myu tsaw mung tsaw share ninghkring ni yawng aten hpring sadi maja let, nga ra nga ga ai.

8 comments:

Anonymous said...

tsa chyaru lu na kahprim ti nga taw mu post ni yawng myen sawa lata de du mat na ra ai.

Anonymous said...

myen dap lu zing hkra mung shakut yu ga. Ya na masa gaw yen kau da sai nga ai hkrai hkrai.Tinang dap hpe bai lu na pyi nloi yang gaw,W.P mungdan gara hku gaw de sa wa na ta?Ga shadawn; myen gaw shata mi hta KIA dap langai hpe lu zing la ai ngu ga;5 ning rai jang KIA dap ma mat sai.Dai majaw anhte ni mung zai ladat shaw nna shakrip ga.

Anonymous said...

Myitsu ni e..wunpawng mungdan a matu shakut nga ai ni hpe myit daw na zawn nga ai ni hpe bin mai jang gaw n ka yang mai na kun? An hte ni gaw ya she maigan ga kaw du nga di.!prat malap ai hku myit sawn ka bang jang.. kaja wa shakut nga ai ni yawn mat na,ra ai.SADI NA ka bang ga..

Anonymous said...

Rai nga ai.anhte hpe YEHOWA Karai Kasang gaw kam sham myit chyam nga ai ten re.Dai majaw shada n gun dating let myit hkrum hkum din nga ga law hpu nau myit su ni e.

Machyu Bum said...

Majan gasat ai ngu gaw, shi ga hta hti yu yang she dang ai, sum ai nga loi loi hte sha hti shalai kau sha re. Ta tut hta gaw grai nloi nga ai law, Myitrum ni e.... Yen kau ai ngu mung, Hpyen Masa ladat langai mi rai nga ai,Ta tut magam gun nga ai Hpu-nau share shagan ni hpe,ta tut shang lawm n-gun jaw la ga law.....

Anonymous said...

Myen sawa ni a ladat gaw dai hku rai sai, ahkyak ai gaw kIO/KIA ningbaw ningla ni majan ladat sharai ra nga sai ngu mu mada ai. Hpyen wa sha nsa gasat yawng anhte n-gap ai ngu ai ladat hpe yajang galai kau ra na re. Dai n rai yang hpyen wa gaw dai hpe ahkaw ahkang la nna hpyen n-gun mahkawng la di maja gasat dat dat re ai. Dai majaw post ni langai hpang langai tat kau ra ra rai nga ga. KIA ni hku nna mung ni htep nna hpyen n-gun n law shi ai myen post ni hpe n-gun kaba hte maja gasat nna lawan lawan zing la ra sai. Shing nrai jang nanhte a post ni yawng sawa ni zing la kau na ra ai. Hkum a ngawk nga mu zen mu yaw.

Anonymous said...

Myen ni grai ni wa magang sai zet tsang let akyu hpyi shaja let,maja nga ga yaw laiza bu ga na ni e.an hte tsan gang ai kaw na ni gaw akyu hpyi ya nga ga ai myit ru ai mung ding yang le K.K tut bau sin ya nga u ga.

Anonymous said...

Dai myen hpyen la ni anhte jinghpaw mung de hpa wa galaw ai da i? Ngai shadu ai gaw jinghpaw mung kaw nanhpun nnga wa ai majaw nanhpun wa a gat ya ai ngu she shadu ai.KK nga ai shara de hpara naw ai amyu ni nmai sa ai hpe shanhte nchye nga ai.Myen ngu ai hpe kachyi mI mung hkyam sa hkum jaw. La ma wa jahkrung lu rim yang jahkrung nan wan Nat Kau mu.Myutsaw mung tsaw share shagan ni hpe hkung ga jaw dat nngai.Karai kasang tut bau sin nga u ga.wunpawng gumsan mung dan hpe gawgap sa wa saga.

Post a Comment