Ga n'sen pyi n'pru gwi hkra, tsun shaga na ahkaw ahkang kya dik hkrum nga sai, grit nyem dik ai masha utsang matsan masha n'kam tai tim dasang dip shanyem dip pat hkrum nga ai matsan mawru hta bawsang ni hte rau annau ni mung madai n'sen pyi n'lu pru hkra hkam sha hkrum nga saga ai re. Gaya magap na daram sha buhpun, da shatawt sha na pyi n'lu mat sai ten hta dasang kan gyit shakyit hkrum ai gaw madat yu yang pyaw ngawng dik ai n'sen gaw n'pru lu na re.
Masha ni ningsen hta grau lawan ai, ninghtoi na grau lawan ai jak shagan n'bungli ni hte gyin shalat shingjawng nga sai ten annau ni gaw madu lagaw hkang shara ai hpe madat, madu shaga ai hpuntang mahku n'sen hpe madat nna shawng de dasang n'gun hte sit yu tim n'lung chyinghka kaba hte htu pat ai hkrum ai. N'dai zawn re myu kaba madin kaw n'na kaning re n'sen hpe madat nna annau ni htu malawng hkindit pru ra nga ga ai kun?
Mungkan a majan shiga n'sen, duhkra ladaw, n'sen, hpaji hparat n'sen, hku hpyen, wan hpyen, n'bung laru hpyen, n'nang nawn hpyen, liwaw ana ahkya hpyen, ni hpe ja ja madat shingram yu nna, kaning re n'sen hpe grau madat hpaji la nna annau ni a pandung de kara hku lawan ai hku mai du lu na ngu ai hpe sung sung myit shachyaw dinglun yu ra sai. Myen a masu magaw n'kaja ai hpe sha tsun chyai, jahta chyai nna n'mai ngut sai, grau nna gaw n'dai zawn re matse labye hpe kara hpunggaw kaw, yi sa lam e kun hka sa lam e kun shakre kau lu na hpe she tau hkrau nna, ten la nna, myit sawn hpaji jaw ai uhpng langai hpe hpaw ninghtan nna annau ni a lamu ga hta shang kabye jung tawn ai yawng hpe n'pawt kaw na ru lakyin n'ngam shagrawt gawt kau ra sai.
Dai ni myen mung hta ngoi nga ai n'sen kaba ni.
1-Bawsang rawt malan hpung ni a sinat n'sen.
2-Myen a hka ma aum tawn n'na simsa lam tam ai n'sen.
3-Num bahkang lapran kaw na Rapdaw lung ai n'sen.
4-Arahkaing myu lakung, makam garan ginhka ai n'sen.
5-Maisau pa hpe yu n'na tara jeyang ai n'sen.
6-Matsan masha ni a madai ai n'sen.
7-Ana zinli a makret hkrum ai n'sen.
8-Lamu ga zing madu ai n'sen.
9-Hpaji myi pat hkrum ai n'sen.
10-Hka ka-up n'sen.
11-Ten galu shaning galu anhte bawsang ni hte majan n'sen ngoi ai gaw ahkyak la nna madat maram ra dik ai n'sen kaba ni rai nga ai. Anhte shinggyin masha ni a matu tsang ra dik ai n'sen kaba langai mi gaw shaning grai na ai kaw na laning hte laning, lani hte lani grau tsang ra ai n'sen kaba byin pru nga ai, mahku n'sen yet sha ngoi ai kaw nna lani hte lani grau grau ja ja mahku n sen kaba wa nga ai gaw {mungkan a duhkra ladaw} galai shai wa ai lam rai nga ai. Mungkan gaw laning hte laning lani hte lani grau kahtet wa nga ai ngu ai hpe anhte law malawng gaw malap mali ahkyak nla ai nga kau ga ai. N'hprang hpaji ninghkring ni gaw lai wa sai ten kaw n'na sadi jaw shadum wa sai re.
1-Mungkan laning hte laning grau kahtet wa ai jaw, duhkra ladaw katsi kahtet kalai shai wa ai. Lamu marang, jan ja kahtet shadang shai wa ai. Dai ni hkyen bum ni byawng wa ai. Mungdan n'kau mi hta marang ladu lai htu ai jaw hkai n'mai hkauna sun ni hten mat ai, mare law law hka lup mat ai. Mare kahtawng htinggaw law law hten mat ai. N'kau mungdan ni panglai kata de lup mat ai, lamu ga law law hka ka-up hkrum ai jaw sum mat ai.
2-Ladu lai kahtet ai jaw hkai n'mai hkaili ni hten mat ai, n'mai hkai sha mat ai, lu hka n'lu ai manghkang, ali awaw machyi makaw law wa ai manghkang, masha urum wa ai. Malu masha manu lung wa ai, hku kaba ni byin hkrum hkra nga sai gaw shaning hku rai wa sai re.
3-Duhkra ladaw katsi kahtet kalai shai wa ai jaw hpaga yumga hkrat sum wa ai, dusat ni malu masha kye wa ai jaw, dusat urum hte dusat ana law wa ai. Hkai n'mai, shan manu lung wa ai hte wan jahpun jak jahpu lung ai. N'dai mabyin ni yawng gaw anhte shinggyin masha ni yawng kaw ahtu hkra chyalu rai nga ai. Magwi lasi yang uloi daram nga ai hte maren mungdan kaba ni hta gumhpraw mang hkang, malu masha manghkang ni byin hkrum hkra ai zawn anhte matsan ai mungdan ni gaw grau hkrum sha hkam sha chyalu rai nga ai.
Dai ni duhkra ladaw hpe yu nna annau ni a hpyen masa mung masa lam hpe mung ahkyak langai hku chye jai lang ra sai. Myen mung e mare kaba lamu ga ginwang hku hka ka-up sha hkrum nga sai hte hkauna yi sun hkai n'mai ni eka sen kaba hku sum mat sai re. Dai ni hpe sawn maram yu nna annau ni a hpyen zai ladat hte mung masa masing hpe lawan ai hku jashai shamawt sa ra sai ngu mu ai. Mau mwi dingsa hpe madat chyai hkai chyai nga na malai tau hkrau n'na myen a shawng de shamu shamawt nga ai hpe lawan dandi kau chye ra sai. Duhkra ladaw a jaw byin chye ai, Hku hpyen, Wan hpyen, N'nang nawn hpyen, N'bung laru hpyen, Ana ahkya hpyen, majan hpyen gaw du nyi magang nga sai re.
Dai ni annau ni hte bawsang ni a madu lamu ga hta tawt lai shang kabye adip arip sat nat roi rip mya jahten sha nga ai hta n'ga, sing gu krin byin hkra dasang gasat ai ni hpe tara ai hte hkap ningla gasat ai. Madu lamu ga madu hkum hpe makawp maga la ai, madu ahkaw ahkang a matu ninghkap gasat ai hpe gaw kasu kabrawng hpung nga marawn ai. Myen ni nan myu shamyit ai hku tara n'lang kam mara zingri roi rip ai, mare nat myalu myasha, num ma roi ai hpe gaw simsa lam tam ai n'sen re ngu masat madat maram lu na kun?
Myen nan sinat mahku n'sen shapru ai, mara kata sat zingri ai hpe asuya n'sen ngu na kun? Sing gu krin byin hkra myalu myasha chye nga ai hpe Democracy ahkaw ahkang ra ai n'sen ngu na kun? Shani shana sinat mahku shangoi nga ai ni hpe simsa lam ra ai, simsa mayu ga ai ngu mahku n'sen shapraw hkawm wau hkawm ai gwi tam a n'sen hpe simsa ai n'sen ngu na kun?
Galoi mung simsa lam n'sen n'madat ai gwi gwi hte shara ra kaw du hkra myen nyau ai n'sen na hkra htu htim gasat kau ra sai.
Baren Numraw
21/8/2012
Masha ni ningsen hta grau lawan ai, ninghtoi na grau lawan ai jak shagan n'bungli ni hte gyin shalat shingjawng nga sai ten annau ni gaw madu lagaw hkang shara ai hpe madat, madu shaga ai hpuntang mahku n'sen hpe madat nna shawng de dasang n'gun hte sit yu tim n'lung chyinghka kaba hte htu pat ai hkrum ai. N'dai zawn re myu kaba madin kaw n'na kaning re n'sen hpe madat nna annau ni htu malawng hkindit pru ra nga ga ai kun?
Mungkan a majan shiga n'sen, duhkra ladaw, n'sen, hpaji hparat n'sen, hku hpyen, wan hpyen, n'bung laru hpyen, n'nang nawn hpyen, liwaw ana ahkya hpyen, ni hpe ja ja madat shingram yu nna, kaning re n'sen hpe grau madat hpaji la nna annau ni a pandung de kara hku lawan ai hku mai du lu na ngu ai hpe sung sung myit shachyaw dinglun yu ra sai. Myen a masu magaw n'kaja ai hpe sha tsun chyai, jahta chyai nna n'mai ngut sai, grau nna gaw n'dai zawn re matse labye hpe kara hpunggaw kaw, yi sa lam e kun hka sa lam e kun shakre kau lu na hpe she tau hkrau nna, ten la nna, myit sawn hpaji jaw ai uhpng langai hpe hpaw ninghtan nna annau ni a lamu ga hta shang kabye jung tawn ai yawng hpe n'pawt kaw na ru lakyin n'ngam shagrawt gawt kau ra sai.
Dai ni myen mung hta ngoi nga ai n'sen kaba ni.
1-Bawsang rawt malan hpung ni a sinat n'sen.
2-Myen a hka ma aum tawn n'na simsa lam tam ai n'sen.
3-Num bahkang lapran kaw na Rapdaw lung ai n'sen.
4-Arahkaing myu lakung, makam garan ginhka ai n'sen.
5-Maisau pa hpe yu n'na tara jeyang ai n'sen.
6-Matsan masha ni a madai ai n'sen.
7-Ana zinli a makret hkrum ai n'sen.
8-Lamu ga zing madu ai n'sen.
9-Hpaji myi pat hkrum ai n'sen.
10-Hka ka-up n'sen.
11-Ten galu shaning galu anhte bawsang ni hte majan n'sen ngoi ai gaw ahkyak la nna madat maram ra dik ai n'sen kaba ni rai nga ai. Anhte shinggyin masha ni a matu tsang ra dik ai n'sen kaba langai mi gaw shaning grai na ai kaw na laning hte laning, lani hte lani grau tsang ra ai n'sen kaba byin pru nga ai, mahku n'sen yet sha ngoi ai kaw nna lani hte lani grau grau ja ja mahku n sen kaba wa nga ai gaw {mungkan a duhkra ladaw} galai shai wa ai lam rai nga ai. Mungkan gaw laning hte laning lani hte lani grau kahtet wa nga ai ngu ai hpe anhte law malawng gaw malap mali ahkyak nla ai nga kau ga ai. N'hprang hpaji ninghkring ni gaw lai wa sai ten kaw n'na sadi jaw shadum wa sai re.
1-Mungkan laning hte laning grau kahtet wa ai jaw, duhkra ladaw katsi kahtet kalai shai wa ai. Lamu marang, jan ja kahtet shadang shai wa ai. Dai ni hkyen bum ni byawng wa ai. Mungdan n'kau mi hta marang ladu lai htu ai jaw hkai n'mai hkauna sun ni hten mat ai, mare law law hka lup mat ai. Mare kahtawng htinggaw law law hten mat ai. N'kau mungdan ni panglai kata de lup mat ai, lamu ga law law hka ka-up hkrum ai jaw sum mat ai.
2-Ladu lai kahtet ai jaw hkai n'mai hkaili ni hten mat ai, n'mai hkai sha mat ai, lu hka n'lu ai manghkang, ali awaw machyi makaw law wa ai manghkang, masha urum wa ai. Malu masha manu lung wa ai, hku kaba ni byin hkrum hkra nga sai gaw shaning hku rai wa sai re.
3-Duhkra ladaw katsi kahtet kalai shai wa ai jaw hpaga yumga hkrat sum wa ai, dusat ni malu masha kye wa ai jaw, dusat urum hte dusat ana law wa ai. Hkai n'mai, shan manu lung wa ai hte wan jahpun jak jahpu lung ai. N'dai mabyin ni yawng gaw anhte shinggyin masha ni yawng kaw ahtu hkra chyalu rai nga ai. Magwi lasi yang uloi daram nga ai hte maren mungdan kaba ni hta gumhpraw mang hkang, malu masha manghkang ni byin hkrum hkra ai zawn anhte matsan ai mungdan ni gaw grau hkrum sha hkam sha chyalu rai nga ai.
Dai ni duhkra ladaw hpe yu nna annau ni a hpyen masa mung masa lam hpe mung ahkyak langai hku chye jai lang ra sai. Myen mung e mare kaba lamu ga ginwang hku hka ka-up sha hkrum nga sai hte hkauna yi sun hkai n'mai ni eka sen kaba hku sum mat sai re. Dai ni hpe sawn maram yu nna annau ni a hpyen zai ladat hte mung masa masing hpe lawan ai hku jashai shamawt sa ra sai ngu mu ai. Mau mwi dingsa hpe madat chyai hkai chyai nga na malai tau hkrau n'na myen a shawng de shamu shamawt nga ai hpe lawan dandi kau chye ra sai. Duhkra ladaw a jaw byin chye ai, Hku hpyen, Wan hpyen, N'nang nawn hpyen, N'bung laru hpyen, Ana ahkya hpyen, majan hpyen gaw du nyi magang nga sai re.
Dai ni annau ni hte bawsang ni a madu lamu ga hta tawt lai shang kabye adip arip sat nat roi rip mya jahten sha nga ai hta n'ga, sing gu krin byin hkra dasang gasat ai ni hpe tara ai hte hkap ningla gasat ai. Madu lamu ga madu hkum hpe makawp maga la ai, madu ahkaw ahkang a matu ninghkap gasat ai hpe gaw kasu kabrawng hpung nga marawn ai. Myen ni nan myu shamyit ai hku tara n'lang kam mara zingri roi rip ai, mare nat myalu myasha, num ma roi ai hpe gaw simsa lam tam ai n'sen re ngu masat madat maram lu na kun?
Myen nan sinat mahku n'sen shapru ai, mara kata sat zingri ai hpe asuya n'sen ngu na kun? Sing gu krin byin hkra myalu myasha chye nga ai hpe Democracy ahkaw ahkang ra ai n'sen ngu na kun? Shani shana sinat mahku shangoi nga ai ni hpe simsa lam ra ai, simsa mayu ga ai ngu mahku n'sen shapraw hkawm wau hkawm ai gwi tam a n'sen hpe simsa ai n'sen ngu na kun?
Galoi mung simsa lam n'sen n'madat ai gwi gwi hte shara ra kaw du hkra myen nyau ai n'sen na hkra htu htim gasat kau ra sai.
Baren Numraw
21/8/2012
1 comments:
shaning galu ten galu wa yang anhte grai myit yu ra sai law.dai ning gaw yu li hku mung bai wa sai hte lawu ga mung hka ka-up nna hkauhting hkauna ni hkai n'mai ni grai hten sai re jaw lawan gasat shamyit hpang ra sai.lamu chyen mi shing n'rai shara ra kaw du hkra gasat zing ra sai ngu mu ai.laika ngau hpe grai madi shadaw ai.
Post a Comment