August (23) bat Mali
Nawng Tau grup yin na hpyen yen ni hpe Miwa asuya hpyen la ni
gaw; dai hpawt kaw nna, Masha jawn Modo 10 jan gau sa wa nna, N jaw
n mai gau shalun ai, Rung rai ni hpe mung mawdaw ntsa majoi kabai mara
ya ai, adip arip rai sa gawt htawt ma ai lam tatut hkam sha ai Hpyen
yen masha ni nan shana wa ma ai.
Hpyen yen dabang na Vedio, Camera, Phone hte sumla kaji mi mung n
dem shangun ai zing la kau ya ai. Shanhte gaw, sa karum dat saga ai
ngu ai hku Record hkrang dasang shapraw shala shangun nna dem la rai
bu ma ai lam mung na chye lu ai.
Lana Zup Ja du ai hte, Dinggai dingla nkau mi gaw, ya du hkra
mawdaw nang nna, n dum mat ai hte, machyi sawng mat ai ni mung ram ram
law mat ai lam mung na chye lu ai.
Ndai zawn rai Miwa gaw tsaw ra myit n rawng ahkyen are rai,
myen hpyen hte maren aroi arip di nna sa sha chyut ma ai lam, nta
ginsum ni mung shanhte a lata hte nan majoi maru marang rai hpya run
, kawng kau ya rai ma ai lam na chye lu ai.
5 comments:
aga ndai gaw grai nan ladu lai ai ga rai sai.UN ICJ de lawan nan tsun ra sai.miwa a n shawp ai hpe mungkan ting chye hkra galaw ra sai.
Anhte WP ni mung yaw saga le. Miwa gaw Jinghpaw mung kaw grai law nga ai she re gaw. Shawng ningnan gaw Tanghpre kaw na bungli masha ni hpe shawng anut dat saga le.
Gwi MI WA NI hpe mung bawm 1,2 hte sharin ra sai. ya prat gaw sharang taw baw prat nrai sai.
Asan sha re myen hte pawng na galaw ai ladat re.tau maja ga.Shan hte hpe myit dum kyu hpyi ya ga.myit ru myit tsang hkum rai.da ting ga.mi kaw na K K a yaw shada lam san2 rai na sai.machye machang hpa ji ni re.sharai la lu ai ladat KK ting sha jaw ya na re.dan re ai kaw na pawn ka aw la na YEHOWA MADU KK nga ai.tut du ga,shi hpe shakawn kungdawn ga.
YEHOWA KK gaw teng man ai maga de tsap ya na madu Karai rai nga ai.
Post a Comment