Slideshow Image 2

MYING

Mungkan hta ban hte ban mying kaba lai wa sai ningbaw ningla ni, hkaw hkam ni, hpyen jaubu ni hte hpaji ninghkring ni jahten sharun n'na matse gumshem ni makam masham sara kaba ni grai dan hkrung paw pru lai wa sai re. Dai madu prat hta mung shawa a akyu ara hpe tinang sak hkrung ai ten hta dangdi dangdep ai hta grau ninghtawn hkra, shakut shaja mying dan hkung lai wa sai ni grai law nga lai wa sai re.
Ya daini kaga myu sha ni a mying kaba ai ningbaw ningla hpyen jaubu ni a lam hpe tawn kau nna annau ni a myu sha kata kaw na mying kaba lai wa ai hpu shawng hpuba ni a mying hpe loi ka sanglang dan mayu n'ngai. Annau ni hta mying kaba lai wa sai hpyen jaubu ni.

1- Bang Gum Zau Tu
2- Naw Seng
Mung up Du
1- Sama Duwa Sin Wa Naw [Gumsan magam]
2- Du Kaba Lahtaw Zau Seng
3- Maran Brang Seng
4- Mali Zup Zau Mai
5- Lamung Tu Jai
6- Langyaw Zawng Hkra
7- Bumwang La Raw
Du Salang Ning Baw ni,
1- T. Hkun Myet.
2- Mahtu Naw
3- Zahkung Ting Ying
4- Lasang Awng.
5- Tanggu Dang
N'Gun ja ai.
1- Mungli Zau Gam
2- Hu Bren Zau Tang
3- Lachyung Brang
Lahta na hpu shawng hpuba ni gaw annau ni a labau hta ngam nan nna labau ginshi hpe kaja ai n'kaja ai sakse hku hpang de na annau ni a kashu kasha ni a matu shanhte prat hta galaw shakut lai wa sai mabyin mahkrun ni hpe n'kam tim ngam kau da ra sai re. Labau ginshi shawn kau da ra sai.
Ya hkyak hkyak annau ni hta mying kaba dik nga ai sumla hkrung shadang shayi ni hta grau ai. Jinghpaw hkaw hkam daw rai nga ai, maga ga de mying ninghtawn nga ai, laika man shiga ni hta mying kaba nga ai, yawng a n'gup hta mying gumhkawng dik nga ai, myu sha ni a kam hpa gin ai, mung masa ningbaw, Hpyen Ningbaw, Sutdu, myu sha yawng a myi ju myi jut yu maram nga ai annau ni a sai kata na ningbaw nkau mi nga nga ai re.
1- Slg. Du kab Zahkung Ting Ying
2- Du Kaba Gam Shawng
3- Du Kaba Gun Maw
4- Slg. Kaba La Nan
5- T. Hkun Myet ni rai nga ma ai.
Yawng a myit masin hta n'dai ni hpa baw galaw nga ai, hpa baw tsun nga ai, ganing re sat lawat ningsam galaw shapraw nga ai kaw na hkawt yu maram myit shang sha nga ai ni grai law nga ai re. Annau a ningbaw kaba n'dai ni myu a matu kade ram, mungdan a matu kade ram akyu jaw akyu tam ya ai lam galaw nga ma ai kun nga, ten hpring maram shiga madat shajang nga ai re.
Tsaw ra dik ai ningbaw kaba hpu shawng hpuba ni e tinang sak hkrung ai ladaw laman myu a matu kaja dik ai labau ginshi hpe mahkri shawn kau da lu yang gaw hpang na annau ni a matu mara, ban hte ban prat hte prat kasi yu len la, lagaw hkang hkan na rai nga ai law. Madu kabye kau da ai lagaw hkang hpe annau ni kaja ai hpe kaja ai hku hkan kabye na re. Dai ni jan du wa mahka rai wa nga saga ai, jan grai n'shang yang, ninghtoi naw mu nga yang anhte kashu kasha ni a matu kaja ai kasi ningli kaja ai sali wunli kamhtaw jaw kau da na re ngu kam ai law.
Chyurum ai annau ni htinggrum kata e she ahtawk ahtak nga tsun hkat yang kaja na ten du sai, ahkyak ai ten hta myit hkrum gin sai. Kadai hpe hkra tim sai bung ai annau ni kraw lawang yawng hta machyi hkam sha yang n'pyaw dik ai, nang ngwi pyaw tim na lawu lahta ni n'pyaw yang hpa di na prat mi hta lang sha myu bung sai rum chyurum ai annau ni myit hkrum yang anhte ma ni kade sha n'gun lu na, kade sha pyaw na, ya gaw shat ngam gashun sha ai n'pan na gwi la she tai nga ai.
Dai ni grau mying kaba dik ai hte, laika man hta shara grau la nga ai, masha yawng a n gup hta tsun kajai gumhkawng ai hta kaja ai kun? n'kaja ai kun? grau mying gumhkawng nga ai hte sumla hkrung hta grau, hkaw hkam daw zawn, yawng a myit hpe gang ashun nga ai, yawng a No. 1 jaw hkrum nga ai gaw kadai ta? Ngai hku na gaw ya yang Jinghpaw Mungkan hta mying kaba nga ai ngu No.1 jaw ai gaw Du Kaba Slg Kaba Sutdu Zahkung Ting Ying re. Kanu kawa hpu shawng hpuba e nang lu ai n'gun atsam nang chye ai machye machyang, sut arung arai, na a hkum hkrang bawnu yawng gaw annau ni yawng a matu akyu rawng ai lam hta jan grai n'du shi yang jai lang na hpe grai kam kaba myit mada nga ga ai law. Annau ni mying kaba ai n'law la ga ai, annau ni naw kaji kadun ga ai, annau ni naw shakut ra ai, annau ni shanglawt naw lu ra ai. Annau ni a n'tai n'mai hpa grai n'chye shi ai ni a madai ai n'sen hpe nang na ya sai. Ten naw nga yang ninghtoi naw mu nga yang Na mying kaba ai lam hpe maza ka, shanut katawng hta n'bang kau u ga.

Baren Numraw
26/8/2012.

13 comments:

Anonymous said...

Um Um rai nga ma ai,,Naw seng wa a prat hta mung ,,Naw seng wa gaw nam hkam ,za hpawng hta ,sa ma du wa sin wa nawng hpe sat n na,myit kyi na kaw na ,yan gon du hkra ga sat sha myit na nga yang ,,ba get ta ya tang ji wa n hkraw ai ma jaw,,( yawng gaw jing hpaw sha da si thum na re nga n na n mai na re nga pat shing dang lai wa sai ( dai ten myen dap gaw JING HPAW MYU SHA NI SHA MYEN DAP KAW N GUN JA AI TEN RAI NGA AI ,,)
GANAN hkun nawng a prat hta mung ,la wu na ma ni gaw ,,tsun ai ,,an hte jing hpaw mung hpe an hte ga ran di na nga mat sa ga ngu tsun yang ,,,
ga nan hkun nawng tsun ai gaw myen mung gaw an hte ta hta sha re,,nga kam kau lai wa sai,,,
ne win wa yan gon de sha ga la n na ,jut kaw ga bai kau ai sha loi she ,,,,,( yan gon du jang jing hpaw ni ma nu n dan sai nga tsun sha praw wa sai,) dai sha loi gaw hpang hkrat mat ai gaw ya dai ni du hkra re,,,,,m
bai ma tut na...... .......

Anonymous said...

zahkung ting ying hpe grai pawt ma ya taw nga ai dai hku sha naw galaw nga yang lani mi na lawt na hkum sha du.

Anonymous said...

Zahkung Ting Ying gaw moi KIA hte rau Myit hkrum let rau Mu Jawm galaw yu Sai nga LABAU hpe a tsawm chye ai ni tsun ma ai.Hpa majaw shadada HPYEN tai mat wa ai kun i.?Myit machyi hkat mat ai lam ni, manghkang
ni nga lai wa Sai nga?Ya prat(myen&KIA majan prat) na ramma n kau ni madu a mung masa Labau ni hpe a tsawm n hka jar n na, kam mara tsun chye ma ai.!Ramma ni sha n gar.. N kau Dusalang ni mung tengman ai LABAU hpe n kam tsun/n lu tsun dan ma ai.HPA MAJAW????????

Anonymous said...

BAREN NUMRAW E, NO. 1 GROUP kaw,ANHTE W.P. SHA ni a ningbaw ningla galaw lai mat wa sai,DUWA ZANHTA SIN,DUWA DINGRA TANG,DUWA ZAU LAWN, DUWA WABAW ZAU RIP ni hpe kahtap bang yang nmai na kun? WADI.

Anonymous said...

Wunpawng amyu sha ni a du baw hpe arang shatai nna tinang a ngamu ngamai lam hpe galaw ai ningbaw ningla ni hpe gaw koi kau ga. Communist prat hta mungdan hpyi ga nga woi galaw nhtawm ya gaw tinang a asak hpe makawp maga ya lai wa sai tinang a hpyen ma ni hpe pyi dut sha kau da ai lachyum re. NDA (K) hpyen la ni gaw ningbaw ni e Myen amyu ni kaw dut sha hkrum ai ni rai ma ai. Myen hte nkam pawng tim dut sha hkrum sai re majaw kaning ndi hkam mana ra manu ai. Ya na ningbaw ni mung ndai lam ni nbyin hkra sadi ga.

Anonymous said...

uhm.. myu tsaw mung tsaw ngu ai ga baw hte hpyen lahkawn la nna ningbaw ningla ni dut sha hkrum na mung tsang ra nga ai i....

Galoi she lawt lu na?????
Galoi she lawt lu na?????

Anonymous said...

myu sha yawng a matu machyi hkam ya ai masing jaw jaw hte woi aun lu ai ningbaw grai ra nga ai ten hpa rai nangshoi nangsha nga masha myu ni madat n'pyaw ai baw galaw chye nga ma ai kun?myu sha shada sumbu kata tsun na malai kaya n'su mungkan de anhte myu ni manya ga ngu shapoi mayu nga myit ta?

Anonymous said...

BAREN NUM RAW E, NA A NINGBAW NINGLA JAHPAN HTA,ZAHKUNG TING YING, MAHTU NAW,LASANG AWNG WA ni hpe shalawm yang,KIO,KIA hpe lami num dawn langai mi hta lit la shading sharai lai wa sai,NINGBAW MALAI DU KABA N BAN LA AWNG hte SHARE SHAGAN NING HKRING DU KABA L.Z. BAWK,DU KABA PAN AWNG ni hpe mung nmai malap na re,ngu, hpaji jaw mayu ai yaw.

Anonymous said...

Zahkung Ting Ying wa hpe grau madi madun mayu nna n'dai laika ngau hpe ka ai rai sam ai.zahkung Ting ying wa e myit malai gin sai law.dai myit n'malai sayang gaw shani shana yup mang n'tsawm ai shingran gatsi na ten du wa sai yaw.galoi du sadi maja lu na kun?ningsin gaw na makau ganyip wa nga ai.

Anonymous said...

Baren wa e,Na a ningbaw ningla jahpan hta gaw,Dai Thai lamu ga jarik kaw sat kau hkrum ai PUNGSHWI ZAU SENG wa mung nlawm nga ai le,Dai wa mung ahkyat dik ai ningbaw ningla langai re le.

Anonymous said...

Grau tsun gaw grau ningbaw ningla grai law wa nga ai law Baren wa e Dukaba zau seng Dukaba Zau Tu Zau Dan hte Dukaba ni hpe sat ai Seng Tu mung mying kaba ai langai rai nga ai.anhte gaw shanglawt lawan woi lu na ningbaw kaba ni hpe she myit mada nga ga ai law.Baren wa e law law naw sawk madun hpaji jaw ya rit yaw.ten kadun hta lawan shanglawt lu ra sai.Ma ni hpe n;dang matsan dum mat re sai.

Anonymous said...

Hkung ga ai laika ka da ai ni nan hte gaw kam ai hku tsun taw nga ma ai, dai ni nang ngai amyu kata hta byin nga ai mang hkang ni gaw marai 1 sha galaw na byin taw ai n re. Grau n na nan hte tsun taw nga ai Zahkung Ting Ying rai nga ai. Hpa majaw shi hpe hkrai mara tam nga ma ai kun???? Laga ni mung maren sha rai nga ai le.Ah dang, hkun myat,Lasang awng,Zau Mai sha n ga ai ni mung kaja nga ai kun???? Hpa majaw Lachid amyu rai nga ai Ting Ying hpe hkrai mara tam nga ma ai kun??? Nan hte mung tara rap ra ai hku myit yu mu. Hpa majaw NDAK byin wa ai ngu ai hpe mung nang ngai n mu lu dat ai zawn chye ma n chye ai sha re. KIO/KIA kata kaw mung kaning re ai mang hkang kaba ni nga ai ngu ai hpe mung myit dum ga. Hpa majaw ningbaw kaba Zau tu ,Zau Seng ni hpe gaw kadai sat ai rai???? Dai shang lawt sha sat ai n re i????? Lazing wa hpe kadai sat ai rai????? Nan hte kam ai hku sha hkum myit hkum ka mu. Ya yang e grau na pi myit hkrum mang rum ra na ten hta she grau na myit garan sha ngun ai ni gaw kadai ni rai? Hpa majaw pangwa hpe KIA ni n gun kaba hte n wa gasat ai rai? Hpa majaw n dang lu ai rai? Pangwa maga de KIA anya chya la re ai ni hpe sha wa gasat sha ngun tawn sha ngun tawn na mung masha ni hpe jam jau sha ngun nga ai ni gaw kadai rai???? Nan hte na myit jasat hta mung Karai Kasang ra ai myit masa n shangai ding ra gaw myu sha myit hkrum mang rum lam lu na n re ai zawn, Mungdan mung byin wa na n re. Nang ngai a myit masa jasat ni hpe mung naw gram lajang le Awng Padang hkun lam ninghtoi de lahkam htawt sa wa ga!!!!!!!!


Hkung ga let
Kachin Freedom Fighter

Anonymous said...

Dukaba Zau Seng Dukaba Zau Tu Hpungshwi Zau seng ni hpe sat ai gaw myen a kaichyan shangun ma Seng TU myu ting hpe sadi hpyen ai majaw re law,Zahkung Ting Ying hpe chyu tsun nga ai n'rai na ma ai.Zahkung Ting Ying Lasang Awng Tanggu Dang T,Hkun Myet ,Du Mun Yan nau ni gaw myu kata na shan kata na byey ni re ngu mu ai.Myu sha shada sai hka lwi na sat hkat na n'gun jaw garum nga ai ni re.myen a mayam ni re.galoi mung jinghpaw mungkan hpe shingla ai ni re hte WP jinghpaw myu sha ni yawng hpe kaji kadun hkra ladat tam zingri shangun nga ai ni re.myu hpe mayam tai na matu dut sha ai ni re.

Post a Comment