Slideshow Image 2

MYEN DAWNGHKAWN LANG HTE SENG NNA HPYEI NEM LAIKA

Myen dawnghkawn lang hkrup ai hte seng nna tawngban dat nngai.
Ndai Myen dawnghkawn lang hkrup ai hte seng nna, KDF hku nna mung, woi awn galaw ai ni hku nna mung, shang lawm ai ni hkum ding dek hku nna mung, ngai Bawmwang Jadan Li hku nna mung Myen Asuya hpe madi shadaw ai lam tsep kawp nnga ai zawn Myen Asuya a dat kasa hku nna shang lawm ai lam mung nrai ga ai. Burma ngu ai mungdan a mying hte shi a dawnghkawn hpe jai lang nna anhte Jinghpaw Wunpawng amyu sha ni a htunghkying hte mabyin lam yan ni hpe mai byin ai hku nna mungkan de masha law law grau chye wa na matu lam tam shakut ai lam she rai ga ai. Shingre shakut ai lam hta e ladat shut ai rai na sai.
Nye a kraw dung kata kaw na Myen Asuaya hpe madi shadaw ai lam, yu kaba ai lam tsep kawp nnga ai zawn htawm hpang de mung nga na nrai ai hpe ga sadi jaw nngai. Amyu sha lam hpe galaw sa wa ai ten hta masa a majaw Myen dawnghkawn hpe lang hkrup ai a jaw e Nu Wa Hpu Nau, manaw manang ni hpe myit shut, myit n’pyaw, masin pawt lam hte yin la shut shangun na zawn byin tai shangun ai majaw yawng hpe kalang mi bai hpyi nem tawngban dat nngai.
Matut nna amyu sha lam yan shakut ai hta shada da hpaji jaw la ga. Ngai hpe mung matut shadum hpaji jaw la mi ngu hpyi lajin dat nngai.

Yawng hpe hkungga let,
Bawmwang Jadan Li

21 comments:

Myujet said...

Grai na kabu sai.K.k hku nna lam shagu hta shaman ya u ga

sammung ramma said...

grai gabu sai wp sha ni sat nat nga ai ten yawng myit dum ra sai.tsa dan myen hpe wp sha ni yawng chyawm ning hkap gasat ga yawng.yawng myit hkrum ai hte.

sammung ramma said...
This comment has been removed by the author.
KK a mayam said...

Mu chye ai ni , tatut ganawn mazum nga ai ni yawng Myit su wa a lam chye chya Lu rai na re. Hpa n tsang ra ai!! Galaw ging/galaw ra ai anhte Myu sha lam ni, madi shadaw lam ni matut galaw sa wa u! "N-KAJA ai hku Ningmu hte Yu ai wa gaw galoi tim,n- kaja ai hku sha mu na re.!!Myit hkum daw !! KK tut nawg lam woi ya u ga.

Anonymous said...

W.P sha ni shada tsawra myit hpe madung tawn ga..Sgl Ja dan li sanglang dan ai tawngban ai lam hpe ngai hku nna aja awa teng ai madi shadaw nngai..

KK a mayam said...

Galaw ra ai Myu sha lam ni hpe tatut matut galaw sa wa u.Myit su wa hte rau nga ai manaw manang ni,ganawn ga Sai ni , ta tut mu rau galaw yu Sai ni Yawng gaw Myitsu sa
Wa a Myit masa lam, woi galaw sa nga ai lam/ ladat ni hpe mu chye chyalu rai na re.
"N KAJA ai myi jut,ningmu hte yu yang, N KAJA ai hku sha mu na re.!!Myit San Seng let kaja ai magam bung Li hpe galaw nga Sai re majaw, KK a chye ju tut nawng Lu la na ra ai.SHAKUT U.!!!!

Anonymous said...

Slg. Ja Dan Li ndai hku tawngban ai grai hkrak sai ngu mu nngai. Shut ai wa mi nrai tim masha law law shut ai ngu mu jang gaw myit yu hpa re ngu ngai jau jau kawn tsun sai. Raitim hpang nhkrat shi ai. WP ni yawng chyena chyalu rai na masai.God bless you.

Wunpawng Brang

Anonymous said...

Myit ndaw ga yaw

Anonymous said...

Myit ndaw ga yaw,

Wunpawng Myitrum said...

Anhte ni yawng computer shawng kaw dung nna manang ni galaw sa wa ai ten hta shut shai ai lam nga yang mara shagun na matu gaw grai loi nga ai. Tatut galaw yang she amyu byin wa ai lam hpe mung myit dum ga. Tatut galaw yang shut shai ai lam ni mung nga wa na re. Ting nang nshut tim masha law law kaw nna shut ai hku mu yang slg. Ja Dan Li zawn yin la gwi ra ai.
Anhte J.W sha ni shda da shut shai ai ni hpe shading sharai la na malai matsa mawa nga ai ga, amyu ting hpe personal attack galaw ai zawn re ai ni gaw amyu kaba myit kaba ladat nre ai sha n ga ting nang hkum ting nang dai madang de shagrit la ai lam rai nga ai. Grau nna gaw J.W amyu ni yawng a matu kaja ai lam nlu ai sha daw hka na lam de grau rai wa na re.
Ya na zawn myitsu hku nna yawng hpe hpyi nem tawngban dat ai lam gaw grai kaja sai. Lam shagu hta KK bau sin lam woi ya nga u ga.

Anonymous said...

Jinghpaw laika hpe jaw hkra ka lang ga. Ndai mung mara shagun ai nre, yawng ni tsun ai hte maren hpaji jaw ai re.

Anonymous said...

Learning from mistake enriching you knowledge. Don't annoy with the comments.

Jatawng Naw said...

N dai zawn WP myu sha hpu nau yawng hpe hpyinem let bai sanglang ai lam gaw grai mai kaja ai lam rai sai. Hkau Jadan Li hku nna, dingsang galaw kau dat ai n re hpe mung chye ya ga ai. Ten hte masa lam hkan nna lawan myitsawn dawdan ra ai majaw ningra mat ai lam rai na re.
Karai Kasang Wa nang hte na nta masha ni hpe matut shaman ya nna, WP myusha ni shanglawt lam hta grau apnawng shanglawm lu u ga.. kyuhpyi myitdum ya ga ai.

Anonymous said...

Um kaja dik ai myit sha grit ai manu dan dik ai myit masin re,

Dau lum a CD hte seng nna mung tsun ra ai, shada sai chyup mayu ai Dau lum hpe USA Lum Tu kaw shawa sha da ai lam ni bai jaw kau yang kaja na re.

JingHpaw said...

DAN! Shut ai hpe shut sai ngu ai ga gaw manu grai dan ai re. Ya na zawn Myen ni roi rip taw ai ten re ai majaw yang ni pawt wa ai re ai hpe mung chyena hkat ga. Anyway, May God bless you good man!

BW ni a jinghku jet jet said...

Masha masa yang masa nang..masha shakawn yang shakawn nang re ai gaw ,manang kaja n re yaw.Myit rum ai sai daw Sai chyen shada gaw ,ra ai lam kaw tsaw ra Myit hte,makaup maga hkat, hpaji jaw,n gun jaw, shadum hkat ra ai re.Slg JaDanLi matut hkawm sa na shawng lam hta KK a shaman chyeju n hpaw n ya Lu la u ga kyu hpyi ya dat ai.

ZaiNingJar said...

HKRAK SAI..May GOD bless you always..

Manang said...

DUmagam myu ngu ai ni gaw, Myit shagrit shanem chye ra ai,Tsun gwi,shaga gwi,galaw gwi ra ai.San Seng ai Zai ladat chye lang ra ai.Grai kaja Sai.Nang lahkam dat ai Lagaw lahkam shagu hte ,na aq Myit mang ai lam ni a ntsa Karai Kasang a shaman chyeju tut hkan nang u ga..

Chyu rum WP sha said...

Madu n shut tim NingMuu n bung hkat ai a jaw,e Shut ai hku Mu ya,jahpoi ya,masa jaw re ai masha n kau mi a majaw Ya na zawn Hpyi nyem lai ka,ka shapraw dat ai Grai Kaja Sai..Karai a shaman chyeju hte awngdang lam ni tut nawng Lu la u ga.God Bless You and your family.

KDF malawm langai said...

Ngai mung ndai lamang hta dawnghkawn nlang hkrup tim Jinghpaw ni a htung hkring hte anhte a lam hpe byin mai ai maga na mungkan de grau chye hkra ngu n na shang lawm sai. Yawng hpe chye sha ngun mayu ai gaw Kachin Development Foundation ningbaw wa shi hkrai daw dan n na galaw ai n re. Yawng gaw kaja ai lam rai wa na re ngu n na jawm galaw sai. Raitim ningbaw re ai majaw dawng hkawn lang hkrup n na, yawng a ningmu hpe hkungga ai hku nna hpyi nem ai gaw grai kaja ai lai len re ngu mu mada ai. Ningbaw ngu ai ni gaw galaw daw dan gui galaw gui n na shut wa yang mung mara hpe yin la gui ai ladat rai nga ai law.

Lama NuNu said...

Yawng hpe grai chye ju Kaba sai

Post a Comment