Slideshow Image 2

SADUNG HTE LAHPAI LAPRAN KAW GASAT

August (5) Laban 
Wunpawng Mungdan Shanglawt Asuya Dap Ba (1) Sadung hte Lahpai mare lapran KIA Dung (3) na myu tsaw share ninghkring ni hte myen hpyen hpung tat-ma (88) ni August (4) ya shani ka-ang daw hta gap gasat lai wa sai lam shiga na chye lu ai. N dai zawn gasat ai hta myen maga na (4) si hkrum lai wa sai lam hpe mung na chye lu ai. Matut nna Sadung lam yan de shamu nga ai myen asuya tat-ma (88) na hpyen la ni gaw mare masha ni kaw na lagu lagut ai lam hte kashun ai lam ni grai galaw ma ai lam buga masha ni kawn tsun shana wa ai. Mani August (4) shani mung Sadung gat n htoi rai nna, myen hpyen la ni gaw gat dut sha ai mung masha ni a gat rai ni hpe kam ai hku kashun la lai wa sai lam, manu jahpu hpyi yang shanhte a n hki hte bawm ni sha shaw madun lai wa ai lam mung na chye lu ai.

4 comments:

Anonymous said...

Ram ai KIA hpyenla ni. Raitim kachyi mi naw shau ai yaw. Ngam ai sawa hpyenla ni hpe mung numla shedam, jit hkyin she ayawi hkra jahtaw kaw dat mu.

Anonymous said...

Sorry, nau tin mat ai majaw gashi shut mat ai.

jit hkyin she ayawi hpe jit hkyi she ayai ngu sharai hti la ga

Jatawng Naw said...

tat ma 88.. marai kade nga ma ta??. n htum hkraw ai wa i?? Shara sha gu ndai hpyen hpung ni hkrai kun???
Lawan ladan tat ma 88 hpe atsai awai di kau ga. Shiga nhtang na 2,3 sha ngam hkra shamyit kau ga le.. Matut sa na myit ai tat ma ni shagri brep mat hkra di kau sa ga law..

Myu Sai said...

Lahta de manang ni a comments ni hpe madi shadaw ai law. Tatma 88 ni n ma hkraw nga ai. Hpa majaw nga yang majan byin ai hkying hkum masum mali gap hkat tim Myen hpyen la si hkala ai gaw langai lahkawng sha she rai nga ai majaw re. Gap jang gaw hkra hkra gap mu. Law law gap hkra na ladat gara hku shaw ra na hpe mung hka ja sawk sagawn nna gasat poi shang ai kaja na re. Myen gaw kalang gap chyi hkat ai nayi hkum masum mali rai tim si ai gaw langai lahkawng sha re, nga jang gaw anhte hpe hpa n hkrit wa ai sha grau htim gwi wa nga ai lachyum re. Gasat poi mali manga lang hkrum tim, pala n hkra sai Myen hpyen la langai gaw gwi ai myit kaba rawng nna mahkrum madup kaw na sharin la ai lam hpe zai ladat ningnan bai shaw nna gasat wa jang anhte maga de hkra machyi wa na tsang ra ai re.

Post a Comment